عاصي

.. و علفكرة عمري 
ما زعلت منك حتي بعد ما مديت ايدك عليا علي الرغم انها كانت بتوجع
عاصي ضحك بإحراج انا اسف والله
ملك خلاااص بقي يا عم مسمحااااك والله المهم نور 
تراضيهااا علشان انا عايزة اتجوز انا و ميمو بقي
عاصي ماشي يا عم .. بصي روحي صحي تمارا و حاولي تخليها تصفي من ناحيتي شوية علشان هي الوحيدة الي مش هعرف اواجها

ملك لا هي لو شافت هتف في وشك الصراحة
عاصي رفع حاجبه بزهول ده اي الصراحة المنيلة دي . مالك يا ست ملك قالبتي علي مراد ليه كدة
ملك بتنهيدة طب و ماله مراد قمر كدة و مز ده كفاية حضنه اللي بيطمني و بينسيني كل حاجة وحشة
عاصي ابتسم للدرجة دي بتحبيه .. ياريت نور تحبني ربع حبك لمراد والله
ملك بتريقة تحبك ده انت عبيط اوووي نور مش هتحبك دي بتعشقك اساسا انت بس اللي غبي و مش مركز ..اوعي اروح اصحيهم قبل ما الاكل يبرد
____________________________
__________________
في الشارع
مراد كان قاعد جمب اسر خلاص يا اسر طبيعي مراتك تعمل كدة علشان هي زوجة مصرية أصيلة.. طب لعلمك بقي هي لو منكدتش عليك المفروض تشك فيها
اسر ضحك انت بتعك تقول اي ياض انت .
مراد ايوة يا ابني اسمع مني انا مش هغشك يعني .. و يلااا بقي كريم عمال يكلمني علشان يعرف مكاننا و انا بصراحة مش عارف اساسا احنا فين .. واد يا اسر اوعي تكون خاطفني و عايز تعمل فيا حاجو بطالة
اسر ضحك جامد و قاله قووم يا معتوووه كلم كريم 
و ابعتله اللوكيشن ده انت الله يكون في عون ملك منك
مراد ضحك وقاله لا اطمن ملك مش تبقى زي رهف اكيد لانها عارفه كل قاذوراتي
و قام مراد عشان يتكلم في التليفون و اتاخر و رجع و ملامح وشه مخطۏفة وبص اسر وقاله الحق مراتك يا اسر
اسر 
في الصالة
عاصي كان شايل نور على ايده لانها كانت رافضه تخرج من الاوضه او تتكلم معاه
نور وهي عماله ترفص برجليها وبعدين معاك بقى
يا عاصي نزلني قلتلك مش عايزه افطر معاك يا اخي هو بالعافيه
عاصي اه يا اختي بالعافيه وبالعافيه قوي كمان انا ما اقفش كل دوت اعمل فطار في الاخر ما حدش ياكل .. اترزي هنااا جمبي
واول ما قعدها على كرسي ملك كانت لسه هتقوم لكن عاصي مسك ايديها وقالها بنبره ۏجع لمست قلبها اوي ان شاء الله تعدميني يا رب لو قمتي من مكانك
نور قلبها اتقبض اول ما دعى الدعوه دي وزقت ايده وقالتله ان شاء الله يا عاصي بس مش هقوم عشان انا اصلا جعانه بس ما تتكلمش معايا خالص ولا حتى تبصلي سامع
عاصي ضحك و مسك خدها بايده وقالها حاضر يا صغنن انت يلا كلي بقى قولي ايه رايك طبيخي
نور وهي مكشره وحش من قبل ما اذوق واوعى ايدك دي هو انت بتكلم بنت اختك
سجي قربت ناحيه عاصي وقعدت على رجليه بحب لا لا حرام عليكي ده حتى عملي بطاطس حلوه قوي ميرسي يا اونكل عاصي
عاصي باس راسها بهزار يا خړابي على اونكل دي عارفه لما اخلف انا ونور بنت هسميها سجي و انتي اللي هتربيها
نور بصيتله بذهول وقالتله ايه يا جدع انت هو انت بتربطني معاك في جملة واحدة ليه . بص عايز تخلف خلف لوحدك ده لو عرفت
عاصي بصلها بخبث وغمزها هعرف وهتشوفي كلي بقى بدل ما البسك الصينيه دي في وشك
نور اففف هاكل اهووو 
_____________________________________
في الاوضة عند تمارا
تمارا بعصبيه. هو ايه ده اللي اقوم افطر معاكم هو انا طايقه ابص في وشه اساسا بقولك ايه انا مش جعانه ومش هخرج برا وفهمي نور انها لو عايز ترجعله يبقى تاخده و تغور من هناا
ملك وبعدين معاكي بقى يا تمارا زودتيها قوي 
ما تنسيش ان احنا برده اللي بدانا بالغلط مش عاصي و كمان انا وانتي كنا المفروض نشرف مع ماجده في الحبس ولا مش واخده بالك
تمارا يا شيخة و المفروض انه كده ليه عندنا جميلة طب ده يا ريته كان عملها على الاقل ابقى عارفه ان دنيتي وحياتي انتهت وما ببقاش عامله زي دلوقتي . ملك اطلعي و سيبيني انا مش هخرج
وقعدت على السرير بارهاق كان باين جدا في ملامحها وملك ما حبتش تتعبها اكثر وسابتها وخرجت
المستشفى
رهف بتردد انا كويسة يا اسر متخافش علينا بس برده هتفهمني مين دينا دي وعايزه منك ايه
اسر حاضر والله بس قوليلي الدكتور قالك اي الاول
رهف بعند لااا هعرف الاول
اسر بتنهيده اففف . بصي يا ستي دينا دي كانت مراتي بس اتجوزنا في السر ما كانش حد يعرف الا مراد لان كان عندها مشاكل مع عيلتها 
المهم اني كنت بحبها قوي والمفروض انها كمان
رهف بغيره خبطته في كتفه حبك برص يا اخي منك ليها .. المهم كمل القصة الزفت دي
رهف بصيتله باستغراب ليه هو حصل حاجه من مراد .. صاحبها يعني ولا اي
اسر بۏجع كنت اتمنى ان هو اللي يطلع عيل واطي على الاقل بيني وبين نفسي هقول واد طايش
بس اللي حصل كان اكبر بكتير
رهف ما تحكي يا عم بلاش جو التشويق ده
اسر قام و قعد جنبها في السرير و حضنها بضعف و اتنهد بۏجع طاهر ابوه هو اللي لاف عليها و زغلل عينيها بالفلوس و العربيات واخدها مني وهي عشان رخيصه سلمتله لنفسها
رهف پصدمه حطت ايديها على راسها هو كان يعرف انها مراتك
اسر بحزن اه
__________________________
____________________
علي السفره
ملك قربت وقعدت جنب عاصي الناحيه الثانيه وهي بتاكل من على السفره امممم الاكل فظيع شكلك ياض يا عاصي بتعرف تطبخ
عاصي وهو بيمسك شبسايه موجوده وحذفها عليها وقالها ياض !! خدتي عليا انتي قوي يا ملك لمي نفسك عشان مراتي بتغير وقاعده جنبي
ملك وهي بتبربش بعينيها بهزار وانا عملت ايه بس يا صاصا ده انا بشكرك على وجبه الفطار اللي ترم العضم دي
نور كانت فاتحة بقها بزهول ومش مصدقه ان ملك اخدت على عاصي بالدرجه دي وقالتها بغل جرى ايه ما تظبطي نفسك يا ملك .. ايه صاصا دي
عاصي ابتسم بفرحه ومسك ايد نور و بص لملك بخباثة مش قلتك انا مراتي حبيبتي بتغير عليا .. جبت حاجة من عندي
نور اضايقت قوي انها معرفتش تتحكم في غيرتها وزقت ايديه وبصيتلهم هم الاثنين وقالت لا مش غيرانه انا بس مستغربه انها بتتعامل مع بني ادم