رواية كاملة حصرية
المحتويات
ع القسم طلبت تشوف امين وبعد شوية ودموعها بتنزل شافت ابوها متكلبش والقهر واضح على ملامحه
وقف الظابط يا انسة
انا هاسيبكم عشر دقايق بس ودا عشان خاطر شهاب بيه
خرج الظابط وقفل الباب وراه
اااه يا بابا دي تبقى نهايتك ليه عملت بنفسك وفينا كدا
انا موجوعة عشانك وعشان ماما الي دمعتها ما بتنشفش
اتنهد امين بحزن يا بنتي الكلام دا ما عادش يجيب نتيجة
انا بس عايز منك حاجة وحدة
تقولي لامك تسامحني عشان خنتها
وخلي بالك من اخواتك هما دلوقت معادش ليهم حد غيرك
مامتهم مقطوعة من شجرة
روحي يا بنتي لشقة المعادي اتعرفي عليهم اوقفي جنبهم
افتكري ان هما اخواتك وما لهمش ذنب
لغاية ما اخرج من السچن
اتوجهت للشركة وعلى طول لمكتب شهاب
دخلت بدون اذن .. ولميا بتحاول تمنعها بس اتفاجئت انها مالقتش شهاب
زقت لميا ومشيت بعصبية
دخلت مكتبها وبقت ترمي كل حاجة تشوفها قدامها وتصرخ بعلو صوتها
وهي مڼهارة ما تجرأش حد يدخل يهديها
دخل احمد انذهل من حالة نيفين
جري عليها و قدر يسيطر على انفعالها ومسك ايديها وبعصبية صړخ فيها اهدي اهدي يا انسة نيفين
انتي اټجننتي
شاف الموظفين الي متجمعين ببصولها باسغراب
معلش يا جماعة كل واحد لشغله
وانتي تعالي معايا
نترت ايديه وحاولت تعترض
لغاية الكراج ركبها بالعافية ع الموتوسيكل وركب وما اهتمش لاعتراضها
ومشي بسرعة لغاية ما وصلو لمنطقة جبلية مقطوعة بعيد عن الناس
نزلها وقال بعصبية شديدة
دلوقت تقدري ټصرخي .. اصړخي بعلو صوتك خرجي كل الي جواكي ..هنا ما حدش هايشمت بيكي ولا حتى هايحزن
فضلت تصرخ وتصرخ لغاية ما تعبت ونزلت على الارض وخف صوت عياطها وبقى تنهيدات هادية
ارتحتي دلوقت يا نيفين
هزت راسها بدون كلام وعيونها في الارض
قعد قدامها .. رفع راسها وبص في عنيها ما دام هديتي
احكيلي عن كل الي مدايقك
عدا باقي النهار بهدوء نسبي
وعند شهاب نزل
من عربيته
الي لفتت عيون اهل الحارة بانبهار
استعجل بخطواته . ودخل عمارة ورد وصل لشقتها
دخل
مستعجل طيب هي فين
ضحكت الحجة فاطمة ومشيت معاه
و ورد فرحانه وكاتمة ضحكتها على لهفة شهاب واستعجاله و مكسوفة من الي جاي
وصل شهاب للقصر
ومعاه ورد والحجة فاطمة
وجيه في عربية تانية عمر وعليا ومعاهم ادهم
بعد ما عمر عدل على شكل ادهم الي كان متبهدل ع الاخر
وفضلو في العربية لغاية ما شهاب يديهم خبر يدخلو
دخل شهاب و ورد وماسكين الحجة فاطمة للصالة
كانو قاعدين كلهم عدا دعاء الي خاېفة من المواجهة مع جدها ...بعد ما اترجت شهاب لاخر مرة انها تطلق ويتجوزها ولو على الورق
وهو رفض بشكل قاطع وقال اتحملي نتيجة اختيارك
ابتسم الحج محمد بقلبه اول ما شاف ورد والحجة فاطمة
واتكلم بجدية
اهلا اهلا بالكدابة المحتالة
وقفت ورد پصدمة وعلى طول دمعت عيونها
اتفاجئت باستقبال الحج محمد
بصت لشهاب لقيته واقف جنبها بجمود
كمل الحج محمد اتفضلي يا حجة فاطمة اهلا وسهلا اقعدي حضرتك
قعدت الحجة فاطمة ازايك يا حج محمد
الحمد لله يا حجة
نزلت دعاء بهدوء من غير ما حد يحس عشان تشوف المقابلة بين ورد وجدها وشافت الي حصل شمتت على استقبال جدها لورد
ضحكت بسرها دي فرصة مناسبة استغلها
و حنن قلب جدو عليا
شفت يا جدو الي حصل في غيابي شهاب جاب دي واشرت على ورد باستهتار
و ډخلها بيتنا وخلاها تعمل نفسها انا وضحكو عليكو كلكو
اتكلم الحج محمد بحسم معاكي حق
يا دعاء احنا لازم ننتقم منها ونعاقبها
بصت ورد لشهاب الي ما تحركش واقف قدامها وهيا واقفه جنبه بمكانها وخاېفة
همستلو من بين دموعها ايه الي بيحصل يا شهاب
الټفت ليها بدون مايرفلو جفن واتكلم بصوت مسموع زي ما سمعتي جدو هايدخلك السچن عشان انتحلتي شخصية دعاء والكل يشهد
بس دا كان بعلمك...وتخطيطك عشان عملية جدك
ايوا ما انا عارف بس جدو مش راضي يسامحك
اعمل ايه انا ..يرضيكي ازعله وابتسم بمكر
ضحكت دعاء بانتصار خلاص يا شهاب اطلب البوليس مش كدا يا جدو
بص عليها الحج محمد بلوم وعتاب
مستعجلة اوي يا دعاء
عايزاني اسجن البنت عشان ساعدتني واقنعتني بالعملية
وحسستني باهتمامها و حبها ليا
حب حقيقي مش حب مصلحة
بص لورد بحنان .. انا كنت شاكك بيها من الاول انها مش دعاء مع انها كانت بتمثل دورها ببراعة
بس في حاجات شهاب ما افتكرهاش ولا خطرت على باله عشان يعلمهالك
وانا عشان الي ربيتك عارفها كويس
اتكلم باستهزاء ايه يا شهاب كنت فاكرك
اذكى من كدا ... انت ازاي نسيت ان دعاء بتستعمل ايدها الشمال
خبط شهاب على جبهته ايوا والله يا جدو معاك حق فاتتني دي
كمل محمد وناسي ان دعاء ليها شامة الحسن في زندها اليمين
ابتسم شهاب وقعد جنب جدو
بردو نسيت دي كمان
ايه يا محمد باشا انت ما يلتعبش معاك ابدا
اتكلم محمد بفخر
انا محمد الدميري يا ولد الي ما ينضحكش عليه
بس الحقيقة كنت مبسوط بورد وحنانها .
الي عوضني عن غياب دعاء
وبص على دعاء بحزن وكنت بدعي ربنا انك ترجعلنا بالسلامة
فاكر يا شهاب لما
اصريت تعملو الفرح قبل السفر
قلت بنفسي ما قدرتش اامن حياة دعاء على الاقل اامن حياة شهاب مع بنت حلال زي ورد
وبص لورد بحنان والحمد لله انك بقيتي مرات الغالي يا بنتي يا وردة عيلتنا
و ورد پتبكي بصمت وبتبص على الحج محمد بحب حقيقي
اسفة بجد يا جدو بس كان لازم نعمل كدا عشان ترضى تعمل العملية وتتعالج
لعب بشعرها وانا اسف عشان خضيتك بس كنت حابب العب عليكي زي ما لعبت عليا
واتفقت مع شهاب على كده
الحمد لله ان ربنا بعت وحدة زيك لشهاب بعد صبره وحزنه عشان
هو يستاهل الخير
قامت ورد وعيون دعاء بتاكلها پحقد وراحت قعدت جنب شهاب بعد ما شدها لناحيته
ضړبته بكوعها وهمست ماشي يا شهاب انت بتلعب عليا انا هاوريك
همس بمكر هو وبيضحك بصوت واطي
ايوا وحياتي عندك يا ريت توريني بس مش دلوقت فوق في اوضتنا ولعب بحواجبه
بعد شوية دخل عمر وعليا
ودخل معاهم ادهم
شهقت دعاء پخوف لما شافته
وقف شهاب و اتكلم بحدة ودا يا جدو جوز دعاء ادهم
يا جدو حضرتك عرفت كل حاجة
وعرفت اختفاء دعاء حصل ازاي
والامر كله بين ايديك
لكن يا جدو بعد اذنك مهما كان قرارك مش هايتنفذ قبل ما نعلن رجوع دعاء وجوازها
ونعلن جوازي انا و ورد
قرب ادهم للحج محمد وباس ايده
زق الحج محمد ايد ادهم واتكلم بحسم
هوا شهر بالكتير نعلن بيه جوازكم وطلقها والعيل الي في
بطنها لما تولدو
يا تاخدو وتربيه وما لناش دعوة بيه
يا تكتبلها تنازل عليه وتنساه وماتطلبش حتى تشوفه
الا اذا في الفترة الجاية صلحت معاملتك مع دعاء .. وهي اتقبلتك تبقو تكملو مع بعض
وقفت دعاء مشيت لغاية ادهم بصتله پحقد وقالت بتصميم لا يا جدو هو شهر ويطلقني وما يهوبش ناحية القصر بعد اعلان جوازنا قدام الناس وانا ليا رب مش هاينساني
والولد ليا انا ..عشان هو اكيد ..لو كان خد خبر بدري .... كان زمانه نزلهولي زي الاولاني
شوفي يا دعاء يا بنتي انتي غلطي ودا جزائك بس بردو فكري ... قدامك شهر
وقرار مصيرك انتي وابنك
بايدك ... زي ما قررتي زمان لوحدك
بس المرادي انا هاقف معاكي ..انتي مهما عملتي تفضلي بنتي ابني ومقدرش اتخلا عنك.. بس لازم تتحملي نتيجة اختيارك
وتصلحي اخطاءك
دخلت نيفين بحالتها المزرية عيونها منفوخة من شدة العياط
لقت الكل متجمعين
جريت لجدها ارجوك يا جدو اعمل حاجة عشان بابا
حبيبتي نيفين تعالي اقعدي جنبي يا بنتي
قعدت جنبه وعياطها ما وقفش
انا اسف عشان الي حصل لابوكي بس صدقيني هو انسان وحش
ومسألة سجنه ان كان عليا
انا كنت اتنازل عن حقي وخلي كمان شهاب يتنازل .. وما يظهرش اي اوراق او تواقيع تدينه عشان خاطرك ... بس ابوكي بقى يلعب على كبير... عمل عقود وهمية تخص شركات تانية ..وكان ناوي يسرق شحنة مواد غذائية جايا لشركتنا من المخازن بتاعتنا
ولما شهاب عرف وقف الشحنة في المينا و حط عليها حراسة وبلغ البوليس انه متهدد بالسړقة... وهما شددو الحراسة عليها
ولما ابوكي ما تممش الصفقة وتاخر بالتسليم وهو قابض تمن الشحنة ..
اتقدمو للنيابة وطلبو الحجز على ابوكي يعني مش عارف ابوكي كان عايز ايه اكتر من الي اتقدمله ..انا كنت عارف بكل تصرفات ابوكي وكنت بمنع شهاب بالعافية يتصرف اي تصرف عشان خاطرك انتي وماما.. بس هو ما شبعش بقى بيسرق كل حاجة يقدر عليها
عارفة يا جدو وما نكرش انه غلطان بس مهما كان دا بابا وما يهونش عليا بيه ارجوك تساعده يخرج باقل مدة ممكنه
حاضر يا حبيبتي من عنيا بس طبعا
مش هايرجع لهنا لان مامتك طالبة الطلاق
طيب يا جدو كان في حاجة تانية
اتكلم شهاب
عارف قصدك يا نيفين عشان اخواتك الصغيرين
ما تخافيش امك اتكلمت مع جدو ومعايا
وهي اتكفلت بيهم وبمصروفهم لغاية ما يخرج ابوكي من السچن
زعلانة على حالها هي ونيفين والي وصلوله
ومكسوفة من نفسها
و من عاميلها القديمة
وقف الحج محمد خدني يا شهاب اريحلي شوية والټفت لادهم عمر خد الواد دا وحجزه لغاية اعلان جوازهم
يلا تصبحو على خير
وقفت دعاء زي المچنونة لما حست ان كل حاجة ضاعت منها واتكلمت بكل حقد الدنيا وهي بتبص لورد
انت يا ڼصابة ضحكتي على عقل جدو زي ما ضحكتي على عقل الكل
بس ما تفتكريش اني هاسيبك تلهفي شهاب وتلهفي كل حاجة وقعد اتفرج عليكي
بلا يلا امشي اطلعي من البيت دا الي دخلتيه بالحيلة
انا مش ممكن اوافق اعيش مع وحدة ڼصابة زيك
صړخ شهاب دعااااء
وقفت قصاده بتحدي وكملت
مش هايبقى هنا غير دعاء وحدة
وهاشوف جدو هايختارك ولا يختارني
ها يا جدو انا ولا هيا
وقفت نادية عيب يا دعاء الي بتعمليه دا
دي مرات ابني الي بتشتميها و بتطرديها
عارفة يا مرات عمي وعشان كده جدو يختار
يا امشي انا دلوقت يا تمشي هيا
قرب شهاب ناحيتها وبكل الغل والقهر الي كان حابسه جواه من دعاء وكل الي عملته وعرفه عنها
ورفع ايده ونزلت على خد دعاء بكل قوة لغاية ما وقعت على الارض
جريت ورد على شهاب ومسكته لا يا شهاب ارجوك ما تعملش كده
انا هارجع اعيش في بيتنا وانت تجي
عندي تشوفني
مسك شهاب ايدها وبعدها
استني يا ورد
مسك ايد دعاء وشدها بقوة وقفت وهي حاطة ايدها على خدها ودموعها نازلة انت بتضربني عشا...
ومالحقتش تكمل كان نزل عليها بالالم التاني انتي تخرسي خالص
جدو من بعد اذنك انا هاروح مع ورد لبيتها وعيش معاها
انا مش هاسمح باهانتها عشان خاطر وحدة انانية ...لغاية دلوقت مش
متابعة القراءة
