بقلم امينه الشرف
المحتويات
رد بشوق لسماع صوتها بعد سنين طويله من الفراق فرد بهمس وعد
وعد حاولت تبين انه صوته وكلامه بالطريقه دي مش مأثر عليها وردت بجديه وعد نامت وكمان الوقت أتأخر فسيبها تبات معايا وتعالا خدها بكره
مازن طب تمام
مازن كان عاوزها تفضل معاه ع الفون فنادي عليها وعد
وعد مردتش وهو معرفش يقول اي فقال لها تصبحي ع خير
وقفلت قبل ما صوته يأثر عليها أكتر من كدا بس للأسف رؤيته وسماع صوته رجعلتها ذكريات واحاسيس كانت فاكره انها دفنتها من زمان بس كلها طلعت من تاني ورجعت تلومه تاني وتلوم الظروف اللي فرقتهم عن بعض وبعد كدا ضمت وعد الصغيره لقلبها ونامت
تاني يوم مازن راح بيت وعد عشان يجيب بنته
مازن صباح الخير
ميار صباح النور ....أهلا يا مازن اتفضل
مازن دخل وميار سابت الباب مفتوح وهو لسه ع الباب وعد الصغيره جريت عليه بابي ...بابي
مازن قلب بابي ...وحشتني يا روحي
وعد الصغيره وانت كتير خالص
مازن طب ماشي يلا بقا عشان نرجع بيتنا
وعد الصغيره برفض لا انا عاوزه افضل مع وعد
مازن حبيبه بابي مش هينفع احنا لازم نروح بيتنا
وعد الصغيره پبكاء لا انا عاوزه وعد هقعد معاها او هي تيجي معايا
وعد اتحرجت فردت هي سيبها يا مازن معايا انت عارف انا وميار قاعدين لوحدنا وهي ملت البيت علينا
مازن بس يا وعد مش عاوز اتعبك معانا للأسف وعد مفتقده مامتها فعشان كدا اتعلقت بيكي
وعد الصغيره شوفت قالت لك سيبها يلا بقا أمشي
مازن بذهول كدا يا وعد هتبيعي بابي بسرعه كدا
وعد الصغيره ايوا انت اساسا مش بتقعد معايا ع طول بتسبني لوحدي اما وعد بتلعب معايا وبنضحك وبتعملي اكل وبوب كورن وبتنام جمبي كمان
وعد الصغيره لا مش تخودني انا عاوزه اللبس بتاعي بس وهفضل هنا مع وعد
مازن اي يا بت انتي لدرجه دي بيعاني دا ولا كأني ابوكي
وعد الصغيره مردتش عليه ووشوشت وعد هييه هفضل معاكي ع طول
مازن كدا طب انا همشي ..اه قبل ما انسی اتفضلي
مازن مفيش بوسه لبابي قبل ما يمشي
وعد الصغيره باسته من خده وخدت الشنطه ميار حست ان مازن عاوز يقول حاجه لوعد فخدت وعد الصغيره دودي تعالي معايا نوضب الفطار يلا
وعد الصغيره ماشي يلا
وعد بصت لمازن واتكلمت وعد بنوته جميله جدا ربنا يخليهالك
مازن يارب ...وعد ..احم انا عارف اني بتقل عليكو بس انا والله مستغرب جدا وعد اول مره تتعلق بحد اوي كدا هي فعلا بتقعد لوحدها كتير بس ڠصب عني الشغل واخدني وانا معنديش حد هنا اسبها معاه
وعد انا موجوده واي وقت جبها تقعد معايا انا وميار لوحدنا وكمان ميار قربت تتجوز وانا هفضل لوحدي فيمكن ربنا بعتها ليا عشان ما أحسش بالوحده
مازن خد نفس جامد لو بأيده كان عمل حاجات كتير بس عارف ان وعد مستحيل تسامحه بالسرعه دي هي اساسا لسه فاكراه بتتكلم معاه عادي جدا عمر وعد ما كانت بتكلمه بجديه كدا ابدا بس الزمن بيغير وهي اكيد اتغيرت بس هو في حد في حياتها ولا لسه له فرصه معاها
مازن اتكلم انا همشي دلوقتي وهاجي بليل اخدها يمكن تقتنع تمشي معايا
وعد ماشي تمام
مازن سلام
وعد مع السلامه
قفلت الباب وسندت عليه وهمست ليه دلوقتي ليه رجعت يا مازن ليه انا ما صدقت أعيش حياتي من تاني ليه بس ياربي ليه
يتبع
الفصل الثاني
وعد الصغيره بتجري وميار بتجري وراها تعالي هنا يا بت هديتي حيلي
وعد الصغيره بردو مش هتعرفي تمسكيني
وعد نادت عليها من المطبخ دودي يا دودي يلا عشان تاكلي
وعد الصغيره لا مش عاوزه اكل كفايه بقا طول النهار بتأكلني زي البطه
ميار ارحمي البت بقا يا وعد كفايه ھتنفجر من الأكل
وعد مليكش دعوه انتي البنت صغيره ومحتاجه تتغذا
ميار ضحكت ع فكره لايق عليكي دور الأم جدا
وعد ابتسمت بحنين مش عارفه ليه حاسه انها بنتي فعلا
قطع كلامهم رنين فون وعد الصغيره
ميار مين
وعد
مازن
ميار طب ردي
متابعة القراءة
