عندي کانسر

واخدت الريموت وشغلت الفيلم
دخلنا فى مراحل اكبر واعمق بدأ يتعب اكتر وشعره يقع ماكانش بيتهز لحظه او يزعل دايما مبتسم ولما كنت أسأله ليه دايما مبتسم حتى وانت تعبان كان يرد يقولى
انا اتمنى ان ربنا يبتلينى دايما كل اللى ربنا بيحبه بيبتليه عشان يختبر قوة صبره وإيمانه وانا والله واثق فيه ولو كان ايه هيحصلى فأنا راضى ودايما هفضل احمد ربنا

كنت بحب هدوؤه وانه واخد الأمور بهدوء حبى ليه كان بيزيد لما كنت اشوفه بيستحمل ويعدى كل حاجه وكل تعبه بصبر
تعبان
الحمد لله
طب حاسس بايه
دايخ اوى
جبت عصير بسرعه وجريت عليه
طب اشرب
شكلى حلو
مفيش احلى منك
حتى وانا تعبان..!
بس ماتقولش تعبان احنا اتفقنا انه ابتلاء وربنا بيختبر صبرك
بحب وجودك معايا خليكى دايما
ابتسم وشال الكاب من على راسه
كان غالى عندى ابن الايه
وانا كمان
يعنى ايه
شعرى كان غالى عندى برضو
بتقولى ايهمش فاهم
ابتسمت ومسكت الكاب
يعنى زى مانت بتلبس ده ومحدش واخد باله ان شعرك وقع انا لابسه حجاب وماخدتش بالك ان شعرى مش موجود هل انت حسيت بفرق!
انتى ازاى تعملى كده
انا حره ياسيدى
اتعصب وكان لسه هيزعق
حطيت ايدى على كتفه وحاولت أهديه
لحظه هفهمك هو انت دلوقتي كنت حاسس بحاجه او بان شعرى مش موجود
زفر بقوهلا
شفت! يعنى مفيش حاجه وانت لسه زى مانت ابن عمى القمر اللى لو كان وسط 100غيره هيكون احلى منهم
بس انا ماكنتش عايزك تعملى كده
قمت وقفت وهزيت دماغى
اوعى تفتكر انه عشانك أبدا ده عشان افهمك حاجه بس
عارفه! انا مش خاېف من المۏت ولا زعلان من التعب انا خاېف اسيبك
ايه
خليكى معايا انا قوتى هتضعف لو بعدتى
ماتخافش يا بطل ما وراييش غيرك
بتعيطى ليه
آدم تعبان اوى يا ماما انا خاېفه عليه قلبى بيتقطع مش قادره اشوفه كده
اهدى يا حبيبتيقل لن يصيبنا الا ما كتب الله لنا
واثقه فى ربنا والله بس مش قادره اشوفه كده بهتان اوى وتعبان مابقاش يقدر حتى يضحك بالله عليكى يا ماما ادعيله انا خاېفه عليه
الايام بتعدى بصعوبه شريط ايامه من اول ما جاله کانسر لحد دلوقتي بيمر قدامى ضحكته وهزاره وتعبه وبهتانه كل حاجه عدت قدامى
آدم مالك فى ايه
سند بايديه على الحيطه عشان مايقعش
مش قادر..
الموضوع بقى مقلق والتعب بقى بيزيد وبهتانه وضعفه كل حاجه كانت بتزيد ومع ذلك كان بيحاول يفضل مبتسم
حاسس بايه
خليكى معايا..
انت تعبان
لا انا بخير
آدم مالك فوق
كانت عينيه بتقفل كإنه هينام او هيغمى عليه قلبى مش مطمن كنت خاېفه..
ماخبيش عليكى المرحله اللى جايه هتبقى صعبه اوى واحتمال ضعيف نعديها من غير عمليه
حاولت اتمالك اعصابى وارد عليه
طب ولو عمل العمليه يا دكتور هيبقى كويس
مفيش حاجة بعيد عن ربنا انتو بس ادعوله وهو هيفضل فى المستشفى
هفضل معاه ممكن
اكيد اكيد وياريت ترفعى من روحه المعنوية
كنت بحضر معاه كل حاجة واى حاجة بتحصل كان جزء أساسى من