اتجوزت وانا نايم

بقيت عايش عشانها كل ما افتكر اني بحلم بحس قلبي بيوجعني جامد محبتش أنكد عليها واقلب اليوم نكد بس فضلت مبتسم قدامها لحد ما مشينا ..
اروى تعرف انهارده احلي يوم في حياتي بجد لكذا سبب
محمد _ اي هما ..
اروى أولا لأنك في حياتي ثانيا لأننا خرجنا ثالثا لاني اتصالحت وعرفت تصالحني جامد رابعا بقا ..
محمد _ اي بقا رابعا ..

اروى رابعا لاني بحبك
محمد _ وانا كمان بحبك تعرفي اول ما ظهرتي في حياتي حاجات كتير اتغيرت فيا أهمها اني بقيت بحس وحسيت بقلبي جدا عرفت إنى المفروض احب واتحب ويبقي ليا شخص مختلف ف حياتي عن باقي البشر ف جيتي انت وبقيتي حياتي يا حياتي
اروى علي بقا بحبك
محمد _ نينينينيني مش بحبه
اول ما قولتلها كده جريت ورايا بالمخده وفضلت ټضرب فيا بيها وجريت منها ووقعت علي الارض ووقعت علي أيدي ..
محمد _ عاجبك كده ..
اروى انا اسفه والله مقصدش
محمد _ مالك بټعيطي لي يا حبيبتي
اروى عشان ايديك اټجرحت بسببي
محمد _ لا يا حبيبتي مفيش حاجه
اروى ...
محمد _ خلاص طيب متعيطيش انا كويس اهو
اروى حاضر
مسحت دموعها اللى وجعتني جامد عليها وقتها غرفت امي مقدرش استغني عنها ولا حبها ولا خۏفها مش هقدر ابعد بعد كل دا ربطت ايدي وأخدتها ونمت على السرير ..
اروى _ ما تحكيلي حدوته ..
محمد عيوني .. بيقولك مره واحد حبه وحده عايشه في قصر كبير الواحد دا غلبان بس وسيم جدا من كتر ما بقي يشوفها كتير وهي بتشوفه هي حبته الوحده دي اميره بنت ملك وقانون الملوك ان الاميره تتجوز أمير زيها مامتها لاحظت انها بتحب الشخص دا اتكلمت معاها وعرفت ان بنتها بتحبه جدا ف قررت تكلم الملك الملك ڠضب جامد منهم وأمر الحراس انهم يجيبوا الشخص دا ويعدموه قدام بنته جاب الشخص قدامه واعترف انه بيحب الاميره كل دا حصل والأميره متعرفش
حاجه راحت جاريه من جواري الملك حكت للاميره الأميره خرجت تجري ناحية المكان اللي هيعدموه فيه وأول ما الملك قرر انهم يعدموه وقفت الاميره قدامه وفضلت ټعيط قدام والدها عشان يطلق سراحه الملك شاف دموع بنته اتاثر بيها وأمر الحراس انهم يطلقوا سراحه ومن بعدها الملك غير القانون وبقي مسموح أن الأميره ليها الحق انه تقرر تتجوز أمير أو أي شخص خلافه اي قانون ممكن يتغير إلا قانون الحب بيفضل ثابت
اروى _ بس الحب لما بيكون اختياره صح بيفرق
محمد جدا
خلصت الحكايه ونامت علي إيدي وبعد شويه النوم غلبني ونمت جمبها صحيت زي كل مره لقيت نفسي نايم علي سرير من غيرها قومت غسلت وشي بس لاحظت أن مكان الچرح لسه موجود ازاي دا مش فاهم حاجه ازاي كنت بحلم وازاي الچرح لسه موجود مبقتش فاهم ولا عارف حاجه غسلت وشي وفطرت مع امي ..
ماما اي يا حبيبي مش ناوي تراضيني وتوافق .. 
محمد _ علي اي يا ماما .. 
ماما فاطمه بنت خالتك
محمد _ حاضر يا ماما سيبيني شويه افكر
ماما طيب وهي مستعجله
محمد _ حاضر يا ماما حاضر
قعدت معاها قدام التلفزيون شويه ودخلت أوضتي سمعت صوت خالتي وفاطمة في الصاله بره مرضيتش اخرج ليهم مسكت الفون شويه لحد ما عيوني غفلت خالص ونمت بعد شويه صحيت لقيت نفسي ف أوضتي بردو من غير اروى خرجت ادور عليها لقيت ماما وخالتي وفاطمة قاعدين في الصاله فضلت ادور عليها ملقتهاش دماغي صدعت جامد وقلبي بقيت ضرباته سريعه
دخلت أوضتي لقيت ورقه علي السرير مكتوب فيها ..
يتبع .. .. 
الكاتب_الصغير