وحيدته
المحتويات
كويسة... انتي فين
_ اهدي يا حبيبتي... متقلقيش عليا انا كويسة
_ انتي فين و سايبة موبايلك هنا ليه و بتعملي ايه مع خالد
_ احنا في اسكندرية و راجعين دلوقتي متقلقيش علينا
_ بتعملوا ايه هناك
_ كنت عند عمي بصي لما ارجع هحكيلك كل حاجه
_طيب خلي بالك من نفسك
_ حاضر يا حبيبتي
_ تقريبا ماما كانت مفكرة انك خاطفني
_ انا فعلا نفسي اخطفك بعيد عن الناس دي كلها
_ احم يلا عشان نروح
ضحك و غمزلي
_ شكلك حلو وانتي متوترة كدا
اتنهدت
_يلا يا خالد ربنا يهديك
دخل محمد اوضته وقف قدام المرايا
صورة نورا وهي بټعيط النهارده و بتترجاه مكنتش بتفارقه
اتكلم بعصبية و هو بيبص لانعكاسه في المرايا
_ تاني مرة... تاني مرة
مسك كوباية كانت جمبه وحدفها في المرايا و هو پيصرخ
_ليه تاااااني.... ليه
بدأ يكسر في كل حاجه بتقابله لحد ما جنة دخلت عليه الأوضة
اول ما شافها دموعه نزلت و وقع على ركبته
جريت عليه بقلق وقعدت قدامه
_ انتي مش هتسبيني صح... قوليلي انك مش هتسبيني
انا ضحيت كتير اوي عشانك اوعي تبعدي عني
_ عمري ما هسيبك يا حبيبي... عمري والله
مسك فيها و بدأ يعيط زي الاطفال
_ مش عايز اتعاقب بيكي.... متسبنيش
حطت ايديها على خده و هزت راسها بنفي
_ مستحيل ابعد عنك... انا جمبك يا حبيبي انا هنا متخافش
_ وانا وعدتك اني عمري ما هأذيها يا مرات ابويا
_ و انك تاخد البنت و تسافر و تلعب بأعصابي بالطريقة دي اسميه ايه
_ بنتك اللي كانت عايزة تسافر و تقدري تسأليها
_ انت عارف انا لو وريت لأبوك فيديوهات الكاميرات المحذوفة دي
هيعمل فيك ايه
_ انت اټجننت يا خالد
_ من لما حكتيلي قصتها و انا وعدتك اني هحميها و عمري ما افكر أذيها في يوم... لكن مقدرتش اقولك وقتها اني بحبها لأن عارف انك
مش هتصدقيني... بس عايزك على الاقل تفكري انا ايه اللي منعنى عن اللي كنت هعمله المرة اللي فاتت... حبي ليها هو اللي منعني
بس نورا بنتي ملهاش ذنب انك تأذيها... نورا مش هتستحمل ۏجع قلب تاني كفاية اللي عاشته من محمد و ابوها و اختها
مسك ايديها و ابتسم
_ عارف والله... وانا اوعدك إني هعوضها عن كل دا
عمري ما هوجع قلبها تاني يا أمي
ضحكت بفرح اول ما قالها يا أمي وعيونها دمعت
_ انت قولت ايه
_ انا عارف ان حضرتك بتحبيني و كنتي بتحبي رهف الله يرحمها
كابرت كتير و بعدت عنك طول السنين
عشان كنت رافض فكرة ان حد ياخد مكان والدتي.... كان نفسي اقرب منك بس مكنتش بقدر... لكن دلوقتي خليني اعترف انك كنتي ونعم الام لينا وعمرك مافرقتي بين ريناد و رهف او حتى بيني انا ويوسف انا بحبك وبتمنى من حضرتك تسامحيني.... عارف انه غلطي كبير و صعب تثقي فيا تاني بس اديني فرصة اثبتلك العكس
_ مسمحاك يا حبيبي... مسمحاك
_ يعني اقدر اقرب من نورا
_ اوعى تأذيها تاني ياخالد
باس راسها وابتسم
_عمري يا امي والله
كنت قاعدة في البلكونة و انا بفتكر كل اللي بيني انا ومحمد النهارده
معرفش ازاي قللت من نفسي للدرجة دي ازاي سمحت إني اتهان كد
سرحت بتفكيري بعدها لخالد و للرقصة واعترافه لقتني ببتسم من غير ما احس بعدها ادركت اللي بيحصل استغربت ازاي بفكر فيه اصلا
يمكن عشان اول مرة احس انه مرغوب فيا
ان في حد عايزني.... انا اول مرة حد يقولي بحبك
قطع تفكيري صوته كان واقف قصادي في البلكونة
_ سرحانة في ايه
رديت بتوتر
_هاااا... ولا حاجة
_ كنتي بتفكري فيا صح
_لا طبعا
ضحك وغمزلي
_ امال اتوتري ليه اول ما سألتك
_ خالد انا عايزة اتكلم معاك شوية
لقيته نط للبلكونة عندي و شد كرسي و قعد
_ يلا اتفضلي
اتنهدت
_ بطل الحركة دي ممكن تتقلب علفكره
قرب عليا بالكرسي اكتر و اتكلم بخفة وفضول
_ خاېفة عليا
غمضت عنيا و اتنهدت
_ خالد اللي متعرفهوش اني لسه خارجة من علاقة فاشلة
او انا اصلا مكنتش في علاقة هي كل حاجه كانت من طرف واحد
و اعتقد انك فهمت دا لما كنت عند البحر الصبح
هز راسه ب أيواا
_ يعني اللي انت قولت عليه الصبح دااا مينفعش
انا معنديش اي حاجه اقدمهالك او اقدمها لأي حد عموما .....
قبل ما اكمل كلامي لقيته حط ايده على بوقي عشان اسكت
و اتكلم هو
_ قولتلك إني مش عايز ردك دلوقتي بطل رغي بقا
_ خالد بس....
قاطعني
مرة تانية وهو بيشاورلي اسكت بصوباعه
_اشششش... قولت بطلي رغي
سابني ونط على بلكونته ودخل جوا
_ انا قولت مچنون محدش صدقني
فات اسبوع و انا مكتئبة و معنديش اي طاقة اتعامل مع اي حد
لكن اخواتي
متابعة القراءة
