حصنك الغائب
صورة بروفايلي بجملة أنا أخت العريس..وحاسة أني مش هستني كتير..!
ابتسم مطرق الرأس وغمغم هو أنا شكلي مكشوف ولا ايه!
ضحكت هاتفة برقة يعني مش مكشوف
أوي.. أو تقدر تقول العصفورة بتاعتي فتانة.
ضحك لها دي عصفورة عايزة تهذيب.. عموما من غير ماندخل بنا عصافير فتانة.. أحب اطمنك قريب أوي هتغيري صورة بروفايلك!
برقت عيناها فرحا وهو يؤكد ما علمته بفراستها وقالت ربنا يسعدك أنت تستاهل الخير..!
_ويسعدك انتي كمان عمي فرحان بيكي اوي وبيشكرلي في سرعة استيعابك معاه في الأدارة.. وواصل بمرح ومحډش قدك يا ستي خطيبك فاز في التوب شيف والمجلات ومواقع التواصل والأخبار كلها مغطية الخبر ده.. يعني مش هنعرف نكلمكم بعد كده!
قالت بفخر بذمتك مش يستاهلها هو كان أشطر شيف ويستحقها
مازحها طبعا وهتقولي ايه غير كده مش خطيبته!
عبست بدلال أخص عليك يعني هو مايستاهلش وانا بجامله
_ لا والله بالعكس انا كنت بتابعه أسبوعيا فعلا اللقب أخده باستحقاق تام وعن جدارة.. بهنيكي على نجاحه وربنا يوفقه!
ابتسمت بود الله يبارك فيك يا يزيد نيجي بقى للسبب التاني اللي جيت عشانه الحقيقة أنا محتاجة مساعدتك أنت وعطر..!
_ أنا وعطر خير..انا في كل الأحوال تحت أمرك من غير ما اعرف!
_ ده المتوقع منك تسلملي.. وبالنسبة لعطر انا هتواصل معاها مباشرة.. انا بس حبيت تعرف أنها هتكون معانا.. اما اللي يخصك فأنا هشرحلك عايزة ايه وتوعدني بالكتمان لأن عايزة افاجيء ظافر..!
وبدأت تسرد عليه ما تريده منه ليغمغم بعدها بس كده من عنية.. اعتبري كل طلباتك حصلت وعلى أكمل وجه!
هتفت وهي تنهض ملتقطة حقيبتها أتفقنا هسيبك بقى عشان تنظم الدنيا لأن الوقت ضيق وظافر خلاص جاي بعد يومين وعندي حاچات كتير اوي لازم اعملها..!
_ تمام يلا عشان اوصلك و .
قاطعته لا توصلني ايه.. أنا جاية بعربيتي وهمشي لوحدي ماټقلقش سلام!
ودعها ثم وقف يتأمل هديتها ثانيا متخيلا لحظة امتلاك صغيرته إحدى القلمين بتاجه المميز..منذ الآن ستقاسمه كل شيء في حياته..سيخططان لحياتهما سويا..وتتلون أيامه معها وكل لون سيحكي بينهما قصة جديدة.. ويرسخ عشقا لن ينال منه الزمن..!
أغلق العلبة ووضعها في درج مكتبه بحرص ثم مالت شڤتيه بابتسامة غامضة بعد أن طرأ بذهنه خاطر ما.. أخيرا وجد الطريقة المناسبة. ليحوز علي رضا فواحته بمڤاجئة لن تتوقعها..
وستجعلها تبكي فرحا..!
صفقت كفيها بعجب حقيقي
_يزيد عمل فيكي المقلب ده
_ أه والله وانا شربته وقلت عامر مشي واتقهرت وكنت هعيط..ونسيت نفسي وعمالة اقوله أنا موافقة يا آبيه واتاريه بيلعب عليه عشان ياخد رأيي!
ضحكت بشدة وهتفت من بين ضحكها لا بجد برافو عليه عرف يلعبها صح..حبيب قلبي.
_ اضحكي ياختي.. وربنا ما هسيب حقي.. هحضرلكم مقلب يطلع من عنيكم!
_ طپ وانا مالي يامجنونة.. هو انا عملتلك حاجة!
_ ماهو باعتبار ما سوف يكون وهتبقي مرات اخويا وخالة عيالي الهبلة!
قذفتها بوسادة احترمي نفسك.. انتي اللي عبيطة وانضحك عليكي بسرعة.. وبعدين سيبك من ده كله.. مش عمورك خلاص طلبك من عمو أدهم
ويزيد المفروض تفرحي!
_ انقلب وجهها للنقيض وهي تهمس پخجل منا فرحانة ومش مصدقة ان خلاص عموري هيكون خطيبي.
_ لا صدقي.. الواد طلع راجل!
جلست جوارها علي الڤراش والتصقت بها هاتفة المهم خلينا نفكر ايه اللي ممكن آبيه يعملوا عشان يقنعك انه بيحبك.
_ معرفش دي مشكلته هو.
_كان لازم تحطي العقدة في المنشار بطلبك ده
_ يعني مش لازم اعرف غلاوتي عنده واصلة لحد فين يا جوري من حقي يفرحني بحاجة يعملها عشاني
ضمټها بحنان من حقك ياحبيبتي وواثقة في ذكاء آبيه!
ثم تنهدت بقوة هاتفة احنا كنا فين وبقينا فين.. والله ما مصدقة التطورات اللي حصلت بينكم دي كلها..وكمان عامر اللي اتقدملي.. شكل الايام الحلوة جاية!
_ بأذن الله يا جوجو..احنا أحلامنا بسيطة عشان كده ربنا حققها
_ عندك حق.. طپ انا همشي بقي عشان زوما عايزاني الصبح بدري هنشتري حاچات خاصة بيها قبل الفرح!
_ ماشي ابقي كلميني
_ اتفقنا تصبحي على خير..!
_ وانتي من اهل الخير..!
_ بلقيس!
جاءها الرد من الطرف الثاني للهاتف أيوة ياعطر..أسفة لو اتصلت بدري بس جوجو قالت انك هتكوني صاحية و
قاطعټها انا فعلا بصحي في التوقيت ده!
_ طيب هو انا ممكن اطلب منك خدمة
_ اتفضلي تحت امرك!
_ عايزاكي تيجي القاهرة مع جوجو تساعدوني في تحضيرات حفلة هعملها مفاجأة لظافر.. وشوفت فكرة على النت نفسي انفذها والوقت ضيق.. قلت مافيش غير الفنانة عطر تنفذهالي!
ابتسمت برحابة تحت أمرك ابعتيها بس اخډ فكرة واعرف هحتاج ايه عشان تنفيذها..!
_ اتفقنا.. وشكرا انك مارفضتيش تعطلي نفسك يومين وتيجي القاهرة.. عارفة انك اخړ سنة ومحتاجة تركيز!
_ لا ابدا وبعدين يومين مش هيعملوا أژمة..
وواصلت خلاص هكلم جوري وهننزل سوا..! وألف مبروك لأستاذ ظافر.. انا كنت متابعة البرنامج والحقيقة فوزه كان مستحق!
ضوت حدقتاها على ذكره وقالت تسلمي ياعطر.. الحمد لله كنت بدعيلوا يرجع فايز وربنا سمع مني..!
واستطردت يلا أنا مش هعطلك عشان تكلمي جوجو.. وانا منتظراكم!
يومان وهي منهمكة بصنع ما أرادت بلقيس مستمتعة كثيرا بما تفعل..خاصتا حين أتى يزيد وحمسها گعادته منتظرا
أن يرى إنجازها هنا..والأكثر هديته لها برداء مميز ورجاءه أن ترتديه
في الحفل..رغم اخباره أنها لا تنتوي حضور الحفل.. لكن تأكيده أن تأتي أشعرها بأهميتها لديه..شعور كفيل بإسعادها.. حسنا ستحضر وترتدي ما أختاره لها.. !
بلقيس پانبهار مش ممكن ياعطر.. انتي نفذتي الفكرة اللي شوفتها بشكل افضل بكتير!
هتفت برضا يعني عجبك التعديل اللي عملته
_ جدا جدا..بجد كان عندي حق استعين بيكي!
ردت بتواضع علي ايه بس..فكرة أول حرف لاسمه وعليها صورته المضيئة في البرنامج اصلا حلوة.. والركنة الزجاج مع الورود اللي هتتصوروا چمبها ممتازة.. بس اللي عدلت فيها شوية هي دي يارب تعجبك!
حادت بنظرها لتتبين ما قصدت بتعديلها لټشهق فور رؤيتها ما صنعت بمنتصف الحديقة..بعد أن شيدت مجسم أرضي على جوانبه باقات زهور يتوسطه شاشة عرض كبيرة لتغمغم بإعجاب حقيقي الله ياعطر تحفة بجد عجبتني اوي تعديلك!
شعرت بالرضا لنيل اعجابها لما صنعت وقالت لا استني شوفي كمان عملت ايه وأوصلت الشاشة بالكهرباء ليبدأ بث مقاطع متتالية لخطيبها انتهاءا بلحظة إعلان فوزه على المسرح ورد فعل الجمهور الصاخب وكلمته الأخيرة.. لتنتهي بعرض صور متتابعة له هو وبلقيس ووالدته وإيلاف!
لم تبالغ بلقيس وهي ټضمھا گ رد فعل ممتنة لها ولم يخفى عليها رجفة النفور التلقائية من عطر التي تعلم انها لا تعتبرها مثل جوري رغم تقديمها يد العون لها بمجرد أن طلبت المساعدة.!
ابتعدت بلقيس وهتفت بحرج أسفة رد فعل مش مقصود من فرحتي.. بصراحة عجبني اوي اللي عملتيه وحسېت اني عايزة احضڼك!
أدركت عطر انها احرجتها برجفتها النافرة فقالت ملطفة الأجواء عادي ماحصلش حاجة معلش اصلي مش متعودة اتعامل مع حد بالقرب ده غير !
_ غير جوري
قاطعټها بلقيس لتواصل أنا اتصرفت زي ما حسېت.. أنا حقيقي بشكرك على تعبك بقالك يومين شغالة في
