ظننته حبا سحر السحرتي حلقة 14
المحتويات
ظننته حبا بقلمي سحر السحرتي
حلقة ١٤
خرجت جودي و ابلغتهم بالمتفق عليه
سلام بقى يا جماعه ادعوا لي ربنا يقومني بالسلامه سيلا حبيبتي خليه يسفرك شرم او الغردقه شهر عسل اهو طلع معاه فلوس بلاش يضحك عليك زيي و تروحي بورسعيد عشان يوفر
شكرا يا جودي تصدقي كان لسه بيقول مش هنسافر عشان مفلس من الجوازتين وكان عايزني اخلي بابا يسفرني على حسابه
لا معاه ولسه معاه كتير انبسطي
ونظرت لجواد بخذلان
تسافر بالسلامه يا دكتور انا ماشيه يا ماما عايزه حاجه
مش هترجعي
لا ما تزعليش يا ماما اصلي مقضياها
كانت توجه نظرها بين باسل وجواد واكملت
بين الشغل وتصوير الفيديوهات وفرقه الفنون الشعبيه ده الجواز طلع كان معطلني عن مستقبلي وحاجات كثير ممكن احققها
اشكريها قوي يا طنط اصل فعلا الجواز من ابنك مش امله واكيد ما خسرتش لما سبته بالعكس كسبت كثير
واشارت على الشيك الذي بيدها
حتى شوفي المكسب اهو خلي بالك منه بقى احسن ممكن يتجلط عشان دفعوا اشوفكم بقى لما اولد اتمنى يبقى ولد شبهك يا باسل بس مش اخلاقك باي وهبقى اجيبه لك يا طنط تقعدي بيه وانا في الشغل عشان تشبعي من حفيدك اصلك هتحبيه قوي عشان مني
عن اذنكم ورايا مشوار مهم قبل ما اسافر
اسرع خلفها ليلحقها
استني يا جودي هوصلك
ما تتعبش نفسك يا دكتور
تعبك راحه لو مش هتعب عشانك هتعب عشان ابن اخويا
ابن اخوك مين ااااه
ووضعت يدها على بطنها
شوف نسيت اصل لسه ما اتعودتش
في الطريق اراد جواد استفزازها ومعرفه ما كان يدور بينها وبين باسل
يعني باسل الاول كذبك انك مش حامل وبعدين سكت انت متاكده انك حامل
لو ما كنتش حامل ما كانش دفع بسهوله وكمان المبلغ اللي طلبته
ومن امتى انت ماديه كده
لما بسامح كثير والناس بتستغل طيبتي يبقى لازم اوجعهم واكبر ۏجع لاخوك انه يخسر فلوس وخلاص انا حققت ده
انت متاكده ان ده ابن اخويا
توقف جواد بعد أن رأها بهذه العصبية لكنه خجل من الرد عليها
مش هسمح لك انا بحترمك من زمان ومش ناسيه انك كنت بتدرسني ولك فضل عليا لكن ده ما يدلكش الحق انك تتكلم عني كده وزي ما قلت انا مستعدة اعمل تحليل بس الاول هات موافقه اخوك ومش محتاجه منك توصلني سلام يا دكتور
نزلت من السياره قبل ان يتكلم وأغلقت الباب بقوة و اوقفت تاكسي وركبت به عادت للمنزل وهي تبكي
خير يا ماما جايه ليه
عشان اشوف حل للورطه بتاعتك و اقنعك ترجعي لباسل عشان اللي في بطنك
ماما احب اطمنك انا مش راجعه لباسل اطلاقا وعايزه اقول لك على سر بس بلاش حد يعرف
خير يا جودي
انا
مش حامل
نعم امال قلت كده ليه
عشان اعرف
متابعة القراءة
