اهتديت بحبه لكاتبتها مياده خاطر

لخديجه وكل المشاكل اللي حصلت كنت السبب فيها يرات تسامحيني ارجوكي سما بعدت شويه عنها وقالت أنا معرفش انتي مين ولا حكايتك ايه بس أنا مسمحاكي لان الحقد والكره والعداوه ملهاش لازمه وزي ما ديجه قالت اهم حاجه نتعلم من غلطنا
سمر ابتسمت وقالت ربنا يخليكي تسلمي من قلبي
وراحت لسليم ومن غير ما تكلم
سليم اهم حاجه اتعلمتي من غلطك أنا مسامح

سمر فرحت وقالت كده لو ربنا افتكرني هروحله وانا ضميري مرتاح شكرا بجد ومشيت وهي حاسه ان حياتها هتتحسن
علا احم
سليم بصلها وقال پحده نعم
علا بتفرك فايديها وقالت بتوتر الحقيقه انا فمشكله كبيره ومفيش غيرك هيحلها
سليم رفع حاجبه وشاور علي نفسه وقال أنا
علا هزت راسها وقالت ايوه
سليم قرب منها وكلهم معاه وقال خير
علا أعدت تبص يمين وشمال وقالت بتوتر بصراحه انا يعني ايه هو
سليم بنفاذ صبر انجززي
علا أنا حامل
الصمت عم المكان وكله متنح وفاتح بؤه
سمر كانت ماشيه وخبطط فشخص
سمر انا اسفه جدااا
زين لا انا اللي اسف انا اللي ماشي مش واخد بالي
سمر باحراج لاء عادي ولا يهمك وماشيه
زين لو سمحتي
سمر وقفت ومن غير ما تبص اتفضل
زين ممكن اطلب منك طلب
سمر وهي لسه مدياله ضهرها احم اتفضل
زين طب ممكن تبصيلي طيب
سمر نعم
زين اقصد عشان اعرف اكلم يعني مش قصدي حاجه والله
سمر أديرت بس بصه فالارض
زين بصي أنا حاليا مسافر لمده اسبوع شغل وكنت مكلم داده تعد ببنتي فالبيت بس هي كلمتني دلوقتي وقالت إنها مش هتيجي عشان عندها حاله وفاه وانا حاليا متاخر ومش عارفه اجيب مين وانتي شكلك من لبسك انك محترمه وبتتقي ربنا فلو سمحتي ممكن تعدي معاها الاسبوع ده وانا ممكن اكلم اهلك او اروحلهم كمان بس بجد والله محتاج اوي هي حاليا فالحضانه المفروض الداده تروح تجيبها وانا مش عارف اعمل ايه وحاسس أن ربنا بعتك ليه
سمر باستغراب ومامتها فين
زين بحزن للاسف توفت وهي بتولدها هي ٥سنين وانا الخمس سنين متمرمط بالدادت والله والله مش بكذب عليكي وده عنوان الحضانه وعنوان البيت بتاعي وده مفتاح البيت كمان وده تليفوني لو احتاجتي اي حاجه
سمر ضحكت ڠصب عنها انتي ماشي بالعناوين والمفتاح ورقم الفون
زين بحزن اعمل ايه من غلبي وشغلي وبنتي
سمر حست أنه زعل احم اسفه والله مش قصدي
زين عادي ولا يهمك المهم موافقه
سمر فكرت شويه وقالت فنفسها أنا كده كده مش لاقيه حته اروح فيها والبيت بتاعي كنت مأجراه وبعته ومش معايا فلوس وممكن الشخص ده يكون ربنا بعتهولي وقالت تمم موافقه بس هي اسمها ايه
زين بابتسامه حور
سمر الله جميل اوي
زين والنبي انتي اللي جميله يلا سلام ومشي
هي ابتسمت وركبت ميكروباص تجاه الحضانه ودخلت
الداده حضرتك عايزه مين
سمر حور
الداده بس مش انتي الداده اللي بعتلي صورتها
سمر طب ثواني ورنت عليه
زين الو
سمر ايه الداده
زين اها ادهالي
الداده الو ازي حضرتك يا استاذ زين
زين الله يسلمك بقولك يا داده اديها حور متقلقيش
الداده تمم وادتها الفون
الداده دخلت وطلعت وقالت لها اتفضلي
سمر بصت واڼصدمت
سما جريت ومسكت سليم من لياقته وقالت سليم انت انت ازاي تخوني ازاي تعمل كده ازاي ليه عملتلك ايه قصرت معاك فإيه عملتلك ايه ليه توجعني وتكسرني كده ليه تعمل كده
سليم بانصدام منها أنا ومكملش لقا قلم نزل علي وشه من أبوه
أبوه تف عليه وقال وعملي فيها متدين وقال الله وقال الرسول وانت مقضيها من ورانا يا حيوان اتفو عليك وعلي تربيتك
سليم مبقاش مصدق ولسه هيكلم
خديجه أنا مش مصدقه سليم انت انت ازاي تعمل كده ازاي تكون كده دانا بتباهي بيك ادام كل الناس تعمل كده
امه بتريقه وياتري مجوزها ولا من غير جواز
علا بسرعه حضرتك أنا
سليم بجمود علا متتكلميش
سيلا جريت عليه وحضنته محدش يزعقله سليم مش وحش سليم عسل انتوا بتزعقوله ليه اسكتوا وعيطط
سليم شالها ومسح دموعها وقال بحنيه متزعلش يا صغنن أنا بخير
سيلا بټعيط انت مش وحش هما بيزعقوا ليه
سليم هقولك بعدين وبص لعلا انتي متاكده
علا بصدق اه والله تعالي معايا ونروح المعمل دلوقتي
سليم تمم يلا وخدها ومشيوا وسيلا معاه
سما بصړاخ سلييييييم خد هنا سلييييييم حرااااام عليك ليه كده واعدت عالارض وبتعيط بحرقه ليه يا سليم توجعني كده ليه خديجه حضنتها وسما أعدت ټعيط وأبو سليم حزين عليها ومش مصدق أن سليم يعمل كده وأمه مش مصدقه برضو واول مره سما تصعب عليها بعد ما اللي حصل لخديجه
سمر بصت لقت بنت صغيرة بيضه وشعرها اصفر وعسل اوي بس للأسف حزينه الحزن باين عليها كده مش فيها فرحه الأطفال كده اللي يشوفها يقول بنت ١٠٠ سنه وشايله الهم مش طفله ٥سنين بنت مش بتضحك وشها جامد متفهمش هي زعلانه ولا فرحانه عامله زي واحده مسجونه بمؤبد يدوب بتطلع من السچن تروح الانفرادي ومن الانفرادي للسجن
سمر دمعت علي شكلها وقالت هي عامله كده ليه
الداده هي كده من يوم ما جت ومعرفش ليه مش بتكلم