عاصي

قاعدين كلهم بياكلوا من الاكل اللي اسر عمله وكان عامل مسقعة و بطاطس بالبصل و الخضرا
و الفحم و كمان عملهم فول اسكندراني
نور باعجاب واااو بجد وانا اللي كنت فاكراك فاشل ياض
يا اسر .. لا ده انت طلعت طباخ عالمي
اسر بثقة عيييب يا ماما .. طب بذمة اهلك اي رايك في البطاطس دي
جميلة و هي بتاكل من البطاطس تحفة بجد مش هزار ..طب دي احلي حاجة في الاكل تسلم ايدك

كريم بغيره غشيمة رمي الملعقة من ايده اي تسلم يدك دي .. ما يكشي تتقطع يده و راسه كمان
جميلة اتوترت اوي و اديته في رجله من تحت باحراج مقصدش يا كريم والله انا بتكلم عن الاكل
كريم پحده ماله الاكل يعني. ده حتي وكل ماسخ شبه .. واهووو كمان
و قلب كريم طبق البطاطس و قام من مكانه و راح يغسل ايده اما جميلة وطت راسها بكسوف منهم من طريقة كريم معاها
ملك متزعليش يا جميلة هو كدة ثور براس انسان
جميلة بزعل ملك متقوليش كدة عليه ده طيب اوي بس عصبي شوية
نور و هي بتاكل يسلام يا اختي.. اهي حنيتك عليه دي هي اللي مخلياه سايق و مدلدل رجليه
اسر بس يا خالتي اللتاتة هااا ..و انتي يا جميلة قومي شوفيه كريم طيب والله بس غيرته وحشة
و كانت لسه هتقوم ملك مسكتلها السکينة ووجهتها في وشها تقومي فين ... اقعدي يا بت بدل ما ارشق دي في كرشك يعني يبقي هو اللي مزعقلها و مبهدلها و تروحله ليه يا حبيبي بنتنا معندهاش كرامة
اسر ملك يا سرجة لميها بلاش خباثة احنا عايزينهم يكملوا مع بعض كفاية طلاق تاني في العيلة انا تعبت
جميلة بتردد لا ملك عندها حق .. دي مش اول مره يعملها و انا بقي المره دي مش هسكت تاني
و قعدت جميلة تكمل اكل معاهم و مهتمتش بكريم خالص طول اليوم و دي حاجة كانت مضيقاااه اوي
_____________________
_________________________
في الكافيه
مراد پحده لا ما انا مش هبقي عامل زي الفجلة اللي وقعت من حزمة الجرجير انا عايزه افهم ايه اللي حصل بقي
معاذ ضحك جامد يخربيت امثالك يا عم انت .
مراد استني انت يا عم معاذ انت التاني .. استاذ عاصي كفاية ضحك و فهمني ايه اللي صالح الشامي علي المغربي ده
عاصي و هو بيضحك ما هو انت لو اديتني فرصه هحكيلك كل حاجة ..
مراد حط ايده علي بقه اهووو يا ابيه عاصي ..يلا اتنيل احكي
عاصي بص يا ابني احنا اول ما وصلنا اتخانقوا مع بعض جامد وزين حرفيا كان موجوع قوي منها حاولت اهديه بس كان رافض ولما لقيت الموضوع صعب قوي كده قررت اني اخد تمارا واوديها اوتيل تقعد فيه بس لما رجعت اټصدمت ...
فلااااااش باااااااااك
اول ما رجع عاصي من الاوتيل اتفاجاه ان زين صاحي و بيزعق جامد في كل اللي موجودين انه عايز يخرج من المستشفى
زين بعصبية اوعوا انا مش هقعد هناا ...ابعدوا عن طريقي
دكتور مساعد اللي كان متابع حالته كان اسمه وسام و كان من مصر استاذ زين ممكن تهدي اللي بتعمله ده هياذيك .. صدقني خروجك دلوقتي هيضرك كتير
زين بعصبية و حده بقولك اي بلا كتير بلا قليل انا همشي من هنا يعني همشي
عاصي دخل الاوضة و هو مصډوم و لقه ان في كتير من المساعدين و الممرضين واقفين علشان يمنعوه في اي .. اوعوا كدة مالكم محاوطينه ليه كدة
زين بلهفة عاصي كويس انك رجعت انا افتكرتك سافرت تاني فين تمارا بالله عليك ما تكدب عليا
عاصي بستغراب تمارا! وديتها اوتيل تقعد فيه علشان ترتاح .. في اي اي حصل لكل التوتر ده
زين مش عارف يا عاصي .. اصل انا يعني ..
عاصي ايه ماااالك اصل اي ما تفهمني
زين بتوتر و خوف حلمت بيها وهي بټعيط و في حبل ملفوف حوالين رقبتها جامد عايز ېخنقها و شوفتها و هي بتترجاني مسبهاش .. تمارا مش كويسة خالص يا عاصي
و دموعه خانته و مسك ايد عاصي برجاء انا حاسس بيها اوي اسمع مني تمارا مش كويسة بالله عليك كلمها انا عايز اطمن عليها 
عاصي اتوتر اووي و شك ان ممكن تكون حاولت تاذي نفسها و قال طب انا هروحلها حالا بس انت لازم ترتاح هنااا
زين پحده لاااا انا عايز اشوف مراتي .. انا هاجي معاك انشالله اروح معاك علي كرسي بعجل يا عاصي
عاصي مراتك . هو انت ممكن ترجع تمارا ليك
زين بتردد اه هنسي اللي حصل و هعيش اللي باقيلي معاها و في حضنها انا ضعيف اوي يا عاصي مجرد حلم اتخيلي اني خسرتها فيه كنت همووت ما بالك لو كان حقيقة . يلا نروح نشوفها بالله عليك
عاصي كان فرحان اوي ان اخوه فاق بالسرعة دي و حضنه بحب ابوي مش اخوي لانه في اللحظة دي حس ان زين ابنه اللي بجد مخلفوش .. و لكن برضو صمم انه يروح لوحده علشان يقدر يروح بسرعة
و لكن للاسف لما وصل الاوتيل اټصدم لما شاف تمارا كانت بتحاول انها ټنتحر و كأن حلم زين بيتحقق 
و كانت بتحاول تخنق نفسها لكن عاصي اول ما دخل الاوضة و شاف المنظر ده جري ناحيتها و شدها من علي الكرسي و ووقع بيها علي الارض
عاصي بعصبية اي ده اي الغباء ده
انتي عايزة ټموتي نفسك انتي متخلفة يا بت انتي ازاي تعملي كدة .. ازاي عايزة تنهي حياتك بايدك و تخسري اخرتك يا تمارا ردي عليا
تمارا و هي بټعيط بنهيار و عيونها حمراا علشان مافيش حياه هخسرها تاني يا عاصي انا كل حاجة ضاعت مني خلاااص .. انا قرفانة من نفسي اوي انا زين عمره ما هيسامحني ابدا .. و حتي لو سامحني أنا مش قادرة اسامح نفسي
و قامت من علي الارض و مسكت دراعها بۏجع لانها وقعت عليها و هي دموعها علي خدها و بصت لعاصي بندم 
و قالته كل كلمة زين قالهالي و كان فاكر انه بكده بيعاتبني مكنش عارف انها سکينة بتغرز في قلبي كان فاكرني مش حاسة بوجعه و انا كل يوم بتوجع بيه
عاصي پحده مسك دراعها كل ده ميخشش ذمتي ببصلة .. مجرد انك تفكري انك تنهي حياتك دي كبيره اوي و لازم تخشي مصحة نفسية تتعالجي فيها يمكن تفوقي و ترجعي لربك .. هو مش زين ده اخويا و ابني اللي مخلفتوش بس انا بقولهالك اهووو مافيش مخلوق يستاهل انك تخسري اخرتك علشانه يا غبية
تمارا شدت دراعهه من ايده و هي بټعيط و قعدت علي الارض و هي بتصرخ فيه باڼهيار انا اللي مش عارفة اعيش بذنبي يا عاصي
و رفعت عينه و بصتله بحسرع انا ډمرت حياته يا عاصي انا كنت السبب في ان جوزي يدخل مصحة و تبقي حالته كدة و انا برضو كنت السبب في ان ابني ېموت قبل ما يشوف الدنيا علشان في يوم من الايام صدقت ماجدة