حكاية حياةبقلم عبير سليم

تسيب شغلها وتيجى على ملا وشها
ليه بس كده ياعلا
حياة  ليه بتقول كده ياابو علا هو انا مش اختكم واللا ايه
ثم انهمرت الدموع من عينيها
طب والله العظيم وربنا العالم ان اول ما بلغتنى علا انك تعبان انا كنت حموت من القلق عليك
هو انا لية مين غيركم ده انتوا كل اهلى وكل دنيتى ربنا ميحرمنيش من حد منكم يارب ولا يوجع قلبي على حد فيكم

ټحتضنها علا  سلامة قلبك ياحياة
ده انتى اختى ياحياة
يتاثر ابو علا جدا فياخذ الاثنتين فى احضانه ربنا يخلينا لبعض يارب وميدخلش بينا شيطان
ويفرحنا بيكى ياحياة واشوفك احسن دكتورة فى الدنيا
حياة وهى تمسح دموعها  يبقى خلاص نروح للدكتور ونطمن
ابو علا  حاضر ياستى نروح للدكتور
فى منزل داليا
داليا  ماما انا رايحه النهارده ازور كريم
امها تزورى كريم فين انتى اتجننتى
داليا حرام عليكم ياماما كريم ده حب عمرى انا لايمكن حسيبه او اتخللى عنه
يدخل عليها ابوها  مش عاوزة تتخللى عن مين ياعين ابوكى خلاص ياحبيبتى كريم دلوقتى مرمى فى السچن وياعالم حيخرج بعد كام سنه ايه عاوزة اضيعى شبابك وانتى قاعده مستنياه
اسم كريم ده مش عاوز اسمعه تانى انتى فاهمه واعملى حسابك بكرة فى عريس جايلك محاسب شغال فى بنك وجاهز من كله
ولو عجبتيه حنقرا الفاتحه واجوزك
داليا وهى تبكى  لا والنبي يابابا انا مش عاوزة اتجوز
والنبي ابوس ايدك متجوزنيش انا مقدرش اتجوز غير كريم
ابوها وهو يمسكها من شعرها پعنف  ليه يابت متقدريش تتجوزى غير كريم اتكلمى انطقى هو انتى حصل بينك وبينه حاجه
امها ايه ياراجل الكلام اللى بتقوله ده هو انت مش عارف اخلاق بنتك واللا ايه
ابوها  ماهى لما تقول كلام زى ده يبقى ملوش معنى تانى
داليا  لا والله ابدا يابابا كريم عمره مالمسنى
ابوها  يبقى خلاص حتتجوزى يعنى حتتجوزى انتى فاهمه والبنى ادم ده مسمعكيش تجيبي سيرته تانى قدامى انتى فاهمه
ويرميها لتقع على الارض ويتركها
ټحتضنها امها  اهدى ياحبيبتى كل واحد بياخد نصيبه ياداليا
داليا  ده احنا كنا خلاص حنتجوز ياماما ده انا كنت حجزت الفستان ليه بس كده ياربي ده حرام والله اللى حصلنا ده
امها وهى تمسح لها دموعها  محدش يعرف الخير فين ياحبيبتى وصدقينى والله يابنتى لو ليكم نصيب فى بعض فى يوم من الايام حترجعوا لبعض
يسمعون طرق على الباب
ابوها  انتى جاية ليه انتى كمان عاوزين ايه من بنتي ماتسيبوها فى حالها بقى
هبه  معلش ياعمى المرة دى اخر مرة حتشوفونى فيها بس ممكن تسمحلى ادخل لداليا
ابوها  اتفضلي
تدخل هبه لتجد داليا تبكى وهى مڼهارة وامها ټحتضنها
فتجرى على هبه وټحتضنها بشده
هبه اهدى ياداليا اهدى ياحبيبتى
داليا  هبه طمنينى على كريم عامل ايه
تخرج هبه من شنطتها دبلة كريم وتضعها فى يد داليا
داليا  ايه دى
هبه كريم ياداليا بيقولك شوفى حالك ومتعطليش  نفسك هو لسه قدامه سنين فى السچن
وبيقولك كل شئ قسمه ونصيب
داليا  لالامش ممكن انا بحبه وعمرى ماحتجوز حد غير ابدا
ازاى هان عليه يقلع دبلتى من ايده ازاى ياهبه ازاى هان عليه حبنا ليه ياربي ليه يحصل معانا كده
كانت هبه ټحتضنها وهما يبكيان
هبه  انا عارفه انى السبب فى اللى حصلوالله انا ماكنت راضيه اقوله ياداليا والمصحف ماكنت عاوزة اقوله عشان خاېفه عليه بس هو اللى صمم سامحينى ياداليا سامحينى
داليا  لا ياحبيبتى انتى ملكيش ذنب كفايه اللى حصلك بس انا صعبان علية حب السنين يضيع انا قلبي عمره ماحب غير كريم عشت طول عمرى بتمنى اللحظه اللى تجمعنا بستنى اليوم اللى يتقفل علينا فيه بيت واحد
كل حاجه كانت ماشيه كويس ده احنا كنا خلاص
هبه منه لله اللى كان السبب
حسبي الله ونعم الوكيل فيه
داليا شوفى مصلحتك ياحبيبتى كريم ببحلك من اى ارتباط بينكم
تقبلها وتتركها لتخرج
بينما اثناء نزولها على السلم وهى تبكى على حالها وحال اخيها وانها اصبحت وحيده فى الدنيا بعدوفاة امها وسجن اخيها ولم بعد لها مستقبل بعد ماحدث لها
فجاه تجد امامها اخو داليا
هبه شادى
شادى هو ينظر اليها نظرة حزن ازيك ياهبه عامله ايه
هبه حعمل ايه ياشادى
شادى كريم عامل ايه
هبه كريم بعت لداليا دبلته معايا
شادى انتى بتقولى ايه هو كريم اټجنن واللا ايه
هبه خلاص ياشادى كريم مستقبله راح كريم لما يخرج حيبقى رد سجون لا حيلاقى شغل ولا حيبقاله مستقبل
كانت تتحدث لاعين باكيه
سادى  طب اهدى ياهبه اهدى وسيبيها على الله
هبه ونعم بالله عن اذنك ياشادى
تنزل هبهةعلى السلم بينما شادى يتعقبها بنظره ويحدث نفسه  ياااه كان نفسي تكونى من نصيبي ياهبه ياترى الزمن مخبي ايه تانى
يصعد الشقه ليجد صړيخا
حيث يجد امه تصرخ  الحقونى
يجرى يجرى شادى وابوه ليجدون داليا غارقه فى دمائها
شادى داليا اختى عملتى فى  نفسك كده ليه يا حبيبتى
يحملها ويجرى بها سريعا على المستشفى
ابوه  شايفه بت ال....... بنتك عملت ايه لتقطع شرايين ايديها كل ده ليه عشان الزفت اللى اسمه كريم طب والله لحكون كاتب كتابها ومجوزها قبل ماتجببلنا العاړ
امها  عار ايه حرام عليك هو ده كل اللى همك مش همك بنتك ضناك دى كانت حتروح مننا
. يخرج الدكتور الحمد لله ياجماعه اطمنوا الانسه كويسه
يدخل لها ابيها بقى كده ياداليا انتى فاكرة انك بتلوى دراعي طب ايه. ايك انى حكتب كتابك على العريس اللى جاى واغورك من عندى
داليا  كانت تبكى بشده
فياخذها شادى فى احضانه
اهدى ياحبيبتي اهدى
داليا شادى الله يخليك انا مش عاوزة اتجوز الله يخليك ياشادى اقف جانبي
شادى وهو يمسح لها دموعها اطمنى يا داليا محدش حيجبرك على حاجه
فى المساء يتجمع الكل على مائدة العشاء
كانت ملك تطعم تولين بينما نور تطعم سبلين
عايده  امال شيرين فين يااسر
اسر راحت فرح واحده صاحبتها
كان اسر ينظر لفارس پغضب شديد
فارس  اسور ممكن تدينى طبق ورق العنب اللى قدامك ده
اعطاه له وهو بهمس فى اذنه ماشي يافارس خليك استهبل كده اما اشوف اخرتها ايه معاك
كانت ملك تلاحظ ذلك فغمزت لفارس بعينيها
بينما فارس اڼفجر فى الضحك
هههههه هههههه
فهمى  ايه يافارس انت اتهبلت واللاايه
اسر لا ده بيستهبل
فارس معلش ياجماعه اصلي افتكرت حاجه ضحكتنى
بقولك ايه يانور
نور ايوة يافارس
فارس اعملى حسابك حسافر انا وانتى وملك شرم
نور ايه بتقول ايه
فارس ايه يانور مش موافقه
نور لا ابدا انا كان نفسي اصلا اسافر بس
فارس بس ايه ياحبيبتى
نور اصل دى اول مرة تقوللى تعالى معايا مكان
فارس وهو يقبل يديها  احنا مش قلنا ننسى اللى فات
ن
تقوم نور وتحتضنه بشده ربنا يخليك لية يارب
كانت عايده وفهمى فى قمة سعادتهم بتغيير معاملة فارس لاخته
حتى اسر برغم غضبه منه الا انه كان ايضا سعيد بتغيير فارس  مع نور
فى احدى العيادات المتخصصة
حياة خير يادكتور
الدكتور  انا مش حقدر اقول اى حاجه غير بعد مانعمل الاشعات والتحاليل دى
ابو علا  هو حضرتك شاكك فى حاجه يادكتور
الدكتور  مش عاوز اسبق الاحداث
حياة  حاضر يادكتور حنعمل الاشعات
الدكتور  تمام حتعملوا الاشعات فى........... لان ده مركز انا اثق فيه
تخرج حياة وابو علا
ابو علا  حياة الله يخليكى متقوليش حاجه لعلا عشان حتعمل مناحه
حياة حاضرمتقلقش ياابو علا خير ان شاء الله
ابوعلا  انا عمرى ماقلقت ومتاكد ان مش حيحصلي غير اللى ربنا كاتبهولى
حياة ان شاء الله حيكون كل خير
يمر يومان بدون جديد تذهب حياة للعمل بينما كان اسر فى حالة عدم استقرار نفسي لايطيق مرور وقت فى المكتب وهى بالخارج تجلس على مكتبها بينما كانت تمارس عملها بمنتهى الجديه