اسكريبت طلقني شكرا
بقا أسف .. متزعليش حقك عليا
مفيش أسف مفيش أعذار مفيش ولا شيء ينسين.....
والله العظيم بحبك
بحبك يا حبيبي اكمني بهواك وبحس انك مني سامعني ده أنا بروحي بغني
ايه الريحة دي !
هو أنا مش قايلالك مليون مره لما أكون مندمجه في الغنا متفصلنيش !!
لا بجد فيه ريحة غريبة
هيكون ريحة ايه يعن ... ينهار اسود البشامل
أدي أخرت الحب والنحنحه عليا الطلاق مش عاملة أكل تاني
يعني مبتعمليش خالص ويوم ما ربنا يهديكي وتعملي تقومي تحرقيه بالشكل ده !! حسبي الله ونعم الوكيل
الظالم يا حبيبتي الظااالم منه لله
طب خرجني ناكل برة
كان على عيني والله بس بصي لنفسك في المراية الأول وبعدين قرري هنخرج ولالا قوم بسرعه طلقني علي ضم حواجبه وقالها وهو بيقوم
الساعه كام دلوقتي!
1:30 بالليل قام علي اتنهد بضيق وطبطب على كتفها وقالها وهو بيرجع ينام تاني
نامي يا حبيبتي نامي واتغطي كويس رودي اتعصبت و قامت شغلت كل الانوار اللي في الاوضة وشدت الغطا من على علي و قالتله وهي مټعصبه
اطفي النور طيب وتعالي نامي وهطلقك الصبح اتفقنا رودي دبت برجليها في الارض زي العيال الصغيرة وقالتله
لا دلوقتي يعني دلوقتي قام علي و قعد على طرف السرير وقالها وهو بيحاول يكون هادي
اطلقك ليه طيب انا عملت ايه ! رودي ربعت ايديها وقالتله
قول معملتش ايه قوم طلقني يلا علي قام مره واحده و راح ناحيتها وهو بيحاول على قد ما يقدر انه يكتم عصبيته
حلمت انك پتخوني
ب ايه يا روح امك !
ب ت خ و ن ي علي أخد نفس عميق ومسك راسها مبين ايديه وباس جبينها و مشي خطوة وراها وضربها على راسها من
ورا وقال
أنا رايح أتوضى عشان أصلي قيام الليل وهدعي ان ربنا يهديكي على دماغك او يهدي دماغك عليكي حسبي الله ونعم الوكيل رودي أول ما سمعته بيحسبن جريت عليه وقالت بخضة
في الظالم يا روحي الظااالم .
علي و رودي صلوا قيام الليل سوا و بعدين فضلوا يقرأوا قرآن لحد الفجر
الساعة 7 30 الصبح
خدي إكويلي القميص ده
عارف لو سألتني إيه أكتر حاجه بكرهها بعد أمك هقولك الكوي
معلش يا حبيبتي خدي اكوي...... انتي قولتي ايه دلوقت !
قولي قولتي ايه احسنلك
أذكار يا حبيبي أذكار علي حدف القميص في وشها و قالها و هو مكشر
ااااه بحسب طب خدي يا هانم اكوي القميص رودي مسكت القميص وهي مضايقة وقعدت تبرطم
وتقول
وترجع تزعل لما يبوظ مني يبااااي منك استغلالي زي العقربة أمك علي جز على سنانه وقالها
رررودييي
حبيب مامي رايحه اهو
تمت
