عشق الملاك

 

ثواني واتاه فيديو وما ان شاهده حتى ضهرت عروق رقبته وابيضت مفاصل يده من الضغط عليها
ورحمة امي الي بتشوهي سمعتها قبل سمعتي ما هرحمك لا انتي ولا امك 
اتصل بملاك فلم ترد عليه وعاد الاتصال بها ولكنها اغلقت المكالمة بدأ الڠضب يتزايد بداخله فهو يريد الاطمئنان عليها وهي تتجاهله ... اتته رسالة منها فتحها بسرعة

حبيبي ... انا اسفة انا فالمحاضرة مش هقدر ارد عليك دلوقتي لما اخرج هكلمك 
ذهب غضبه ادراج الرياح فور قرائته لرسالتها واكثر ما استمتع به كلمة حبيبي فهذه الصغيرة تتستطيع السيطرة عليه بسرعة خطرت في باله فكرة قرر ان ينفذها اخذ متعلقاته الشخصية وخرج وابلغ السكرتيرة ان تلغي كافة المواعيد
وبعد قرابة النصف ساعة اصطفت سيارته الفارهة متبوعة بسيارات الحرس الخاص به انزل زجاج سيارته الاسود قليلا ليتمكن من رؤيتها وما هي الا دقائق كانت تخرج من جامعتها متجهة للجهة الاخرى من الشارع لتوقف تاكسي ليوصلها لبيتها تقدم ادهم من موضع وقوفها واخرج رأسه قليلا من زجاج سيارته
ينفع انول الشرف واتغدى مع جناب سيادتك 
 اغلق الشباك الفاصل بينه وبين السائق ليستطيع التحدث معها بأريحية سألته بخفوت
هو احنا رايحين فين 
 بانتي عاوزه تروحي فين 
انا بسأل بجد وخدني فين 
الاسباب كتيرة عاوز اتكلم معاكي واتغدى معاكي واقعد شوية معاكي 
طب مش عاوزة نتأخر عشان تيتة متقلقش عليا 
هز ادهم رأسه متفهما
اخرجت ملاك هاتفها واتصلت بجدتها ووضعت اصبعها على فمها مشيرة لادهم بان لا يتحدث
مساء الخير يا تيتة ازيك يا حبيبتي عاملة ايه ..... انا بس هتأخر شوية .... لأ متقلقيش عليا هيا اشوية عشان ....عشان.... اه عشان عندي بحث فالمكتبة فالجامعة وعاوزه اعمله والمكتبة زحمة وكده وانا اول ما هخلص هكلمك ..... تسلم ايدك يا حبيبتي انا مش هتأخر باي يا حبيبتي 
لاحظ ادهم ملامحها التي اكتست بالحزن اقترب منها
مالك ايه الي زعلك 
نظرت لداخل عينيه وقالت بصدق
اصلي اول مرة اكدب على تيتة انا بقيت بكدب كتير عليهم وبستغل انهم بصدقوني 
ربت على كتفها بحنان
خلاص من هنا ورايح مش مضطرة انك تكدبي عليهم وفكي التكشيرة العسل دي حتى وانتي مكشرة عاوزة تتاكلي يلا وصلنا 
امسك ادهم يديها ودخل للمطعم الفاخر ولكنه كان خالي من الناس سار بها باتجاه الطاولة سحب لها الكرسي واجلسها جلس قبالتها كانت ملاك تتطلع الى المطعم باعحاب لاحظ ادهم ذلك
ها عجبك المكان 
اه حلو جدا بس ليه هو فاضي 
عشان انا الي طلبت 
نظرت له ملاك بتعجب
وصاحب المطعم رضيلك انك تكون لوحدك اصل انتا كده هتخسره 
ضحك ادهم عليها ومال عليها قائلا بخفوت مصطنع
اقولك كلمة سر .. اصل انا صاحب المطعم 
بجد 
اماء لها ادهم بالايجاب وهمت ان تسأله سؤال اخر
ولكن قاطعها النادل الذي يحمل عدة صحون في يده ويتبعه الاخر وضعوا الاطباق على الطاولة
شهقت ملاك بدهشه فهذا طعامها المفضل
هو انتا عرفت اني بحب الجمبري ازاي 
بنفس الطريقة الي عرفت بيها لونك المفضل يلا عاوز الاطباق دي تتنسف فورا 
جحظت بعيناها الرماديتان
يا لهوي كل ده انا هاكلو لوحدي حد قالك عني فيل ده