حب الكافيه

وقولت
المهم هي فين هند
ماما كانت هتمشي ووقفت علي جملتي ورفعت حاجبها وقالت
مالك يا هند أنت سخنه
بصيت يمين وشمال وقولت
لاء
أمال هند مين ما أنت واقفه قدامي أهو
هند يا ماما هند الطفله
قربت مني وقالت
هند أنت هتغيري من أسمها عشان مراته هي اللي مسمياها بلاش تحسبيها كده وأرضي بالأمر الواقع
حمحمت وأنا عارفه أن ماما لسه مش مستوعبه وقولت

حبيبتي يا ماما أنا أميد مش هغير بس الحقيقه أن تميم سماها هند علي أسمي
لقيتها بصيت لس بصدمع وفضلت واقفه مكانها وقولت
أيه يا ماما مالك!!
هو أنا في حلم ولا في علم يا ولاد لما هو بيحبك أوي كده ليه حصل كل ده
تاني يا مانا تاني مهو شرحلكوا اللي حصل
هزت راسها وقالت وهي ماشيه
خلاص اللي فات ماټ أنا أروح أطمن علي حبيبت جدتها
ابتسمت من حنيتها ودخلت أوضتي في هدوء غيرت هدومي وفتحت الساوند علي أغنية كلام الدنيا ل وائل جسار قعدت علي المرجيحه وفضلت أفتكر في ذكرايات بيني وبينه من أول يوم شوفته فيه وأنا متأكده أني هقع في حبه
ضحكت وقولت
هقع أيه ده أنا أتزحلقت
لقيت التليفون بيرن بأسمه ابتسمت ورديت
الو
بتعملي إيه
قعده بفتكر ذكراياتنا
كنت قاعد بتفرج علي صورنا عارفه أنا لحد دلوقتي مش مصدق
عندك حق أنا كمان مش مصدقه مش بصدق غير لما ببص للدبله اللي في أيدي
أنا مبسوط حاسس أن الدنيا مش سيعاني من الفرحه
ابتسمت وفضلنا نتكلم كتير عن اليوم وكأن اللي فات محصلش معداش علينا أصلا وفي الآخر نمنا علي صوت بعض صحيت وأنا حاسه أني نايمه نوم عميق حاسه أني بقالي كتير أوي منمتش بالطريقه دي
اتصلت بيه وقولت
صباح الخير
بفرحه قال
صباح النور والله أنا محظوظ يعني أخر صوت أسمعه أنت وأول صوت أبدأ بيه يومي أنت
ابتسمت وقولت
يومك هيمشي أزاي النهارده
يعني علي يومي بيبدأ أخر النهار
يااه وأنا مصحياك بدري
مش مهم كفايه أني صاحي علي صوتك
طب يلا قوم تعالا أفطر معاي
طب وأهلك!!
مالهم
مش هيضايقوا
تميم يا حبيبي أيه اللي هيضايقهم بس صدقني أنت بتفكر في حاجات محدش أصلا بيفكر فيها
ضحك وقال
قصدك تقولي أني أوڤر
ضحكت وقولت
أوي
ماشي يا ستي هقوم البس وأجيلك
قفلت معاه وطلعت وأنا بتنطط من الفرحه لقيت ماما في وشي قولت
صباح الخير صباح الجمال صباح اللي بتغني
أيه يا بت مالك
مليش بس قولت لتيتو يجي يفطر معاي
ضحكت وقالت
تيتو ماشي ياختي يلا علي المطبخ
فضلت اتمختر قدامها من الفرحه ودخلت المطبخ حضرت الحاجه وبدأت أعمله أحلي فطار في العادي بتاعي أني مبفطرش وأني مش بيجيلي نفس خالص أفطر بس النهارده حاسه أني نفسي مفتوحه أوي دخلت لبست حاجه مريحه أستقبله بيها وأول مخلصت لقيت الجرس بيرن
روحت فتحت لقيته لابس تيشيرت أڤر سايز وبنطلون وكاب ابتسمت وأخدت منه الحاجه ودخلت المطبخ فطرنا سوا وكان أحلي فطار حرفيا أكله ممكن مش عشان الفطار بس وجوده كان محلي الفطار.
عدي يوم واتنين وتلاته وقربي من تميم بيزيد بطريقه حلوه أوي علاقتنا كل مدي بتقوي ثقتنا ببعض بتقوي حبي ليه بيزيد كل يوم عن اليوم اللي قبله نزلنا حجزنا كل حاجه قاعه فستان بدله عربيه بوكيه كل التفاصيل دي رغم أنها متعبه في المشي والتفكير الا أنها حلوه حلوه أوي الشهر خلص وأجا اليوم اللي مستنياه بقالي كتير أوي مستنياه من أول يوم شوفته فيه
بدأت أجهز من ميكب للبس الفستان وأجا الوقت اللي ياخدني فيه للقاعه لفيت نفسي واديته ضهري كنت مكسوفه فضلت أدوخه شويه قبل ميشوفني معلش بقا مهو ياما دوخني
شافني وكان هياكلني بعنيه كان جميل أوي بالبدله كان بيبص لي وهو عايز يحضني وطبع بوسه حنينه علي جبيني وخدني وركبنا العربيه وصلنا للقاعه وبدأنا كتب الكتاب
بارك الله لكما وبارك عليكما وجمع بينكما في الخير
كل المعازيم كانت بتردد ورا المأذون وأنا أيدي كانت متشبكه في أيديه بص في الأرض ولقيته بيعيط فعيطت وأول ما المأذون خلص قام ولقيته بيحضني جامد مكنش عايز يطلعني من حضنه خلص الفرح بعد يوم طويل من رقص سلو لكل حاجه حلوه فيه وطلعنا علي بيتنا
مش مصدق
ابتسمت وقولت
أنا حاسه أني بحلم
مسك أيدي وسند علي الحيطه وقال
هند هو أنت بجد معاي
هزيت راسي وحضني وقال
يلا غيري عشان نبدأ حياتنا بالصلاه
ابتسمت ودخلت الأوضه غيرت وطلعت كان هو كمان غير ومستنيني صلينا وكنت حاسه براحه رهيبه وخلصنا
بعد مرور شهرين علي جوازنا
تميم
قلبه
مبسوط معاي
أنا اللي المفروض أسألك السؤال ده
أنا مبسوطه أوي
مش قدي
طب كنت عايزه أقولك علي حاجه
بعدت عنه وأنا مش عارفه أجيبهاله أزاي ولقيته قرب بقلق وقال
مالك!!
بفرحه قولت
تميم أنا حامل
بص لي پصدمه ممزوجه فرحه وقال
احلفي
والله
شدني لحضنه وقعد