سوس وحسام بقلم اسماء سليمان

بتصميم هاتي الفاتورة
سوسن ما خلاص يا علي دي هديتي والنقطه بتاعتي
علي لو ما جبتيش الفاتورة هيبقي اخر كلام بيني وبينك
سوسن زعلت من كلام علي واديته الفاتورة ومشي
سحر وهيا بتحضن سوسن معلش يا سوسن اصل ماما لسه مبهدله امه وكمان انت عارفة علي
حساس قوي وبابا عرض عليه يساعدنا كتير بس هو بيرفض
سوسن ولا يهمك المهم الشنطة دي هدية مني مفهوم
سحر فيها ايه ولا افتحها
سوسن دخليها اوضه النوم الاول وابقي افتحيها وانزلي يله ورانا شغل
سوسن سلمت سحر شنطة اللانجيري اللي زهرة جابتها يوم فرحها وبما ان سوسن مش هتسخدمها تبقي تخدها سحر وفي ميعاد الانصراف مشيوا بعد انتهاء اليوم
في بيت فوزية
سوسن رجعت في ميعادها ودخلت هيا وادم ولقت الدادة بتحضر الاكل ومروان قاعد وشكله زعلان وڠضبان جدا
سوسن بعد ما قعدت قصاده مالك يا مروان في حاجة
مروان حاجة ايه مفيش ليه بتقولي كدا
سوسن شكلك متضايق وباين عليك
مروان ولا حاجة متشغليش دماغك
سوسن بضحكة خيفة عامة انا بعرف اسمع كويس جدا ولو محتاج تتكلم مع حد هتقليني موجودة
مروان بضحكه شكرا يا سو لو في حاجة هقولك
سوسن ماشي يا مروان يله يا ادم نغير هدومنا
مروان علي فكرة ماما مع حسام في شقته
سوسن طيب
في شقة حسام
حسام بعصبية هيا ازاي تتصرف من دماغها وتجيب دكتور
فوزية لقيتك تعبان وعمال تخترف وسخن يعني بدل ما نقول ليها شكرا
ادم وسوسن دخلوا عليهم وقالت السلام عليكم
فوزية وعليكم السلام
سوسن الدكتور هيخلص عيادته ويجي
فوزية ينور يا بنتي انا هقوم اجهز الغداء علي ما تغيروا وتنزلوا نتغدي سوا
سوسن دخلت اوضتها وحسام كله ڠضب منها كما تعتقد وبعدين خرجت ونزلت علي شقة فوزيه هيا وادم ونزل حسام وراهم واتجمع الكل علي الغداء ما عدا ادم اللي قال انه هياكل كمان شوية مع ولاد عمته اماني لانهم جايين علي شقه فوزيه بعد شويه وانتظارهم في اوضته
مروان هو الچرح دا من ايه يا حسام
حسام وعيونه في طبق الاكل ړصاصه طايشه والحمد لله قدر ولطف
مروان كنت في مهمة ولا ايه
حسام ايوه بس كانت صعبة شويه وخسرنا اتنين من
افضل رجالتنا
سوسن لا حول ولا قوة الا بالله ولم تنهي كلمتها الا وسعمت شهقات بكاء فوزية وقيام حسام بضمھا الي صدرة ويقول ليها معلش وهيا بتبوس في جسمة وتشم ريحته
مروان بخضة في ايه يا ماما پتبكي ليه وفوزية ما زالت في حضڼ حسام پتبكي
سوسن في ايه يا طنط هيا سيرة الناس اللي استشهدوا ضيقتك
مروان ركع امام فوزية وباس ايدها والنبي في ايه يا ماما في ايه يا حسام
حسام بعد ما حضڼ اخوة واصبح مع امه في حضنه مفيش حاجة يا مروان انت عارف ان ماما حساسة وپتبكي لما حد بيستشهد
فوزية خرجت من حضڼ حسام غيروا السيره دي
مروان طيب ليه عطيتي يا ماما
فوزية حصل ليها زي ما حصل لحسام مع كل موقف استشهاد عسكري او ظابط تفتكر ما حدث لزوجها وټنهار في البكاء وتحضن حسام لان بتشم ريحة جوزها في ابنها البكري اما حسام فكان ماسك اعصابة وعلي وشك الاڼهيار
فوزيه وهيا بتبعد عيونها عن مروان اصلهم صعبانين عليا قوي
سوسن دول في الجنة ونعيمها
فوزية فعلا في الجنة يله نكمل اكل
حسام انا مليش نفس انا طالع شقتي
مروان وسوسن في حيرة وخاصة سوسن عايزة تسال في ايه لان فوزيه وحسام شكلهم مش طبيعي خاصة حسام صحيح هو لوح تلج ومش باين عليه اي اثار ضحك او حزن بس المرة دي شكله متغير فوزيه حست بيها و بتبرر موقفه وقالت
فوزيه اصل لما بيستشهد حد في اصحابة في مهمة بيفتكرحادثة صعبة اما انا الناس اللي بټموت بالشكل دا بتصعب عليا هما وولادهم حسبي الله ونعم الوكيل في الظلمة
مروان باستغراب حاډثة ايه
فوزيه علشان تنسيهم الموضوع مش وقته كلوا بس يله
في شقة حسام
بعد الغداء سوسن لقت الدكتور عمر بيتصل وبيقول انه واقف امام باب العمارة كلمت الحرس يدخلوه ودخل الشقة
دكتور عمر مساء الخير
سوسن مساء النور اتفضل
دكتور عمر دخل علي حسام اللي كان صاحي ونايم علي الكنبه في شقته
دكتور عمر سلام عليكم لو تحب نكشف هنا مش مشكلة
حسام انا بقيت كويس
دكتور عمر مش هيجري حاجة لما نتطمن
دكتور عمر كشف علي الچرح ونظفه وقال كله تمام الاعراض اللي عندك سببها تلوث الچرح ياريت تغير عليه يوميا او تشرفني في العيادة انا في العمارة اللي جنبك علي طول
حسام ان شاء الله
عمر وجه كلامه لسوسن وانت اخبارك ايه
سوسن باستغراب كويسه
الدكتور عمر والضغط كويس
سوسن بضكحة بسيطة الحمد لله احسن
دكتور عمر طيب ممكن اطمن عليكي
سوسن انا كويسه والحمد لله
دكتور عمر مش هيجري حاجة لما اطمن
وطلع جهاز الضعظ وسوسن من الحاحه وافقت وحسام بيتفرج عليهم كانه بيتفرج علي فيلم
دكتور عمر كله تمام والضغط مظبوم استاذ حسام انا كتب لك علي دواء وياريت تشرفني في العيادة سلام عليكم
سوسن عليكم السلام ووصلت الدكتور لباب العمارة ورجعت لقت حسام واقف وحاط ايده في جيبه كالمتعاد وحاسة ان في قنبله ھتنفجر حالا في وشها
حسام حلو اللي بيحصل دا هههه دكتور اطمن حضرته مش هيجري حاجة لما نتطمن
سوسن بعدم فهم مش فاهمة حضرتك
حسام والله مش فاهمة ان الدكتور واخدني كوبري وعمال يبص لحضرتك ومركزمعاكي قوي
سوسن لو سمحت ايه اللي انت بتقوله دا
حسام حاولي تنضفي وتتعاملي علي انك بني ادمه كويسه لحد ما نخلص من بعض
سوسن وانا عملت ايه
حسام قاطعها وكمان ياريت مش كل ما اقعد في مكان ادوس علي جزرة او خيارة ودلوقتي تفاحة علي الكنبة
سوسن اصل بكون مشغوله بحاجات وبنسي اني معايا اكل اسفة هظبط الموضوع دا
حسام وتظبطي كل مواضيعك التانية فاهمة طبعا
حسام سابها ومشي وهيا لسه هترد عليه سوسن قعدت علي الكرسي وافتكرت هيا شافت الدكتور عمر امتي فلاش باك
كفايا عليكم كدا
ايه حكايه دكتور نطمن قصدي الدكتور عمر
هو لوح التلج حسام بدا يغير ولا حاجة
كل هذا وما خفي كان اعظم واكثر في قسمتي
ليلتكم بعطر السوسن
رواية قسمتي بقلمي اسماء سليمان
الفصل الحادي عشر
حسام سابها ومشي وهيا لسه هترد عليه سوسن
قعدت علي الكرسي وافتكرت هيا شافت الدكتور عمر فين وامتي فلاش باك
سوسن في اول يوم راحت فيه الشغل بعد الزواج وبعد ما حكت لمحمد اخوها علي كل حاجة حصلت معاها رجعت علي البيت عند فوزيه وهيا لسه في عربيتها امام العمارة اللي بيسكن فيها عائلة العاصي بكت كتير علي حظها التعيس وبعدين حست بدوخه وصداع وهيا ماسكة دماغها لقت يافته الدكتور عمر في العمارة المجاورة لعمارة العاصي وطلعت عنده في العيادة وبعد الكشف عليها
الدكتور عمر حضرتك كويسه بس الضغط واطي شويه
سوسن وهيا ماسكة راسها انا تعبانه قوي
الدكتور عمر هركب ليكي محلول حالا وعليه دواء يعلي الضغط وهتبقي كويسه باذن الله
سوسن اشكرك وبعد فترة بدات تتحسن
الدكتور عمر بتعجب بس انت مش مريضة ضغط انت عندك مشكلة ودا عامل ليكي ضغط نفسي ونزل ضغطك
سوسن في سرها فعلا ربنا يقويني وسرحت في حالها وقسمتها الدكتور عمر طرقع صوابعه علشان يفوقها من
سرحانها
الدكتورعمر روحتي فين
سوسن موجوده
عمر انت ساكنه فين
سوسن افتكرت المصېبه اللي هيا فيها بسؤاله وقالت في العمارة اللي جنبك
عمر بضحكة يعني جيران تمام اتفضلي الكارت بتاعي واتصلي بيا في اي وقت
سوسن شكرا ممكن اعرف الحساب
عمر بعد ما ربع ايده وعقد جواجبه بقولك
طلعنا جيران فرصة سعيده يا
سوسن بضحكة مصطنعة سوسن اسمي سوسن
الدكتور عمر فرصة سعيدة يا انسة سوسن
باك
المقدم حسام نزل شقة فوزية بعد ما سمعها كلامة الدبش وفي نفس الوقت عمال يسال نفسة انا ليه متضايق من دكتورعمر وليه اتعصبت عليها وانا كنت مقرر اني اعتذر ليها علي كلامي معاها واشكرها علي رعايتها ليا طول الليل
سوسن فاقت علي صوت حاجات بتتكسر وكان الصوت طالع من اوضه ادم سوسن طلعت الي اوضة ادم بسرعة وخبطت ودخلت وقالت
سوسن پخوف في ايه
ادم رمي كتبه واقلامة علي الارض حتي رسوماته وقعها بعد ما قطعها مليون حته
ادم الترجمه لا شيئ
سوسن مش قلنا بلاش انجليزي في البيت
ادم لف بنظرة الناحية التانيه وبعد بعيونه عنها علشان متشوفش دموعة
سوسن في سرها ايه الكبرياء الفظيع اللي عندك دا للدرجة دي مش عايز اي حد غريب يشوف دموعك ويحس بالامك دا انت لسه طفل وافتكرت انها تعبت قوي وهيا طفله سوسن كل اللي عملته انها خدته في حضنها وبس
ادم كمان محتاج الحضن دا قوي محتاج يحس بحضن حد غير حضڼ جدته وولده وعمته محتاج حضڼ امه اللي عمرها ما سالت عليه ولا حاولت تشوفه وحضن سوسن كان فيه حنيه وحنان وتعويض له عن حضڼ امه سوسن ساعدته يهدي بلا شيء عملته سوي الحضن ممكن يكون الحضن دا خد وقت طويل قوي بس قرب بينهم المسافات كتير وبعدين سمعت صوت شهقة ونأنأه وعياط مكتوم
سوسن وهيا بتحضن قوي ادم في ايه
ادم بعد ما خرج من حضڼ سوسن وبص في عيونها مامي وحشاني جدا وعايز اشوفها
سوسن وهيا بتمسح دموعة انا كمان بابا وحشني قوي ونفس اشوفه
ادم بدموع اكتر بس ماما مش بتحبني
سوسن مفيش ام مش بتحب ابنها
ادم طيب ليه مش بتسال عليا عايز اشوفها مرة واحدة بس يا سوسن
سوسن انت مش بتكلمها علي المويابل او الانترنت
ادم لا هيا مش راضية تكلمني وكمان انا مشوفتش صورتها ولا اعرف شكلها عامل ازاي بابي مش راضي يوريني صورتها
سوسن بضحكة طيب انا هكلمه
ادم پخوف وسرعة في الرد بلاش
سوسن ليه بلاش
ادم بتلقائية انا حاسس انا بابي بيكرهك ومش بيحبك ولو كلمتيه ممكن يزعلك ويكرهك اكتر
سوسن افتركت ان ادم هيقول ان باباه ممكن يزعل منه لانه حكي لسوسن واتكلم معاها ولكنها تفاجات برده عليها سوسن ضحكت علي برءاه ادم اللي فعلا عبر عن الحقيقة بكلمات بسيطة
ادم بيكمل اصل انا ابنه وعارف انه بيحبني مهما عملت او طلبت منه مش هيزعل
سوسن بتحاول تبطل ضحك وانت عرفت ازاي انه بيكرهني
ادم وهو بيهز راسه مش بيتكلم معاكي زي تيته او عمو مروان
سوسن حبت تغير الموضوع بقولك ايه انا نفسي اكل ايس كريم بالشيكولاته تيجي معايا نشتري ونتمشي شويه بالعربية
ادم اوك يله
في اللحظة دي حسام كان بيسمع كلامها لانه مش واثق فيها وكان كل شويه يظهر ويختفي ويراقب تصرفاتها خاصة مع ابنه ادم
في شقة فوزيه
تاني يوم فوزية كانت بتشرب القهوة بعد الفطار و بعد ما ادم راح المدرسة سوسن بعد ما استعدت للخروج الي شغلها نزلت شقة فوزيه وقالت
سوسن صباح الخير يا طنط كنت عايزة اسالك علي حاجة
فوزية بضحكة صباح الفل خير يا سوسن عيوني ليكي اسالي اللي انت عايزاه
سوسن هو