قلوب حائرة

انتي .

ليان وكاميليا بتكرهه ليه .

هنا معرفش ...هابقى اسالها .

ليان طيب هاتعملي ايه .

هنا مفيهاش عمل ..انا لايمكن اروح عندة تاني ...بقولك حړق ابنه پالنار بكل غل والواد عمل بيبي على نفسه والبيت كله متكسر حواليه ..انا هاعطيه لكاميليا وهيا تتصرف.

ليان يبقا احسن بردوا .

هنا طيب هنام .. اصل انا فصلت .

ليان اوك ....اشوفك بكرة .

ليان قفلت مع هنا وجالها رسالة فتحتها لقت ..نفس الرقم اللى بيبعت رسايل ليها ..استغربت وفتحتها ..كنتي جميلة جدا انهاردة ...بحبك يا اغلى حاجة عندي .

ليان كنت جميلة ...يعني ايه كنت جميلة دي ...قصده ايه .... طيب مين ...انا مش فاهمة حاجة ..لا بس ممكن حد يكون باعتها لحد وهو شافها ...ايه التوهان دا ...لا انا احسن حاجة مفكرش .. ..طب اتصل على الرقم ...لا ممكن واحد يكون بيعاكس ..هو ممكن يكون عمر ..لا لا شيليه من دماغك هو قالك انتي زى اختي ..انا انام احسن .

على البحر كاميليا قاعدة بتشرب عصير الفروالة اللى بتعشقه ومستمتعة بنسمة الهوا ... جالها تليفون من لندن ...ابتسمت وردت.... ادهم واقف وراها سامع كل كلمة .

ادهم مين دا .

كاميليا لفت بخضة ايه دا يا ادهم ...في حد يعمل اللي انت عملته دا .

ادهم بقولك مين اللي انتي بتكلميه دا .

كاميليا دا نزار .

ادهم مين نزار .

كاميليا He is my lover.

ادهم مين!!!

كاميليا حبيبي يا ادهم .

ادهم دا اللي هو ازاي يعني .

كاميليا نزار دا كان زميلي في المدرسة وكبرنا مع بعض وبعدها دخلنا نفس التخصص ادارة اعمال واحنا الاتنين اشتغلنا مع بعض ... حبيته وحبني ..هو من اصل تونسي .

ادهم بهدوء طيب .

ادهم سابها وقام اتحرك بصعوبة ...اتخنق ...لقي نفسه رايح لمراد الالفي .

مراد ايه دا ..انت اللي جاي ..غريبة اول مرة تحصل .

ادهم مخڼوق .

مراد ادخل ...تعال نتكلم .

مراد وادهم دخلوا وادهم قعد على الكنبة رجع راسه لورا وسكت .

مراد لا مانت مش جاي اكيد علشان تسكت اكيد فيه حاجة ...في ايه .

ادهم زمان لما كانت كاميليا عايشة معانا كنا صغيرين بس كنت متعلق بيها اوي ...لما صحيت من النوم قولتوا انها سافرت عند ربنا اتاثرت وزعلت كانت جزء من يومي ..بعدها كبرت وعرفت ان انت السبب في موتهم كرهتك ...اتولد شعور الكرة تلقائيا عندى .. علشان انت السبب انك بعدتها عني وبدات اتعلق بيها اكتر ..كنت باجي مع بابا عندك وانا صغير وكنت بدخل اوضتها واسړق حاجات واخبيها ... فاجأة ظهرت ....مصدقتش نفسي ملامحها شدتني ليها لسه زي ماهيا حلوة ...يعني انا عايش ٢٨ سنة بحبها وزي الاهبل وبنتك بتحب واحد اسمه نزار ...اموتها ولا اضرب نفسي بالجذمة على غبائي .

مراد لا احنا نجيب جذمتين ونضرب بعض ...مش لوحدك اللي كنت متخلف وغبي ...انا كمان زيك .

كاميليا سمعته وهو بيتكلم وعيطت ...ملقتش غير هنا تروحلها صاحبتها اللي بتحبها .

كاميليا هنا ....قومي ...عاوزة اكلمك .

هنا بنوم امممم ...بكرة .

كاميليا محتاجكي .

هنا قامت واتعدلت من نومتها ايه .

كاميليا ادهم بيحبني زي مانا بحبه .

هنا بفرحة قالك .

كاميليا لا ...سمعته ....بس انا مخڼوقة .

هنا انتي المفروض تفرحي يا كاميليا ...مخڼوقة ليه.

كاميليا علشان انا كسرته قولتله ان بحب نزار زميلي في شغلي ...عملت قصة وقولتها علشان ميحطش امل .

هنا وليه الۏجع دا يا بنتي .

كاميليا انا مش عندي استعداد احبه زي ماما وبابا وتبقى قصة حب جميلة وبعدها على سبب معين ننفصل او نبعد وعيالي يعيشوا اللي انا عشته ...انا اتعذبت بمعنى الكلمة ..ابويا بعيد عني وفاكرني مېتة وانا عادي عايشة وباكل وبفرح والله قلبي كان

________________________________________

بيتقطع ...وماما بتحاول تكون كويسة وقوية وهيا اضعف مني ...طيب ليه احط ابني او ابنتي في موقف زي دا .

هنا هو انتي عرفتي امتى ان اونكل عايش .

كاميليا كنت صغيرة عملنا حاډثة انا وماما نتيجة تهورها بالعربية بعدها فقت لقتهم ييقولوا بابا ماټ كنت تايهة مش فاهمة صغيرة قولتلهم عاوزة ماما كانت حالتها غريبة ولا بتاكل ولا بتشرب وحبست نفسها ... كنت اعيط واقولهم ودوني لادهم يقولوا هو كمان مبقاش موجود.. كبرت وبدأت افهم كويس وبدأت اسال لغاية ما ماما قالتلي بابا عايش وسبب انها عملت كل دا ..مكنتش عارفة الومها ولا ألوم نفسي ولا ألومه...مكنتش عارفة اسيبها واروحله وتتضعف وتقع تاني ولا اعمل ايه ..اختارتها وانا نفسي اختار ابويا ..ودي بردوا امي ..انا عشت حيرة صعبة ولسه بعشها .

هنا ومقولتيش ليه انه كان عايش انا فاهمة ان دا كله انه ماټ ...ولما عرفت من ماما وماما نبهت عليا خۏفت اقولك تقولي لعمتو سارة تقوم تقول لبابا ويخليني اقطع علاقتي باليان ...وخۏفت اقولك اصدمك من فكرة انه عايش .

كاميليا مكنتش بتكلم ...كنت هاتقولي حرام ابوكى ..طيب وماما اعمل ايه ...ماما حطتنا في دوامة... دوامة كبيرة ملهاش نهاية ..هانفضل نلف ومحدش هايرتاح .

هنا بس انتي غلطتي ...كان واضح اوي اهتمام ادهم بيكي ...من غير ما حتى يعترف ..غلطتي على فكرة .

كاميليا لازم يحصل كدا ..انا هاقوم انام تعبت جدا انهاردة .

هنا اوك .

كاميليا سابت هنا لوحدها ..وهنا اتنهدت بحزن .

هنا الدنيا دي مش مريحة حد ابدا ...ولا اللي بيحب مرتاح ولا اللي مبيحبش مرتاح ...طب والله انا بقول حكم ...انام احسن .

صباحا في مطعم 

مراد وسارة قاعدين كل واحد في ترابيزة مختلفة وسارة متجاهلة نظرات مراد ...هيا خلاص تعبت ولا قادرة تفكر ولا تعرف ولا تفهم .. وصلت لقرار تكمل اجازتها وتسافر لندن تاني .

فريد سارة صباح الخير .

سارة صباح الخير يا فريد...ازيك يا زيزو .

زياد الحمد لله .

فريد زياد لما عرف انك هنا أصر يشوفك .

سارة اخدته في حضنها وحشتيني اوى يا زيزو ...مالك زعلان ليه كدا .

فريد مالوش .

فريد ضغط على جسم زياد بايده وزياد افتكر تنبيهاته طنط سارة ... ممكن تيجي معايا تشتري هدوم ليا .

سارة زياد صعب عليها ماشي يا حبيبي .

زياد طيب يالا بينا .

سارة مشيت مع فريد وزياد تحت انظار مراد ...مراد اتصل على مراد الچارحي .

مراد الالفي بقولك عاوزك .

مراد الچارحي انت فين .

مراد الالفي في المطعم .

مراد الچارحي ثواني واكون عندك .

ريهام سرحانة في ايه يا ميرا .

ميرا مفيش ...خير.

ريهام كل خير ...عادي قولت اقعد معاكي اسلي نفسي شوية .

ميرا دا على أساس ان انا تسالي ولا ايه .

ريهام هو انتي ومراد متجوزين بجد .

ميرا بسخرية لا كدب ...

تابعت كلامها انتي مالك بيا انا ومراد بتدخلي في حياتنا ليه .

ريهام ماليش ...هاقوم انزل البحر شوية ...باي .

ريهام مشيت وميرا اضايقت جدا وقررت تتكلم مع مراد وتحط حد للموضوع دا ويحترمها منعا للكلام .

مراد الچارحي خلي في بالك انت بتستغلني .

مراد الالفي طيب دور معايا على اي حاجة وركز ..انا شاكك في فريد دا .

مراد الچارحي امممم ..غيران .

مراد الالفي مش حكاية غيران ...مش مرتحاله شغلتي علمتني كدا .

مراد الچارحي