حكاية حياةبقلم عبير سليم

اللى عملناه زمان فى عفاف
فجاة ينتبهون على صوت من يقف خلفهم ويستمع اليهم دون انتباه منهم
وياترى ايه اللى عملتوه زمان فى عفاف
ناهد كامل
انا معرفش حاجه ومش فاهمه هو بيتكلم عن ايه
ومليش علاقه بالست دى اصلا
كامل  وهو يهزها پعنف  انا دايما كنت حاسس ان اختفاء عفاف المفاجئ ده وراه حاجه ودفاعك المستمر عن ياسر كان قلبي حاسس ان وراه حاجه

انا عاوز اعرف عملتوا ايه فى الغلبانه دى
ياسر وناهد ينظرون لبعض ولا يستطيعون التحدث
ناهد معرفش انا معرفش حاجه
ياسر  انا مليش دعوة ياكامل بيه هى اللى هددتنى لو معملتش اللى هى عوزاه حترفدنى من المصنع وتخرببتى
كامل  انطق ياياسر انطق وقول عملتوا ايه فيها
ياسر ولاحاجه انا بس اديتلها قرشين وقولتلها تمشي
ماجد اديتلها قرشين
ولما اديتلها قرشين تقدر تقوللى اختفت ازاى وسابت بنتها
ياسر معرفش راحت فين والله مااعرف
كامل  بص ياياسر انت والهانم دى لو ماقلتوش عملتوا ايه  والله لحوديك فى داهيه وانت عارف ياياسر انى اقدر ادخلك السچن ومحدش يعرفلك طريق
ياسر  كامل بيه موضوع عفاف ده اتقفل من زمان دلوقتى بنتى اهم ابنك ضحك على بنتى واتجوزها عرفى من ورايا وهى دلوقتى حامل وابنك لازم يجوزها رسمى
كامل  والله كل واحد يشيل شيلته واذا كان ابنى اتجوز بنتك زى مابتقول روح اتكلم معاه هو وحل مشكلتلك معاه
لكن انا دلوقتى مش حتنازل عن انى اعرف وافهم كل حاجه
يرن تليفون كامل عدة مرات حتى يضطر كامل للاجابه
ايوة مين معايا
فياتيه صوت
كامل بيه انا ثريه بعد اذنك انا محتاجاك ضرورى تجيلي
كامل  قلبي عندك ياثريه فى اللى حصل ل بنتك بس
معلش ياثريه انا مش فاضي ابقى ابعتى ابنك ياخد اللى انتى محتاجاه
ثريه  انا مش عاوزة فلوس ياكامل بيه انا فى حمل على صدرى من سنين وجه الوقت اللى لازم اقول فيه على كل حاجه
كامل قولى فى ايه
ثريه مش حينفع فى التليفون ياكامل بيه حضرتك لازم تجيلي حالا
يغلق كامل معها ويجرى اليها
بينما يتوجه بالكلام لناهد وياسر  حسابكم معايا لسه مخلصش
وان شاء الله الحق حيبان وكل واحد حياخد جزاؤه
فى منرل فهمى التهامي
عايده  حمدالله على السلامه يا قلب ماما البيت نور ياقلبي
نور  الله يسلمك ياماما بس انا حفضل قاعده فى السرير كده ليل نهار
فارس معلش ياحبيبتى استحملى شويه وبعدين ياستى ليكى علية كل يوم نقعد جمبك لحد ماتزهقى
سيلين ملك ياملك معاكى قلم
ملك  مش وقت مذاكرة دلوقتى ياسيلي
سيلين  لاء انا مش حذاكر ولاحاجه ان عاوزة اكتب لنور على الجبس زى ماشفت فى الفيلم
تولين  واناكمان
فارس وانا كمان
ملك ايه شغل العيال ده
فتضحك عليهم نور  خليهم يكتبوا ياستى وايه المشكله
كم كانت عايده سعيده بعلاقة فارس مع اخته نور
يكتب اسر والبنات على الجبس عبارات مضحكه فيضحك الجميع
ثم ياتى اسر  ايه ياجماعه مش تقولولى ان القمر نور فى البيت تانى
فهمى معلش بقى ياحبيبي اول ماالدكتور سمح لنور بالخروج هى صممت تمشى على طول
اسر يقبل نور من جبهتها  حمد الله على السلامة يا قلبي
نور الله يسلمك يا حبيبى
تطرق الباب وتدخل  حمدالله على السلامه يا نور
نور الله يسلمك يا شيرين
شيرين سورى يانور ماجيتليكيش المستشفى اصلي مش بحب جو المستشفيات وكمان اسر كان بيطمنى عليكى
نور ولا يهمك يا شيرين كانك جيتى
شيرين وهى توجه كلامها لاسر  حمدالله على السلامه يا قلبي
اسر الله يسلمك
الخادمه العشاجاهز ياجماعه
فارس  هاتوا العشا هنا احنا حناكل كلنا النهارده مع نور
نور ياحبيبى المكان هنا ضيق عليكم
فارس وهو يحتضنها بحب  اى مكان نكون متجمعين فيه كلنا سوا يبقى جنه
فهمى ربنا يخليكم لية يارب ياولادى
اسر  طب مادام حنتعشى كلنا هنا اروح اغير هدومى واجى
تجرى شيرين خلفه سريعا
فارس والله انا ماعارف اسر مستحمل البنى ادمه دى ازاى
ملك ملناش دعوه يافارس
فارس ياسلام على العقل
ياتى تليفون لفارس فياخذ التليفون ويخرج بينما ملك تخرج وراءه بدون ان يشعر
فارس  هو انا مش قلتلك متتصليش بية تانى............
ياستى افهمينى بقى انا خلآص قررت مش حعمل حاجه غلط تانى
........... .......
ياربي والله مازعلان منك فى حاجه بصي ياسلمى احنا قضينا مع بعض يومين حلوين وكنت صريح معاكى من الاول وقلتلك انا راجل متجوز ومش حتجوز على مراتى ودلوقتى انا توبت لربنا وعاهدت ربنا انى عمرى انى مش حغضبه تانى ولاحخون مراتى تانى فهمتى ياسلمى
وربنا يهديكى انتى كمان
..............
ايوة انا عملت حاجات غلط كتير بس الحمد لله تبت والله تبت انا بحب مراتى فاهمه يعنى ايه بحبها ومش حخونها تانى ولو حطوا السکينه على رقبتى
................
ايوة حقدر ان شاء الله وربنا حيعينى على التوبه
ويغلق الهاتف فيجد من يحتضنه من الخلف
وانا كمان حساعدك ياحبيبي وان شاء الله مش حتعمل حاجه تغضب ربنا تانى
فارس ملك انا
ملك وهى تضع يدها على فمه  هششششش متقلش حاجه انا مصدقاك انا سمعت كل حاجه وواثقه فيك يافارس
فارس انت حبيبي وحب عمرى كله اللى عينى فتحت عليه عمرى ماعشقت ولا حعشق حد غيرك
فارس  ملك بصي انا مش عارف ارد عليكى هنا ثم يرفعها على كتفه
ملك بتعمل ايه يامجنون
فارس حقولك فى اوضتنا حعمل ايه
ملك ههههههه ههههههه ههههههه
فارس فصحتينا الله يخرببيتك
يسمع من فى الداخل الضحكات العاليه فيضحكون جميعا
بينما كان اسر خارجا من غرفته فراهم على هذا الوضع
اسر  مجانين وربنا ههههههه
عايده  ربنا يسعدكم ياولادى يارب
اسر وهو يدخل اليهم  شكلهم يضحك هما الاتنين وربنا تحف
امه  ربنا يعوضك خير يااسر ياضنايا يارب
بينما يتجه اسر بتفكيره الى صاحبة الشعر المموج التى بدا قلبه يهيم بها حيث كانت تجلس فى منزلها تذاكر بعض دروسها
بينما كانت ام علا تجلس بجوارها وترضع صغيرها وعلا وشهد يلعبون بجوارهم
ام علا  يعنى نور رجعت بيتها خلاص
حياة ايوة ياام علا رجعت بالسلامه
ام علا  طب مش واجب حتروحى تطمنى عليها
حياة  لاء ياام علا انا مش عاوزة افرض نفسي عليهم اكتر من كده
انا رحتلها اكترمن مرة وهى في المستشفى واطمنت عليها بالتليفون لكن بيتهم ده خط احمر بالنسبه لي
ام علا  ليه بس يا حبيبتى هو مش انتم صحاب
حياة  لا ياام علا احنا فين وهما فين انا مش عاوزة احط نفسي وسط ناس انا مش زيهم
ام علا  ليه اسم الله عليكى مانتى زى الفل ليه بتقولى كده على نفسك مانتى متعلمه وفى كلية مبيدخولوهاش ولاد الذوات لا ياحياة اوعى تقللي من نفسك ابدا
حياة خاېفه ياام علا
ام علا  خاېفه تحبيه صح
حياة  ايوة ياام علا خاېفه اوى
ام علا  ليه بس يا حبيبتى انتى مش بتقولى انه مش مرتاح مع مراته
حياة الله اعلم ياام علا ده الكلام اللى قالتهولى نور لكن انا معرفش الحقيقه
وانا اخلاقى متسمحليش انى احب واحد متجوز
انا مرضاش ده لنفسي يبقى مرضهوش لغيري
ام علا  فى دى معاكى حق ياحياة
بس على فكرة ياحبيبتى مش كل المتجوزين سعدا ياما ناس متجوزة بس قلبها مش سعيد مع اللى متجوزينهم
وفى ستات ورجاله كتير مستحملين بعض بس عشان الولاد اللى بينهم ولولا الولاد كانت بيوتهم اتخربت من زمان
لكن القلب له احكام ياحياة ولما القلب بيعرف الحب بيبقى مستعد يضحى بالدنيا كلها عشان اللى بيحبه
حياة  ياسلام ياسلام عالحب
مكنتش اعرف انك رومانسيه كده يابطتى انتى
ام علا  ههههه فشړ طب ده انا وابو علا عيشنا اجمل قصة حب فى حياتنا
حياة  طب احكيلي احكيلي والنبي
ام علا  يوه ياحياة انا كده حعطلك عن المذاكرة
حياة لا والنبي