عاجزة ولكن
اسماء.. انا نزلت علشان اقولها تحضر عشا
بس ملقتهاش، معرفش راحت فين؟
يونس بص فى ساعته، معقول لسه مرجعتش
اومال راحت فين؟
__ اسماء خدت رضوى وراحت على اوضتها
ود عينها فى عين يونس وشافته متخربش
مسكت خده، ايه ده، مين اللى خربشك كده؟
حست پألم فى ايدها، مسكتها وبوجع، انا كمان ايدى متعوره؟
وب استغراب.. هو ايه اللى حصل!؟
يونس.. مش عارف، انا فجأه لقيتك انسانه تانيه
بتصرخ وتكسر فى الأوضه، كان شكلك تعبان خالص، ومش مظبوطه، بطنك ۏجعتك، كنتى بتقولى ان جسمك سخن، بس انا لمسته مكنش سخن ولا حاجه، عملتلك اسعافات وجبتك هنا
بعد ما الاوضه اتكسرت، لقيتك نمتى، سبتك ترتاحى شويه، كنت عند ماما وطلعت على صوت رضووى
ود.. انا مش عارفه مالى، ومش فاكره حاجه
يونس.. ان شاء الله هتبقى كويسه
انا هنزل اعملك اى حاجه تاكليها
ود.. انا مش جعانه
يونس.. انتى نايمه طول النهار ومأكلتيش خالص
سابها ونزل المطبخ يحضر عشا
ود قاعده مكانها والدموع نازله من عينها
وكأنها ما صدقت انه خرج من الاوضه
بتسأل نفسها.. هو انا ايه اللى بيحصلى ده
قامت وملقتش العكاز جمبها
دخلت البلكونه وبصت منها وبذهول معقول
انا كنت عاوزه ارمى نفسى من هنا! طيب ليه!؟
بصت لفوق، السماء صافيه وشكلها جميل
شافت نجمه، نفس النجمه اللى كنت بشوفها
من البلكونه فى بيتنا
__ رضوى شدت فى الكلام مع أسماء
بعد ما قالت لها ملهاش دعوه بيونس وهى اللى
هتتجوزوا، بعد ما اتهمتها بالهبل والسذاجه
وانها هضيعه من ايدها وخصوصا بعد ما نقذت ود
ولما سألتها على علاقتها ببنت ام الخير وايه
اللى بينهم، وسر ايه اللى تعرفه عنها
ده غير اتفاق رضا معاها على جنان وقتل ود؟
رضوى.. مش هقولك على اى حاجه؟
اسماء.. انتى اختى وانا خاېفه عليكى
اه انا وانتى اتفقنا ان واحده فينا تتجوز يونس
بس متفقناش على القټل
رضوى.. قتل ايه؟انتى مجنونه
اسماء.. انا سمعت كل حاجه
رضوى بتوتر.. سمعتى ايه
اسماء.. بعد ما ام الخير اتخانقت معاكى وهددتك
وقالت إن فى حاجه فى اللبن
فتحت الدولاب وطلعت منه كيس ابيض بلاستيك
رضوى پغضب.. ايه ده انتى عرفتى مكانه ازاى؟
اسماء.. ام الخير قالت ان فى حاجه فى اللبن
وانا شوفتك بنفسى وانتى بتحطى من الكيس
ده فى اللبن قبل ما تتدخلى اوضه ود
