ساجد

شئ يخصها وحدث بينها وبين احمد وانتهت بالحديث عن ذلك اليوم المشئوم
فلاش بااااااااااك
احمد حبيبتى مشغوله فى ايه !
ماسه محتارة اختار ايه البسه بكرة انت ناسي أن بكرة عيد ميلادك ...
احمد طب سيبينى انا اختار ليكى ..وفتح الدولاب 
وطلع كذا فستان مع حقائب اليد والشوزات ...
وقتها مرات عمو سعيد ندت عليا ...علشان اساعدها فى المطبخ ...وتركت احمد علشان يختار ليا ...

انشغلت لوقت طويل فى المطبخ ..ولما رجعت اوضتى لقيت ..احمد قاعد وباين ان فى حاجه شغلاه ...
ماسه مالك يا احمد شكلك سرحان فى حاجه
احمد لا ابدا ...بقولك ايه يا ماسه ..انتى بتحبينى صح 
ماسه اه طبعا ..انت احن واحد عليا هنا ...
احمد طب انا عايز منك طلب 
ماسه طبعا انت تؤمر 
احمد انا حابب ..اقضي عيد ميلادى معاكى لوحدى ...مش وسط العيله .ودوشتهم 
ماسه ازاى بس ...هتقول ايه لعمو وطنط ..دول يزعلوا منك ...
احمد اطمنى ..انا بس عايزك النهارده بعد الساعه 12 بالليل يكون الكل نام ..هنتظرك فى الاستراحه
اللى فوق السطوح ...هجيب تورته صغيره ..ونحتفل سوا ..انا وانتى وبس ..
ماسه بفرحه تمام ..وكل سنه وانت طيب ..
كنت بثق فيه ثقه عمياء ...
وبالفعل طلعت السطوح لقيته مجهز التورته والعصير ..قعدنا وضحكنا سوا وقعد يحكيلى عن مستقبلنا واد ايه احنا مناسبين لبعض ..كان كلامه بيسعدنى ...وبدأنا نطفى الشمع وقطعنا التورته 
وصب ليا العصير ..ورفض يشرب ..قالى كفايه التورته علشان السكر
من بعدها ما حسيتش بنفسي غير على وش الفجر ..لقيت نفسي شبه عريانه و نايمه فى السرير وڠرقانه فى الډم
ما صدقتش ابدا وبقيت اعيط والطم على وجهى 
مستحيل احمد ...اللى وثقت فيه يعمل فيا كدا 
مستحيل دا ابن عمى ..الوحيد الحنين عليا ...
عودة من الفلاش
ماسه ودموعها تملأ وجهها حاولت افهم منه دا حصل ازاى ...كان بيرفض يحكى ووعدنى أن اللى حصل دا هيكون سر ..لحد ما يخلص الدكتوراه وانا اخلص الجامعه ونتزوج ...كل اللى قاله ..اللى حصل دا هيربطك بيا العمر كله يا ماسه 
كنت حاسه پانكسار ...ومقدرتش اتكلم مع حد..
لحد ما فى يوم عرفت أنه سافر ل نيويورك 
من غير حتى ما يعرفنى ...بقيت زى المجنونه 
وجيت المطار على أمل الحقه .بس للاسف الطيارة كانت اتحركت ...وباقى ايامى انت عارفها 
ساجد بحزن وسيف يخترق قلبه بس دا مش بيحبك يا ماسه ..اللى بيحب بيصون ... ودا غدر بيكى ...وحتى ما هونتيش عليه ..وهرب واتخلى عنك ...
ماسه مش عارفه اقول ايه ..انا وثقت فيه ...انا مش عارفه دا حصل ازاى ..ومش فاكرة اى حاجه
ساجد عيب عليكى يا دكتورة ..دا انتى حتى فى الطب ..واضح أن الحيوان ..دا كان حاطط ليكى مخدر فى العصير ..وانتى قولتى أنه رفض يشرب العصير ..يعنى اللى حصل ..كان هو مدبر ليه
ماسه منه لله ..ضيعنى وضيع مستقبلى ...انا بقيت عايشه بلا روح ..
ساجد ما تعرفيش الخير فين ...انا عايزك تنسي الماضى كله بكل اللى فيه ...عايزك ماسه القويه 
شوفى النهارده البروفيسور كان منبهر بيكى ازاى 
انتى بجد تبهرى اى حد يا ماسه ...بعقلك وجمالك وأدبك ...
ماسه هيفيد بايه وانا جوايا مکسورة ...
ساجد انا جنبك ...واللى عمله فيكى الحيوان دا هيدفع تمنه غالى ...انتى بتقولى هو هنا فى نيويورك ...يعنى سهل أوصله من خلال الجامعه 
ماسه پخوف على ساجد
ماسه لا يا ساجد ارجوك ..دا انسان معډوم الضمير والشرف ..اخاڤ عليك تتأذى منه بسببى 
ساجد بابتسامه عارفه يا ماسه ...انا بحبك اوووى 
ماسه بتحبنى !!!!
ساجد ايوا يا ماسه ...وكتير كدبت نفسي ...كنت فاهم ان فى حد فى حياتك ..اللى حصل ليكى دا انت. اتظلمتى فيه ...بس لازم يدفع التمن ...
ماسه بس ليه تظلم نفسك مع واحدة حصل ليها ....يضع ساجد يده بسرعه على فمها ...
ساجد ما تكمليش يا ماسه ...انتى عندى اطهر وأنقى بنت شوفتها واتعاملت معاها ...
ماسه انا مش عارفه اقولك ايه 
ساجد قوليلى انك هتنسي الماضى وتفتحى ليا قلبك ..يمكن تحسي بحبي ليكى 
ماسه ياااه يا ساجد ...انت فاهم انى مش حاسه وانى انا كمان زيك ...بس ظروفى كانت بتمنعنى ...
ساجد بفرحه يعنى انتى كمان ...طب قوليها فرحى قلبي بيها ..
ماسه بابتسامه لرؤيتها الفرحه فى عينيه 
أغمضت عينيها وبصوت رقيق بحبااااااااااك 
قام ساجد واحتضنها ...وانا بعشقك ياروح قلبي
وان شاء الله نخلص الشغل هنا ونرجع مصر نكتب الكتاب ...علشان تكونى حبيبتى وزوجتى وكل ما ليا ....
عند سعيد 
سعيد يادى المصاېب اللى بتتحدف عليك يا سعيد ..الناس هتاكل وشي دورت على البت فى البلد كلها مش لقيها ...اعمل ايه ...هقول ايه للناس ...
سميحه لا تقول ولا تعيد ...قول رجعوا بلاد برا 
علشان يكملوا تعليمهم ...وبمرور السنين هيتنسوا 
سعيد وشرفي يا وليه ...
سميحه بقولك ايه ..انسي بقي الكلام دا وركز معايا ...
كدا البنتين مش موجودين ...وبعد عملتهم دى اكيد مش هيرجعوا 
سعيد اخلصى عايزة تقولى ايه ...انا مش فايق ليكى ..
سميحه عايزة اقولك ...أن كل حاجه هنا بقت لينا 
وانت الكل فى الكل ...الأراضى ..والمركز