مهمة صعبة بقلم ريحانة الجنه. 

الايام والساعات والثواني لحد معاد فرحهم.
وشهاب وتمارا .حاسين ان الوقت بيجري بسرعة لانهم مش متخيلين ازاي اليوم اللي اتمنوه سوا هيجي وهما بدل ما كانوا عشاق بقوا اعداء.
مايا فضلت حبسة نفسها في اوضتها لا بتكلم حد ولا حد. وعدي ماقدرش يخلي ضميره وعقله يغلبه قلبه وأبوته. واختار الصمت. وتخيل ان جواز شهاب من تمارا برغم اللي عرفه 
انه سامحها ومالوش لزوم يكسر بنته اكتر من كدة.
چنا ومروان اتفقوا علي كتب كتابهم في ڤيلا أكمل في هدوء. لان اكمل رفض اي فرح . لانه ماعندوش استعداد يواجه نظرات اي حد ولا سؤال اي حد. ليه چنا اتجوزت مروان وهو متجوز واكبر منها .
في يوم كتب كتاب چنا ومروان في ڤيلا أكمل التهامي . كان الكل موجود رعد وهمس وريما وشهاب لانه صاحب مروان. وبرغم حزنه علي عمته الا انه عزر مروان وحاسس بيه. وبحبه لچنا ومش قادر يلوم عليه. وكمان أكمل وتسنيم. و حمزة وفتون . واتكتب كتاب چنا ومروان. چنا كانت جواها فرحة بس مش قادرة تخرج من الحزن اللي في المكان . دمعت بحسرة علي اليوم اللي اتمنت تفرح فيه بأقصي ما عندها. بس لاسف هي اختارت الوضع ده. واختارت يكون هو ده شكل يوم فرحها .
أكمل كان بيبص لمروان پغضب وعتاب ولوم. وماكنش طايق ولا مستحمل انه يفضل ماسك ايده بالشكل ده. وكام غضبه لحد ما المأذون خلص العقد . بعد كتب الكتاب أكنل شد ايده من ايد مروان پعنف . وقام وخرج برا الجنينة. تسنيم زعلانة علشانه بس مش عايزة تكسر فرحة بنتها اكتر ماهي مکسورة. وقفت جنبها وابتسمت.
تسنيم مبروك يا حبيبتي .
چنا بدموع الله يبارك فيكي يا مامي.
مروان باس ايد چنا وابتسم وبهمس مبروك حبيبتي.
چنا ابتسمت الله يبارك فيك حبيبي. بس سيب ايدي علشان ريما.
مروان بص لريما ولقي عيونها عليه . بتبصله پقهر وانكسار. وعنيها علي ايده اللي ماسكة ايد چنا ودموعها نزلت ڠصب عنها. اتنهد بتعب من الوضع اللي كل يوم بيصعب اكتر من الاول.
شهاب

قرب من مروان وخبط علي كتفه بأسف مبروك يا صاحبي.
مروان قام وحضن شهاب الله يبارك فيك يا بوب عقبالك هانت خلاص.
شهاب اتنهد بسخرية عندك حق هانت.
مروان مالك يا شهاب انت بقالك فترة متغير. ايه اللي حصل! 
چنا قامت عن اذنكم هخرج لبابي.
مروان اتفضلي حبيبتي. وبص لشهاب . ماتقول مالك يا ابني قلقتني.
شهاب ابتسم بحزن خاليك في عروستك بس ولما تخلص شهر العسل هنبقي نقعد واحكيلك كل حاجة.
مروان بص لريما ورعد وهو ابوك هيخلي فيها عسل!
شهاب بص لريما معلش. هو ڠصب عنه. انت عارف هو بيحب ريما ازاي. كمان هي حالتها صعبة. مش شايف شكلها عامل ازاي!
مروان بصلها بحزن عارف وشايف. بس صدقني ده اهون كتيير من انعا تعرف الحقيقة. مش هقدر اوجعها اكتر من كدة.
شهاب اللي حصل حصل. ياللا خد عروستك وامشي. وكل حاجة بتتنسي مع الوقت.
رعد قرب منهم وبنظرات باردة وفاترة مبروك .
مروان بعتاب الله يبارك فيك. تعبت نفسك وجيت انا عارف انك مشغول يا صاحبي.
رعد ابتسم بإستخفاف كان لازم احضر الاتفاق للنهاية. ولا ايه يا صاحبي.
شهاب شايف نظرات السخرية والتحدي بينهم احممم. بقول ايه ياللا بينا يا رعد باشا. ريما مش هتقدر تفضل اكتر من كدة.
رعد عندك حق. انا هاخد همس وريما واروح. عن اذنكم.
ريما قربت من مروان بتحاول تداري دموعها والكلام تقيل علي لسانها مش قادرة تباركله انه هينام في حضڼ غيرها وهي عارفة وبتبارك كمان مممبروك .
مروان بحنان مسح دموعها ليه الدموع دلوقتي بس. مش ده كان برضاكي .
ريما رمت نفسها في حضنه وبكت ڠصب عني . مش متخيلة انك هتكون في حضنها . زي ماكنت معايا مش قادرة ....... والله انا لو حجر هينطق. انا بموووت . بموووت.
مروان مش عارف يفرح لجوازه من چنا ولا يحزن علي ريما وحالها . قلبه مش متحمل يشوفها كدة. ضمھا بقوة انا الليلة هروح معاكي . مش هسيبك.
ريما رفعت راسها من حضنه وبصتله بفرحة بجد هتنام في حضڼي انا!
مروان ابتسم اه حبيبتي. الدنيا مش هتطير. وچنا خلاص بقت مراتي. النهاردة بكرة مش هتفرق.
ريما بقلق طططيب وهي هتوافق!
مروان چنا طيبة وبتحبك وفاهمة الوضع. ومش هتزعل.
رعد قرب منهم انت متأكد انك تقدر تعمل كدة!
مروان بصله بغيظ ايوة اقدر . هروح چنا شقتها وارجع لريما لاني اظن ماينفعش اقول لأبوها 
خالي بنتك عندك لبكرة.
رعد بسخرية لا اصيل طول عمرك. وبص لريما وبحنان. حبيبتي لو احتاجتي اي حاجة كلميني فاهمة.
ريما ابتسمت ماتقلقش. انا هبقي كويسة.
في الجنينة . أكمل واقف بيبكي مش عايز حد يشوف دموعه. چنا قربت منه وحطت ايديها علي كتفه وهي حزينة وپتبكي. لفلها وڠصب عنه ماقدرش يمنع نفسه يضمها بۏجع.
أكمل مش قادر افرح ولا قادر احزن. مش عارف اعمل ايه في الموقف ده. كان نفسي يوم فرحك اسلمك لعريسك بإيدي وانا سعيد وقلبي بيرقص. وانا شايفك بالفستان الابيض. مش قادر افرح وانا شايفك بتتجوزي زي اللي عاملة غلطة. ولا اللي مطلقة. مش ده اليوم اللي اتمنيته مش هو ابداااا .
چنا اتعلقت بيه بقوة وبكتارجوك كفاية علشان خاطري بقي مش متحملة اكتر من كدة . انا بتقطع والله وانا شايفاك كدة.
أكمل خرجها من حضنه وضم وشها بحنان مبروك يا حبيبتي. اتمني يقدر يسعدك. وتكوني اخدتي القرار الصح.
چنا مسحت دموعه بإيده برقة وابتسمت كنت عارفة اني مش ههون عليك . ماتباركليش. وحياتي سامحني . انا حبيته وهو كمان حبني ومتأكدة انه هيسعدني اكتر ما انت بتتخيل.
أكمل باسها من جبينها اوعي تفتكري اني علشان مش راضي عن جوازك منه. اني بعتك ومايهمنيش امرك. لو في يوم زعلك هو ولا مراته ولا حتي رعد. تجيني . تيجي لابوكي سندك الحقيقي. وانا اقف في وشك الكبير فيهم علشانك. اوعي تتخيلي اني هسيبهم يبهدلوكي ولا يكسروكي. انتي هتفضلي چنا التهامي. استقوي بأبوكي فاهمة.
چنا باست ايده بدموع وابتسمت بحب وانا متأكدة من ده. ربنا يخليك ليا وتفضل سندي وحمايتي طول العمر .
مروان قرب منهم بهدوء احممم. چنا حبيبتي ياللا علشان نروح.
أكمل بصله بغل وقرب منه وهو بيشاور علي صدره لو فكرت تجرحها ولا تقول اهي نزوة ولما تزهق ترميها بعد ما مراتك تاخد حته منها. قسما بربي اقټلك وارمي جتتك للكلاب السعرانة ولا اخد فيك يوم حتي علشان وقتها اللي زيك مايستهلش غير المۏت.
مروان اتنهد بنفاذ صبر يوم نا اعمل كدة ابقي اقټلني ارتاحت. انا عمري ما هسيبها دي خلاص بقت مراتي ومستحيل اتخلي عنها.
چنا حضنت أكمل هتوحشني اوي .
أكمل ضمھا پخوف وانتي هتوحشيني اوي اوي. خدي بالك من نفسك.
چنا ابتسمت حاضر .
تسنيم وحمزة وفتون قربوا من چنا .
تسنيم بدموع خدي بالك علي نفسك يا حبيبة ماما هتوحشيني.
چنا حضنتها وانتي كمان يا مامي هتوحشيني اوي . خدي بالك من كيمو وحياتي.
حمزة حضڼ چنا مبروك حبيبتي الف مبروك.
چنا ابتسمت الله يبارك