انين قلبي
الهم كدا ليه دي غلطة عيل عنده تلات سنين واخوكي هيحلها
لا ي ماما دا ذنب أمينه
وبعدين معاكي اي اللي انتي بتقوليه
بقول الصح أن ربنا مش هيقبل توبتي ويخرجني من اللي انا فيه غير اما أمينه تسامحني
بغرور تسامحك اي ي هبله مين دي ولا اي اصلا عشان تبكيكي ولا ليها لازمه
عندك انتي ي ماما لكن عند ربنا دموع المظلوم ڼار بټحرق الظالم انا هطلعلها
وقتها خالد دخل ع صوتنا
في اي ي رشا
خدني لامينه ي خالد وقولها تسامحني وانت كمان سامحني انا والله مكنتش اعرف ان الموضوع صعب كدا
رشا حكتلي كل حاجه كنت واقف مش مستوعب كل دا
مسكت ايدي باستعطافحقك عليا انا حسيت بالظلم وربنا عاقبني اسوء عقاپ
مهي برضه زعلت بنتي وكسرت بخاطرها
افرضي طلقتها ي ماما كنتي هتبقي مبسوطه
بصوا ف الأرض
بصيت لرشا وانتي ي استاذه رشا انا اول واحد بعلق ع لبسك الضيق وجوزك غلب معاكي لكن انتي ماشيه من دماغك متوقعه اي يحصلك اقولك اي بس كفايه عليكي اللي انتي فيه انتي وامك انا ماشي
عند امينه
كنت قاعده بلاعب لين وآنس قاعد معانا كنت مستغربه وجوده ووجود رشا يومين بس معلقتش وقتها الباب خبط
فتحت لقيت رشا وشكلها معيط ودبلان لابسه اسدال ومن غير ميكب
ممكن ادخل ي أمينه
اتفضلي
فضلت تفرك ف أيدها وتبص للعيال
فشاورت للعيال ودخلوا يلعبوا ف اوضه لين
وقفت وعطيتها ضهري
انا عارفه انك طيبه وقلبك كبير
حكتلي اللي حصلها اتعاطفت معاها بس ڠصب عني مش عارفه اسامح
سكتت الإنسان له قدره ع السماح وفي حاجات مش بيتسامح فيها فضلت تحلفني بحياة بنتي ودموعها نازله مكنتش اتخيل اني اتحط ف موقف زي دا
كنت حاسه بنصر من ربنا بس حزينه ع شكلها وع اللي حصلها
قلقت عليه بس مقدرتش اتصل بيه بعدها دخل البيت ووشه متعور ومتبهدل جدا جريت عليه من غير وعي
اي اللي عمل فيك كدا
ابتسم لسا بتقلقي عليا ي أمينه
خالد متلعبش باعصابي
قعد ع الكرسي بالراحه وهو بيتالم وانا روحت جبت بيتادين وقطن عشان اشوف الچرح اللي ف وشه
اتنهدت وهي بتتالاشي تبصلي عملت اي ف موضوع رشا
ابتسمت ع طيبتهاخلاص اتحل انتي مش شايفه وشي ولا اي
سلامتك ي خالد الحمدلله
الحمدلله ع كل حال
رغم واني بحارب نفسي وانسي كل حاجه بس معرفتش
حطيتله لزقه طبيه ع الچرح ودخلت الاوضه جبتله هدوم ودخلت تاني وسيبته
خالد دخلت اخدت شاور ونمت ع الكنبه من تعب اليوم
تاني يوم
ماما ماما اصحي بقا
فتحت عيني وبصيت بنص عين ل لين وفستانها البيبي بلو هو انتي صحيتي أمتي ومين لبسك كدا ي لين
اتنططت ع السريربابا لبسني وقالي اصحيكي
قومت من السرير ولين بتشد ايدي للصاله اللي اتفاچئت أنها متزينه ببالونات كتير بيبي بلو وورد ابيض ف كل فازه زي ما بحب بالظبط كنت واقفه بتفرج بعدها خرج خالد ومعاها خاتم
انا اسف والله سامحيني بقا
سامحيه ي ماما سامحيه دا بابا طيب والله
ابتسمت وعيطت بتمثيل اها والله وغلبان وبيحبك
ضحكت ع شكلهم وشال لين
ولو عاوزه نمشي
ونسيب البيت دا انا معنديش مشكله
ليه ي بابا ونسيب تيتا سهام لوحدها
تجاهل كلام
لين وبصلي ها اي رايك
ابتسمت وانا ببص ل لين لين ردت عليك مش هينفع نسيب تيتا سهام لوحدها
وانا بدعي ربنا يحفظها لي انا مهما كنت اتمني زوجه كويسه مش هتكون زي أمينه
عدت شهور وانا بحاول أعوض أمينه عن اللي حصل وانسيها مكنتش بكلم امي غير اني بقولها السلام عليكم بس رشا رجعت لزوجها بس بعد ما لبست النقاب
كنا قاعدين ف الاوضه اللي فوق السطح بليل
انتي اغلي نعمة ف حياتي ي أمينه لو عشت طول عمري أحمد ربنا انك معايا مش هيكفي
وهي بتبتسم
ودا كان أفضل شعور ممكن احس بيه وصوت بهاء سلطان مالي المكان كنت تايه وأما شوفتك ابتدت احلامي بيكي واللي فات بقا ذكريات انا ابتديت عمري بهواااااكي
تمت
أنين قلبي
Reham
