امي ومرضها وخالي

اهله يا حماتي
وقال لنسمة بصوت واطي بقولك ايه يانسمه انتي تخلي بالك من امك دي ولية غلبانة وطيبه وانا عارفك
نسمة
اخس عليك يا ابراهيم اومال يعنى مش هاخد بالي منها دي امي برضو اطمن انت ياخويا انا اقوم اشيل الاكل
ودخلت المطبخ وقالت اصل انا كنت نقصاكي انتي كمان ياست ماما
ونامت عايدة وتاني يوم الصبح دخلت نسمة تصحيها وقالت 

اصحى ياماما يلا عشان تفطري وتاخدي علاجك اصل إبراهيم موصيني عليكي
عايدة 
والنبي يا نسمه إبراهيم ده طيب وابن حلال ربنا يوسع رزقة يارب طيب بقولك ايه يا نسمة روحي وانا هاقوم وهاتي ملاية عشان اغير السرير
نسمه 
وتغيري ملاية السرير ليه ده انا كنت لسه مغيرها امبارح قبل ماتيجي اكيد يعني ملحقتش تتوسخ قومي قومي يلا
قامت عايدة من على السرير ونسمة زعقت وقالت
يا نهار اسود ايه ده ايه الميه دي
عايده پخوف 
معلش يانسمة اااصل يابنتي اناااااا
نسمه بتزعق
انتي اييييه هو ده حمام مش كده
عايدة هزت راسها
نسمة 
يلهوي ياماما ازاى تعملي كده على السرير ازاى
عايدة 
أصله ڠصب عني والله يانسمه انا عندي مرض بيخليني محسش بنفسي وبعمل كده والدكتور قالي قبل كده انه علاجة بيطول اوي
نسمة بتزعق 
وانتي ما قولتيش الكلام ده ليه اول ماجيتي
عايدة بټعيط 
منا يابنتي خۏفت لحسن ترميني زي ماخالك كان عايز يرميني عشان كده سكت ومرضتش اتكلم
نسمة 
اااه واخوكي و كمان سكت ومرضاش يقولي انا دلوقتي عرفت هما ليه كانو عايزين يرموكي في الشارع طبعا عشان القرف اللي بتعمليه ده
عايدة 
الله يسامحك يابنتي
نسمه 
الله يسامحني ايه بس طيب تصدقي بالله انك انتي الرمية ليكي في الشارع كانت احسن برضو ياريتهم كانو رموكي هتنيل اروح اجيب ملاية واجي استغفر الله العظيم
وسبتها وخرجت من الاوضه وعايدة اڼهارت من العياط