اسمحلي اخدلك صوره

و صحابي كان عندنا حاجات تبع الجامعة بنحضرلها ولما شافهم قالي انه ازاي اصاحب شباب واني مش متربية
دلال ماهو عنده حق برضو
مريم دلال انتى بتقولي ايه
دلال انتى عبيطة يا مريم داخله عليه بشباب وبتقوليله صحابك المفروض ياخدهم  يعني مش فاهمه
مريم حتى انتى يا دلال
دلال يا حبيبتي افهمي اللي عملتيه دا غلط شغلك انتى وصحابك يبقى فى الجامعه بس و اسمهم زمايل دراسة مش صحاب و نخرج معاهم في اي حتة و يا حبذا بقا لو التيم دا كنتى اختارتيه بنات بس
مريم يا دلال والله هما كويسين ومحترمين جدا و مش بخرج معاهم في حتة والله انا زوغت من اخر محاضرة النهارده عشان اروحله الكافيه والشغل دا كان المفروض في الجامعه بس انا اللي قولتلهم تعالوا الكافيه عشان اروحله لأني مكنتش معاه في الافتتاح و كان هيزعل لو اتأخرت عليه اكتر من كدا
دلال وكمان مزوغة يا مريم والله تستاهلي
ربعت ايديها و اتكلمت وهي بتمط شفايفها صحيح خيرا تعمل شړا تلقى 
________________________
نيرة وائل
يوم جديد 
كان سيف قاعد في عربيته قدام جامعتها و مستنيها تطلع
سيف بملل كل دا يا ست مريم انا استويت من القاعدة في الشمس
بتخبط نورا على ازاز العربية بيفكرها مريم وبيضايق لما بيشوف نورا
سيف خير
نورا ازيك يا استاذ سيف
سيف بخير... بقولك ايه مشوفتيش مريم
نورا قاعدة مع احمد في الكاڤيتريا
سيف بعصبية دا لييه 
بيطلع موبايله وبيرن عليها لكن مش بترد
نورا قلتلك قاعدة مع احمد مش هترد
سيف بعصبية ليه انشاء الله يطلع مين احمد دا
نورا مرتبطين
سيف پصدمة.........
احمد مش ناوية تيجي بيتي و.... 
قاطعته مريم پصدمة بيت ايه يا احمد انت اټجننت
احمد لا لا مش اللي.... 
ملحقش يكمل كلامه ولقى نفسه مرمي على الارض و سيف فوقيه و نازل فيه ضړب 
سيف من بين اسنانه هي مين دي اللي تجيلك البيت يا 
مريم وهي بتحاول تشده ابعد عنه يا سيف الناس بتتفرج علينا
بصلها سيف بنظرة مرعبة خلت جسمها كله يرتعش و بعدت عنه 
احمد بيحاول يزق سيف اوعى يا عم ... يخربيتك انت طلعت منين 
بيتجمع حواليهم شباب كتير من الجامعه وبيحاولوا يبعدوهم عن بعض واخيرا بينجحوا في دا 
سيف بعصبية و الشباب ماسكينه وحياة امي ما هسيبك 
احمد وهو بيمسح الډم اللي على شفايفه دا انت واحد متخلف 
كان لسه سيف هيضربه تاني بس أمن الجامعة جه 
بعد مدة كانوا كلهم في مكتب العميد و سيف بيبص لمريم واحمد بغيظ 
_ انا عايز اعرف انت دخلت هنا ازاي وانت مش طالب
سيف انا بعتذر بس كنت جاي لدكتور إيهاب عز الدين اخويا و لقيت الحيوان دا بيضايق بنت خالتي و مقدرتش اسكت
احمد يبني والله انت فاهم غلط انا كنت اقصد....
هنا بيخبط الباب وبيدخل دكتور إيهاب و مش بيلحق احمد يكمل كلامه
إيهاب بيعتذر للعميد وبيقدر يحل معاه الموضوع وبياخدهم كلهم مكتبه... بيبص لأحمد اللي وشه متبهدل من الضړب و مريم اللي كانت بټعيط اما سيف كان واقف ببرود
ايهاب بهدوء ممكن اعرف ايه اللي حصل
بيبص سيف لمريم احكيله يا ست مريم ايه اللي حصل
بتزيد اكتر في العياط و بتستخبى ورا ايهاب 
مريم أبيه إيهاب انا عايزة امشي من هنا
إيهاب اهدي يا مريم مټخافيش هنمشي دلوقتي
و بيبص لاحمد بنظرات ڼارية و بيمسكه من ياقه قميصه 
_ انت عملت ايه لأختي يا متخلف
هنا احمد بيتعصب وبيخرج عن صمته لو سمحت سيبني بس وانا هحكيلك عن كل حاجه عشان انا كل ما اجي اتكلم حد يقاطعني
هنا
إيهاب بيبعد عنه و بيبصله بغيظ اتفضل اتكلم
احمد مبدأيا كدا انا بحب مريم وعايز اتقدملها
سيف بيبصله بنظرات ڼاريةبتحب مين يا 
ولسه بيقرب منه بيوقفه ايهاب
ايهاب بعصبيةاترزع يا سيف وخليه يكمل كلامه
سيف بغيظ بيحبها ايه دا كان بيقولها مش هتيجي البيت
بيضرب احمد جبهته بكف ايده ياربي والله فهمتوني غلط....انا من الصبح عايز اوضح اللي حصل و محدش بيخليني اكمل كلامي.... انا و مريم كنا قاعدين في كافيتريا الجامعة و كنت عايز اقولها تديني رقم والدها عشان احدد معاه معاد واجي اتقدم بس ملحقتش اقولها حاجة.. انا لسه بفتح معاها الكلام وبقولها مش هتنوري بيتي بقا وبيكمل بضحك كنت بحاول اكون كريتيف وانا بتقدم لها بس جت على دماغي دا حتي هي فهمتني غلط وقالتلي بيت ايه و ملحقتش اوضح كلامي ولقيت الاستاذ دا نازل فيا ضړب
سيف لا والله والمفروض نصدق الهبل دا
مريم انا مصدقاه يا سيف
سيف بعصبية انتي تخرسي خالص ما انتي مرتبطة بيه اصلا لازم تدافعي عنه
ايهاب سيف اسكت خالص ملكش دعوة و انت يا احمد تجيب اهلك و تيجي تتقدم لها وكلامك معايا انا مش معاها لحد ما الموضوع يكون رسمي انت فاهم
احمد بفرحة حاضر يا دكتور متشكر جدا
ايهاب تقدر تتفضل
احمد حاضر عن اذنك
بيخرج احمد و سيف بيتجنن
سيف بزعيق ممكن افهم ايه اللي انت عملته دا
ايهاب وطي صوتك يا سيف واحترم نفسك وانت بتتكلم معايا
بيمسح وشه پغضب وبياخد