الحزن

بضحك هتشدى ايه ولا ايه
نبرته اتغيرت للعصبية تطلعى حالا تغيرى الزفت اللى انتى لبساه و لو شفتك لابسة حاجة زى دى تانى هتزعلى منى انا كنت بهزر معاكى لكن وقت الجد انتى مجربتنيش لسة. تلبسى بنطلون يدارى رجلك كلها و يكون واسع مش ملزق على جسمك و تلبسى جزمة من غير كعب احنا رايحين الشركة و هنعدى على المصانع يعنى كلها رجالة و عمال ولا عاوزة كل دكر تعدى عليه يفصل فى جسمك

نيلى بعصبية انت ملكش انك تتحكم فيا
ادهم بزعيق انا مش بتحكم فيكى انا بنصحك لو حابة واحد يبص على صدرك ولا على ضهرك ولا على على... على تفاصيل جسمك اتفضلى انزلى كدة بس تحطى فى اعتبارك انك دلوقتى مراتى يعنى حفيدة عيلة الشرقاوى و كمان مرات ابنهم يعنى تحترمى مكانتك يا هانم.
نيلى طلعت من سكات و غيرت هدومها و حاولت تمشى على التعليمات لانها متنكرش انها خاڤت منه و جة غير المنطق اللى بيتكلم فيه صحيح هى عمر ماحد نصحها كدة و خاف عليها كدة و اما جدها كان بيكلمها كامت بتقوله انت دقة قديمة
جهزت نفسها و نزلتله و ركبه العربية و انطلقوا للشركة و هو فى الطريق
ادهم انا النهاردة حضرت الفطار من اول ما نروح تستلمى مهام البيت
نيلى يعنى ايه
ادهم يعنى يا حبيبتى طبخ مسح كنس و غسيل و كوى عليكى
نيلى بعصبية انا مش خدامة
ادهم مانا عارف. بس انتى مراتى و انا مراتى لازم تكون هى المسؤولة عن كل تفاصيلى
نيلى انت صدقت موضوع مراتك دة
ادهم والله المأذون كتب كتابنا امبارح و عملنا فرحنا فاحنا شرعا و قانونا متجوزين
نيلى والله لاقول لجدو
ادهم بضحك قولى لجدو و لماما و لخالتو و لعمو و محدش هيقدر يقف قدامى و اعتقد انتى عارفة كدة
نيلى سكتت شوية و بعدها كملت طب هاتلى خدامة
ادهم خداااامة. لا طبعا
نيلى طب ما انعام ماسكة القصر لجدو و معاها خدامين
ادهم مسمهمش خدامين اسمهم مساعدين بينضفوا وساخة حضرتك فى القصر و فى بيتى مبحبش حد يجى ينضفلى ولا يأكلنى و بعدين وضعنا دة ميلزموش خدامات على رايك علشان سيرتنا متبقاش على كل لسان
نيلى بيأس طيب عاوزة اروح لجدو
ادهم هو اللى هيجى و هتجهزى العشا لمامت و لبابا و لجدو و لعمى و مراته احنا المفروض عرسان و جايين يباركولنا و صحيح ياسمين صحبتك و حسن خطيبها
نيلى انت بتهزر
ادهم لا مبهزرش و اتفضلى وصلنا
دخلو للشركة ادهم و تتبعه نيلى و انبهرت بهيبته و شموخه و تحية الموظفين ليه و كأنها بتشوف ادهم جديد غير اللى هى تعرفه فهو فى عيلته مطيع لجده و لابوه لكن فى الشغل معندوش ياما ارحمينى
ادهم فى التليفون تعالى يا مها عاوزك
مها دخلت صباح الخير يا ادهم بيه. اولا الف مبروك لحضرتك و لنيلى هانم. ثانيا دى الاوراق اللى حضرتك طلبت اجهزها
ادهم ابتسملها صباح الفل يا ستى و دة اولا اما ثانيا بقى تجهزى مكتب لنيلى هانم
مها تحب فى نفس الدور ولا دور تانى
ادهم و هو بيبص لنيلى لا فى نفس مكتبى
مها ابتسمت بخجل حاضر يا ادهم بيه
و خرجت
نيلى بتعجب و دة ايه دة كمان
ادهم بصى يا ستى اولا انا معنديش حاجة اخبيها عليكى و دة يخليكى تكونى معايا 24 ساعة و هكونلك كتاب مفتوح. ثانيا انتى لسة جديدة فى الشغل لو سبت لوحدك هتتسكعى على قفاكى. ثالثا انتى مش مضمونة يا نيلى و اعتقد فهمانى بتكلم عن ايه
نيلى يعنى انا تحت المراقبة
ادهم بغزل لا قصاد عنيا
نيلى اتحمحمت انا داخلة التواليت
و فضلوا يكملوا شغلهم و اتعلمت منه حاجات كتير متنكرش ان لادهم خبرة فظيعة فى ادارة الاعمال و اجروا بعض الزيارات للمصانع و شافت جانب جديد من ذلك الادهم الانسانية شافته بكل مكانته دى بيسأل عاملة عن احوالها و يستمع ليها بمودة و يطمأن على حال الموظف اللى مراته حامل و يتطمن على العامل الكبير فى السن و على اولاده هل دخلوا الجامعة ام لا وهكذا و انهوا يومهم و اتجهو للمنزل
و هما فى الطريق
نيلى بس انت غير يا ادهم
ادهم عارف
نيلى بضحك للدرجة دى الثقة بالنفس
ادهم اكيد لازم اثق فى نفسى و فى شغلى
نيلى بس يعنى
ادهم قاطعها انا ملخبط منعكش و بكرش صح
نيلى انا اسفة مقصدش و مكنتش عارفة انك سمعت
ادهم دة عادى البنات اللى فى سنك بيفكروا كدة و بعدين لو بتلاحظى هتحسى انى بدأت اظبط نفسى لان المدة اللى فاتت كلها كنت مطحون شغل لازم اثبت نفسى و معتمدش على حد
نيلى بغباء بس انت اعتمدت على جدو واخدت منه شركة
ادهم ضحك باستهتار لو كان هاممنى فلوس جدى مكنتش اعترفلك امبارح
نيلى انت ليه بتعمل كدة
ادهم انتى عارفة درجات الحب
نيلى هو للحب درجات
ادهم اه بصى يا ستى للحب اربعتاشر ددرجة الاولى الهوى و هى اننا