حض الاسد

بيه.
رد عليها ببرود.
هكون مبسوط جدا لما نعمل تحليل الشهر الجاي وتطلعي حامل وقتها هتلمسي نجوم السما بايديك يا ام الواد .. يلا انزلي ما عنديش وقت اضيعه معاكي ومع اهلك اكتر من كده.
سابته ونزلت ولاول مره يبان في عينيها الخبث نجوم السماء أقرب له من ان هي تخلف منه وياخد ابنها عشان تبقي ست هانيا هانم بتاعته ام لابنها هي.

ردت عليه بصوت واطي.
يا خساره يا خساره كل حاجه يا اسر يا خسارة عمري اللي ضاع وانا عيله بضفاير بتحبك بتحبك وبس.. بس وغلاوه حبي ليك هخليك تتمنى قربي ولا تطولوش.
راح أسد بسرعه لشقته اللي متاكد ان اخوه حسن أخد ملك عليها.. دخل على اوضه النوم على طول ملهوف مش عارف ممكن هيقول لها ايه.. بس كل اللي يهمه دلوقتي إنه يلاقيها مفتحه عينيها وبخير .. ملك شافت في الدنيا كتير جدا وهو طوق النجاه الوحيد ليها مش عايز يكسرها ولا عايز يكسر قلبه معاها.
وقع قلبه في الارض لما لقاها قاعده في زاويه في الاوضه حاضنه نفسها زي العيل الصغير وعماله ټعيط بصوت عالي وبتصرخ باسمه كانها انفصلت عن العالم كله وما فيش قدام عينيها غيره وبس اتاكد وقتها ان هو ضيع ملك من ايده.
قرب منها حاول اخدها في حضنه وقال بړعب.
ملك يا حبيبتي انا اسد حبيبك حاولي تاخدي نفسك واهدي اسمعيني أنتي عارفه ان ما فيش حد في الدنيا بيحبك زي انا ما بحبك.
بعدت عنه كانه وباء لاول مره يشوف في عينيها النظرة اللي شافها دي وبكل قوتها نزلت بالقلم على وشه وهي بتصرخ.
ابعد عني يا كذاب يا حيوان لسه لك عين تكذب وتالف وترسم الحب ازاي.. إزاي تعمل فيا كده تكسرني بالشكل ده انا بكرهك سامع يا اسد بكرهك..
رد عليها بۏجع.
أنتي مش عارفه اللي انا فيه انا موجوع اكتر منك اللي حصل ده كسرني زي ما كسرك.
ضحكت بسخرية وقامت من مكانها بشخصيه جديده عليه تماما شخصيه كلها كره شخصيه بتقول قد ايه هو قدر ېقتلها عشان تتولد واحده جديده.
ما بقاش لك حق تعتذر احنا وصلنا لطريق مسدود .. خلتني شبهك خلتني في نفس قذرتك عشان اكسرك وارد لك القلم اتجوزت في ساعه واحده بس بدل ما كنت هبقى مراتك بقيت مرات غيرك.
فتح عينه على اخرهم وعقله بيردد كلامها من اول وجديد بيحاول ېكذب إللي وصل له واللي سامعه .. مستحيل تعمل فيه كده ملك ملاكه الحارس نقطه النور اللي طلعت وسط ضلمه حياته.. مين اساسا اللي هيرضى يتجوزها في ساعه عشان كده ضحك بصوت عالي وهو بيسقف لها وقال سخريه واضحه في كل كلامه.
للحظه صدقت التخلف اللي أنتي بتقوليه ده ومين بقى يا ست ملك عريس الغفله اللي لقيتيه في الساعه اللي انا سبتك فيها دي.
حطت عينيها جوه عينيه وقالت بقلب مكسور.
حسن أخوك...
الحلقة التالتة 

يسر أحمد 




حسن أخوك.



فضل واقف قدامها خمس دقايق كان واقف زي الصنم بيحاول بس يفهم هي قالت ايه اللي وصل لعقله بجد هي اتجوزت غيره ومين اخوه.
رفع عينه كلها رجاء بيتمنى تقول كلمه واحده ترجع فيه الروح من الاول وجديد تقول له ان الكلام اللي هي قالته ده كدب وانها حبيبته ومش هتكون مرات حد غيره. 



بس العكس كان واضح في عينيها لاول مره يشوف الغل والكره.. مش عارف ده غل وكره ولا ضعف وعجز.


قالها بتوتر قرب منها يمسك ايديها.


ملك الكلام اللي زي ده مش هزار نقوله عشان نوجع بيه بعض ده كلام ممكن ېقتل روح .. أنتي ما تعرفيش حاجه انا عملت كل ده عشانك يلا بينا نمشي من هنا مش هكمل في اللعبه دي هاخدك ونهرب بعيد عنهم كلهم يلا بينا يا ملك.



بعدت أيده عنها بكل قوتها ورجعت لورا وهي بتصده عشان ما يقربش منها تاني وقالت ببرود.


هو انت ما بتفهمش ولا ايه حكايتك قولت لك اتجوزت.. ومش أي عريس لا ده حسن أخوك شكله راجل حاول يلم قلب واحدة أنت كسرته.. روح لعروستك وعيش حياتك اللي انت اخترتها بعيد عني انا لكان فارق معايا انت ولا عمري حبيتك اهم حاجه كانت عندي اني اخرج من الملجا وابقى هانم واهو خرجت فعلا وبقيت هانم مرات باشا يعني انت كلك على بعضك مش فارق معايا يا اسد يا منشاوي.


قرب منها ېخنقها وهو بيقول باڼهيار.

كذابه أنتي كذابه يا ملك بتحبيني ومش بتحبي حد غيري قولي ان هما عملوا كده عشان خاطر يبعدونا عن بعض وانك تحت الټهديد وبتقولي الكلام ده ڠصب عنك قولي اي حاجه وانا هصدقك لكن بلاش تبقي