السبع بنات
الي فات كل حاجه فيه نعتبر اول يوم جوازنا هو اول يوم اتولد فيه ابننا والي مر ده ننساه
اسيل بابتسامه : ياريت ياقصي نفسي بقي اعيش معاك بقي زي ما طول عمري تمنيت
قصي : خلاص ياحبيبتي والله.. انسي الي فات والله وحياه كل القسۏه الي قستهالك لاعيشك احلي ايام عمرك بس تشاوري وانا اقولك امرك
اسيل بابتسامه : ماشي لما نشوف بقي
قصي : ماشي حتشوفي
عدا اسبوعين علي ابطالنا :
رجع قصي ومعه اسيل وابنهم الفله بعدما خرج الطفل من الحضانه واصبح معافا
نزل من السياره فتح لها باب السياره ثم أمسك منها الطفل
زينب بفرحه : حمدالله علي السلامه يا. ست اسيل
اسيل بابتسامه : الله يسلمك يازينب
قصي : هاتي الشنطه من العربيه يازينب
زينب : حاضر ياقصي بيه
قصي : هاتي ايدك ياحبيبتي
اسيل : أنا بقيت كويسه خلاص
قصي : لا لسه تعبانه مش شايفه وشك ازاي
اسيل : مش مهم المهم ابننا
قصي : سلامتكم انتو الاتنين
اتجهوا الي الاعلى اقترب من غرفه فهد لسه حتفتح اسيل الباب :
قصي : لا متدخليش هنا
اسيل : امال فين
قصي : من النهارده حنام في أوتي واوده فهد حنقفلها زي مهيأ
احست اسيل بالفرحه فدائما ما كان يمنعها عن دخول غرفته :
اقترب من غرفته ثم دخلو سويا
قصي : اقعدي بقي ارتاحي
اسيل : هات ابننا جنبي...هو احنا حنفضل نقول أبينا مش حنسميه
قصي : اكيد نسميه ايه
اسيل : محدش حيسميه غيرك ياروحي
قصي : اممممم طيب سيبيني كده افكر في اسم يليق بابن قصي دكلام
اسيل : أنا كنت فكراك حتسميه فهد
قصي بحزن : مينفعش لان مفيش في حياتي غير فهد واحد بس ومش عاوز حتي حد يشاركه في االاسم
اسيل بحزن : أنا اسفه
قصي : خلاص ياحبيبتي احنا اتفقنا ننسي الي فات
اسيل : حاضر
قصي : اسيبكم شويه تستريحوا حروح اعمل شويه اتصالات للكليه والمستشفي
اسيل : ماشي
عند مها اتفق محمد مع مها علي خطبتهم غدا
استعدت والدتها فدعت بعض الأقارب والقليل من الجيران لحفله صغيره متواضعه في بيتها
خرجت مها لتوقفها امها مناديه لها :
سعاد : مها راحه فين
مها : الكليه
سعاد : يبنتي خدي اجازه دنتي خطوبتك بكره
مها : معلش ياماما عندي محاضره مهمه وكمان حعزم اصحابي
سعاد : متعزميش كتير يابنتي انتي عارفه اني عملاها علي الضيق وان بالعافيه قدرت استلف الفلوس دي..
مها : حاضر ياماما عارفه والله أنا حعزم واحده بس واستاذ قصي
سعاد : طيب ونسيتي الاستاذ بدر
مها بحزن : لا مفيش داعي
سعاد : لا يابنتي عيب ميصحش دي كان مديرك وكمان انتي عزمتيه وهو عزمك يبقي واجب عليكي انك تعزميه خطوبتك
مها باستسلام : حاضر
سعاد : طيب. متتاخريش محاضرات بس وترجعي عشان ورانا حاجات كتير
مها : حاضر
جالسه في غرفتها نائمه قامت مفزوعه :
اميره : ايه دي في ايه
واقف ادم علي السرير بيتنطط
ادم : مامي اصحي بقي
اميره : ادم حرام عليك كده تخض ماما واخوك كمان اتخض
ادم : مين اخويا
اميره بابتسامه : اخوك انت
ادم : فينه ده
اميره وشاورت علي بطنها : هنا
ادم : طيب ليه مش بيلعب معايا
اميره : معلش أصله نايم
ادم : وامتي حيصحي
اميره : بعد ٤شهور
ادم : ايه شهر ده يعني كام يوم
اميره : لا بقي كفايه كل دي اسئله ارحمني بقي انت كنت جاي ليه
ادم : بابي قالي اصحيكي
اميره : هو فين
ادم : واقف مع راجل
اميره : راجل مين
ادم : مامي انتي بتسالي كتير وانا اتخنقت سلام
اميره : ولد تعالي هنا شوف الولد ولا كاني بكلمه جيل اخر زمن
قامت من السرير اتوضت وصلت لبست هدومها ونزلت اتجهت الي الصالون حيث وجود محمود خبطت فأذن لها بالدخول :
اميره بابتسامه : صباح الخير
محمود : صباح الخير تعالي يااميره
اميره : حاضر
محمود : اعرفك الباشمهندس جاسر مهندس سيارات هو الي اخترلنا العربيه الي اشترناها وهو الي حيعلمنا السواقه
اميره : اهلا يافندم
جاسر بابتسامه : اهلا بحضرتك
محمود : طيب اتفضل نروح للعربيه نبدا الدرس
جاسر : اه طبعا يلي
انهت محاضراتها ثم اتجهت الي غرفه قصي فقال لها العامل أنه في اجازه :
اخرجت موبيلها ثم اتصلت عليه لتعزمه
مها : ازيك يادكتور
قصي : الحمدلله انتي عامله ايه يامها
مها : الحمدلله هو حضرتك واخد اجازه ليه
قصي بابتسامه : يومين كده لغايه ما اسيل تقوم وتتعافي اصلها ولدت
مها : بجد الف مبروك كده متقولش
قصي : والله جات كده مكناش نعرف علي أساس أن دكتور قال إنها حتولد اخر الشهر دي حتي لسه متصل بأمها النهارده ابلغها من كتر ما في .في مخي كذا حاجه
مها : خلاص ولا يهمك بس ده ميمنعش انك تيجي خطوبتي
قصي : معقول حتتخطبي انتي وبدر
مها بحزن : لا مش أستاذ بدر دي محمد
قصي : اه طيب وعزمتي بدر
مها : لا
قصي : لا مينفعش دي بردوا كان مديرك ميصحش ولا ايه
مها : حاضر حعزمه
قصي : ايوه كده وانا حكلمه عشان اعرف انك عزمتيه ونيجيلك سوا
مها : باذن الله عن اذنك
قصي : اتفضلي
في السياره جالس جاسر في الامام وبجواره محمود واميره في الخلف :
جاسر : بس كده دي البديات
محمود : مبدايا أنا فهمت لغايه كده وانتي يااميره
اميره : بصراحه مش قوي
جاسر : متقلقيش مش حتتعلمي من اول مره دي علي الاقل شهر
اميره : يااه
رن هاتفه ليجيب :
محمود : ايوه ياحسن
حسن : انت فين اتاخرت ليه تعالي بسرعه في ورق لازم نمضي عليه كلنا
محمود : حاضر جاي
اميره : في ايه يامحمود
محمود : حسن عاوزني ضروري لازم امشي ممكن ناجل
جاسر : طيب
محمود : بكره كدا تمام
جاسر : طيب معنديش مانع عن اذنكم
ترددت قليلا ثم قررت اخيرا أن تتصل به فمثلما قال لها قصي ووالدتها يجب أن تعزمه علي خطوبتها فهو إن لم يكن حبيبها فهو في مقام اخوها الكبير أمسكت الموبيل :
نظر إلي تليفونه بفرحه عامره لا يصدق أنها تتصل به .. خطړ بباله أنها ستعتزر له وستقول أنها تحبه بشده وموافقه علي الزواج منه..
بدر بابتسامه : مها
مها : ازيك يااستاذ بدر
بدر : الحمدلله خير منتي متتصليش الا لما يكون في حاجه اكيد في حاجه صح قولي سامعك
مها بحزن : أنا كنت متصله اعزمك علي خطوبتي
بدر بعصبيه : علي ايه يختي
مها بصوت واطي : خطوبه
بدر : خطوبه مين
مها : أنا
بدر : ومين سعيد الحظ انشالله
مها : محمد
بدر : اه لايقين علي بعض والله
مها : شكرا حتيجي
بدر : اسف مش فاضي ياعروسه
مها : براحتك عن اذنك
تلاعب أصابع صغيرها فدخل لها :
قصي : بتعملوا ايه
اسيل : بلعب مع ابني
قصي : يزين حبيب ابوه عامل ايه
اسيل : مين
قصي : يزين
اسيل : ايه الاسامي الغريبه دي مش كفايه عليا اول مجيت البيت ده واستغربت بصراحه باسميكم
قصي مالها أسامينا
اسيل : غريبه شويه ايه قصي ده
قصي بابتسامه : مش عاجبك ولا ايه يبت
اسيل : هههههه لا عاجبني طبعا هو أنا اقدر اتكلم طيب يزين يزين زي بعضه مع اني مش
