قلوب حائرة

الناس

احمد بحزن الله يرحمه كان ابويا واخويا

يوسف الله يرحمه ..... الا من حق مين الجدع الى كان واقف فى كل حاجة دا انا عمرى ما شوفته انت تعرفه

احمد اه طبعا اعرفه

يوسف بمكر مين

احمد دا استاذ زين ..............

البارت الخامس

احمد دا استاذ زين محاسب فى السعوديه قريب الحجه توحيدة من بعيد بس ايه محترم اوى وعايش عمرة برا

يوسف بشك ومتجوز ولا عينه على ايمان

احمد ألف قصه بسرعه لا متجوز ومخلف تؤام مراته سوريه اصلا

يوسف اه ..... بس دا مش قعد حاجة ومشى على طول

احمد اصل الحجه بلغته ان عم حسن ماټ وهو جة بسرعه وساب شغله ومراته فاكيد رجع عشان خاطرهم

يوسف طيب ياحمد اشوفك بعدين بقا .... سلام

بعد ما يوسف مشى احمد طلع تليفونه واتصل على توحيدة

توحيدة الو

احمد معلش ياحجه ان بكلمك دلوقتى

توحيدة لا يابنى عادى خير انت لسه كنت عندى

احمد اصل انا لما نزلت من عندك لقيت فى وشى يوسف ابن عم ليليان وسالنى على بشمهندس زين

توحيدة پخوف وقولتله ايه يابنى

احمد قولتله انه قريبك من بعيد وبيشتغل فى السعوديه محاسب ومتجوز ومخلف تؤام وهو صدق

توحيدة بفرحه كتر خيرك ياحمد انا متشكرة انك مش قولتلة على زين

احمد عيب يا حجه توحيدة ...... اصل انا مبطقش يوسف دة وحسيت منه ان هو عاوز يستفهم على حاجة معينه وانا عملتله اهبل واتكلمت معاه .... وبعدين دا عم حسن مكنش بيطيقه اروح اتكلم معاه

توحيدة خلاص يابنى اى حد يسالك على زين قوله الكلام دا

احمد حاضر يا حجه توحيدة ..... وزى ما قولتلك انا تحت امرك فى اى وقت

توحيدة تسلم يابنى

توحيدة قفلت معاه وبصت على صورة حسن وعيطت. . الى زرعته فى دنيتك بنحصدة اهو يا حسن ومكملناش يوم على وفاتك ربنا يرحمك يا حبيبى

فى بيت الجارحى

ليليان سكتت وحطت وشها بين ايديها وفضلت ټعيط جامد

زين اتعدل من نومته وقام وعدلها وقعدها

زين اشربى الميه دى

ليليان اخدت الميه ويدوب بللت شفايفها بس

زين ليليان انا عاوزة اقولك حاجة ....... انا يمكن اول مرة اتكلم مع حد كدا بس انا كمان زيك على فكرة وحيد ماليش اهل وابويا وامى ماتوا قصاد عينى وااللى ربتنى جدتى حتى هى اتخلت عنى وسافرت وعاشت فى تركيا..... وانا فضلت لوحدى مكنش ليا اللى الا عم حسن واهو ماټ .... بصى هى سنه ودايرة على الكل

زين سكت وبعدها اتنهد جامد طب انا عاوز اسألك سؤال

ليليان رفعت وشها اتفضل

زين عم حسن كان بيتمنى ايه بس امنيته من ناحيتك انتى بالذات

ليليان صوتها بيقطع من كتر ماهى بټعيط نفسه ..... يطمن عليا

زين يطمن عليكى ازاى

ليليان اكمل تعليمى واعيش بعيد عن اهلى ومتعبش فى حياتى

زين شوفتى اهو كملى حياتك بقا عشان هو يرتاح فى قبرة ولا انتى عاوزة يفضل تعبان

ليليان لا طبعا انا عاوزة يكون مرتاح

زين برافو عليكى ...... نامى يالا عشان تروحى جامعتك

ليليان حاضر يا زين باشا

زين بضحك هههههههه انتى هبله ولا ايه

ليليان استغربته انه بيضحك اول مرا تشوفه هادى وبيضحك قد ايه ضحكته حلوة وجميله غريب اوى الانسان دا حتى المفروض فى عز ۏجع قلبه بيضحك

ليليان مبستمه احم انا هبله ليه 

ليليان بغباء امال اقول ايه

زين قولى زين وبس

ليليان بهدوء مينفعش

زين ليه مينفعش

ليليان اتوجعت وهى بتتكلم كدة علشان زين باشا دى على طول هاتفكرنى دايما انك فى يوم من الايام هاتتخلى عنى ولما يجى اليوم دا قلبى مش يوجعنى

زين كلامها وجعه اوى رغم انها لسه صغيرة بالنسباله اوى وقالت كلام مش مترتب بس قالته بمليون كلام مترتب

زين بحنيه مش المفروض انا قولتلك قبل كدا ان اللى بينا اكبر من وعدى مع عم حسن

ليليان بارتباك وايه هو الى بينا 

زين معرفش.... بس اكيد هانعرف .... ومن وقتها لغايه ما نعرف قوليلى زين وبس وابقى ياستى قولى

________________________________________

فى الشغل بشمهندس زين .... اتفقنا

ليليان بابتسامتها الرقيقه اتفقنا

فى الشرقيه

يوسف وهو دا الى حكاه الواد احمد

عاصم اممممممممم ..... الشيخ عزت اتصل بيهددنى. ...اعمل ايه .

يوسف طب ماتسيبنى اخلص على امه ونخلص من قرفه دا ومن غير ماحد يحس

عاصم. بتفكير ماشى بس من غير شوشرة ماشى

يوسف بضحك متقلقش يابابا ..... ياعنى هو انا لما خلصت على جدتى حد حس

عاصم هششششش الله يخربيتك اسكت هاتفضحنا ..... اللى حصل دا ېموت ما بينا ولا حتى تفكر تفتحه فى يوم من الايام

يوسف طيب سكتنا اهو ...وانت بقا ياعزت دورك جة اصل انا اتخنقت من امك

فى القاهرة فى بيت الجارحى

على السفرة

زين ليليان مش كل يوم هاقولك اشربى اللبن انا مبرجعش فى كلمه بقولها لو الدنيا من حواليا اتهدت

ليليان حقيقى والله انا تعبانه انا مبحبوش ... ليه اشرب حاجة مبحبهاش

زين عشان انا عاوز كدا ويالا والعقاپ لسه موجود

ليليان بضيق منه اووووف ... حاضر

زين ابقى وافقى واشربيه من الاول احسن من حوار كل يوم دا

ليليان بيبقا عندى امل انك تقدرنى وتوافق مشربوش

زين بتريقه امل ماټت متفكريش فيها كتير ....يالا عشان تروحى جامعتك

فى شركه الجارحى

مراد ايه يا جدع بتصل بيك من امبارح مبتردش

زين كنت مسافر

مراد مسافر فين 

زين الشرقيه .... عم حسن اتوفى

مراد لا حول ولا قوة الا بالله ... البقاء لله يا زين .... طيب مقولتش اروح معاك ليه

زين عرفت بليل متأخر وجريت على هناك

مراد طب وليليان عرفت .

زين بهدوء اه قولتلها والحمد لله عدت على خير

مراد طب ايه يا صاحبى ناوى على ايه 

زين باستعباط مش فاهم ناوى على ايه بالظبط

مراد لا انت فاهم كويس يا زين ...... ناوى ايه على علاقتك انت وليليان

زين معرفش علاقتنا بتجرى بسرعه اوى يا مراد

.... والسرعه دى مضايقنى ومبقتش قادر اوقفها ...... ومش عارف اذا كان السبب منها هى ولا منى انا

..... بس الاكيد انا لسه عند وعدى مع عم حسن وعدى مماتش بمۏته مش زين الجارحى للى يعمل كدا

مراد زين سيب نفسك وبطل تسيطر على مشاعرك كدا غلط

زين بشرود انا مبقتش قادر حتى اسيطر على مشاعرى

زين فاق على تصفير مراد

زين تصدق انك رخم .... قوم يالا روح ظبط الامور عشان الوفد

فى الجامعه

سارة مالك يا ليلو شكلك تعبان كدا

ليليان اممم انا تعبانه فعلا بس مش جسمى قلبى ... قلبى الى وجعنى

سارة ليه كدا فى ايه مانا سايبكى امبارح كويسه

ليليان فاكرة عم حسن اللى حكتلك عنه ..... اهو ماټ هو كمان وسابنى

سارة متقوليش كدا زين موجود وانا كمان اهو مش هانسيبك ومعاكى وفى ضهرك

ليليان زين ....فى يوم من الايام يزهق منى فى يوم من الايام هايحب واحدة ويتجوزها ويطلقنى فى يوم من