ڼار الحب والاڼتقام
المحتويات
عمار لو البنت جرالها حاجه انا اللي هقف لك ولا عشان ملهاش أهل...
قاطعه عمار بضيق أيضا وتفاجأ من كلماته تلك
بابا هي لو ملهاش أهل فأنا اهلها ومش حضرتك اللي هتوصيني عليها انا بحبها وحط مليون خط تحت بحبها دي زينه دي الوحيده اللي حبيتها وهشيلها في عينيا انا من يوم ما عرفتها وأنا بحميها وحافظت عليها حتي من نفسي فمش هاجي انا النهارده بغباء وءأذيها..
أنا عارف يا حبيبي بس كنت بنهبك مش اكتر...
أومأ له عمار وما أن استدار كي يذهب الي زينه حتي أمسك به والده من ذراعه مره اخري يستوقفه..
أستدار له عمار بضيق
إيه يا بابا تاني!!!!!
يا إبني إهدي في إيه هو انا هخطفك... كنت هقولك ابقوا صلوا انتو الاتنين قبل ما تقرب لها عشان ربنا يعمر بيتكم و يطرح فيه البركه! ومتنساش تاكل الاول وتتغذي
ظل عمار واقفا أمامه فتعجب والده وساله
واقف ليه ما تطلع!
مستني حضرتك يمكن توقفني تاني!
لا خلاص مفيش اطلع..
أبتسم عمار بإيماء وقبل والده بحب قبل أن يصعد لأعلي..
عريسنا الزين كحيله العين وعروسته حلوه وجميله آآآه ...آآه
هنقول يا ليل ونغني يا عين آآآه.... آآآه
يا قمر ومنور علي الخلان... سيدي علي الخلان
يا نجف... اه يا نجف... حلو يا نجف..
لم تقوي زينه علي التماسك وأخذت تضحك بقوه هي تصفق معهم بفرحه بينما صاح بهم عمار
بااااس... إيه انت وهو وإيه اللي دخلكم هنا أصلا
توقفوا جميعا قبل أن يكملوا الأغنيه ونظرو لبعضهم البعض في
انت ياض انت وهو مش معاكم حريمكم أشار لأمير اسراء واختها سايبهم ليه نظر لمعتز وانت برضه مش بسنت تحت سايبها لوحدها وجاي هنا تعمل إيه
ضحك معتز وكذلك امير وطردهم عمار فاسرعوا للخارج وقبل ان يخرج معتز أردف
دي مش اخلاق قائد وعقيد في الجيش أبدا..
أجابه عمار
حاضر
يا حبيبي كلها شهر وراجعلك وهعرفك اخلاق القائد عامله إزاي.. استناني..
وعلي إيه الطيب أحسن!
دلف عمار الي بيته مره أخري وقبل أن ينظر لزينه حتي وجد عمرو وطارق مبتسمين له..
هز عمار رأسه لهم
خير إنت وهو ممشيتوش ليه
أجابه عمرو بإبتسامه رخامه
حضرتك يا باشا طردتهم عشان البنات اللي معاهم تحت انا والغلبان ده ممعناش بنات ولا حاجه ومستعدين نفضل معاك لحد الصبح والله.. اهم حاجه راحتك يا قائد
في حين مال طارق علي عمرو وهمس له بقلق
هو راح فين
أجابه عمرو بهمس أيضا
متقلقش تلاقيه بيحضر لنا العشا ولا حاجه! القائد طول عمره كريم..
ولم يكمل جملته حتي وجدو السلاح مصوب علي رأسهم وعمار ينظر إليهم
هعد لحد تلاته... وقسما بالله لو لمحت حد فيكم هنا مالا مفرتك دماغه..
لم يمهلوه حتي يكملها وفروا في اقل من ثانيه قهقهت زينه بقوه مردده
انا في حياتي مضحكتش ولا فرحت قد النهارده! هما بيعملوا معاك كده ليه
أغلق عمار الباب وعاد إليها مرددا
مش معايا لوحدي دي أعراف متداوله للشعب المصري يا حبيبتي لو مطلعوش عين العريس يوم فرحه يبقي في حاجه غلط بابا كان بيحكيلي وبيقولي صحابه كانوا سهرانين معاه لحد الصبح...
ضحكت زينه مره أخري مردده
ينهار ابيض إيه الرخامه دي
ضحك عمار أيضا ثم اضاف
المهم تعالي ناكل انا مېت من الجوع مفطرتش والله
رددت زينه بقلق وحب
يا حبيبي!!!.... ليه كده... طيب نغير هدومنا وبعدين ناكل انا مش هعرف
متابعة القراءة
