الظابط والعروس الهاربة
المحتويات
تمسكهم هما الاتنين ويمسكوهم في الشقة ولو قالوا اي اثار الضر ب دي فدا دفاع عن شرفك لانك اكتشفت انها مش بنت وبتضحك عليك لحد ما تجيبها بيتك بس
عماد تمام عجبتني دماغك
عاصي وعلى الراجل صاحب الشقة ممكن يكون تبع الحكومة ولا هيعمل اي حاجه انت بترجع مراتك وهنتهمه انه عشيقها ودا هيخلي موقفنا في القضية اقوى والباقي ربنا يمشيه . فلوسك كتير بقا
فعلا اتصلوا بالشرطة الي جات بسرعة
عماد هي دي الشقة يا حضرة الظابط الي مراتي پتخوني فيها مع عشيقها
الظابط استغرب دي شقة يامن باشا ظابط مباحث انت متأكد من عنوان الشقة
عاصي يعني اي يعني ظابط مباحث ظابط مباحث ياخد مراته منه ويهربها دا الحق يعني ياباشا
الظابط خبط علباب بس محدش فتح
الظابط اكسر الباب دا يابني
الظابط اخرص انت.. وهات النسخه مش عايز كلام كتير
البواب پخوف اهي ياباشا اتفضل
اخد الظابط المفتاح وفتح باب الشقة بس ملقاش حد ..!
يامن السلام عليكم يا عم صبحي اي الاخبار
عم صبحي وعليكم السلام يامن باشا.. اي اخبارك ليك واحشه والله
عم صبحي جاي لمدام ناهد
يامن اه هي موجودة
عم صبحي ايوة يابيه موجودة
يامن تمام
راح عربيته يجيب فرح منها وشالها بين ايديه
عم صبحي باستفهام تطلع مين يا بيه
يامن قريبتي . بس من بعيد شوية وهي تعبانه فنايمه شوية
يامن كان ملبس فرح نقاب عشان محدش يحقق معاه لو شافها بحالتها دي وهي نايمه ممكن يتهموه بخط فها والجر وح كمان الي في وشها
ناهد ايوة جايه يامن حبيبي ليك واحشه و .. استغربت من الي شايلها
يامن ازيك يا عمتي عامله اي.. استأذنك بس تدخل احطها في السرير لانها تعبانه ونايمه
يامن دخل اوضة وحط فرح في السرير ورفع النقاب من عليها
ناهد اول ما شافت وشها والجر وح الي فيه يالهوي مين عمل فيها كده يامن فهمني مين دي وجايبها منين وجيت بيها عندي ليه
طلعوا برا ويامن اول ما قفل الباب اتنهد اقعدي هحكيلك على كل حاجه
يامن حكالها من ساعت ما خبطت فرح على بابه لحد ما جابها هنا
ناهد دموعها باقت بتنزل انت فكرتني بذكريات مكنتش عايزة افتكرها
يامن اعتقد اني اختارتك انت عشان انت اكتر واحدة هتبقى متعاطفة معاها لانك عيشتي التجربه دي قبل كده ..
يامن بأسف انا آسف حقك عليا .ممكن البنت تفضل عندك لحد ما نجبلها حقها واهو تبقى بعيدة عن الانظار وفي آمان
ناهد طبعا يا حبيبي دي هتبقى في عيني مانت شايف محدش عايش معايا وقاعدة لوحدي.. اهي تونسني
يامن ابتسم شكرا بجد شكرا ليكي
ناهد بس كان الاولى انك تاخدها المستشفى
يامن انا فعلا فكرت في دا ونورا كانت هتاخدها علمستشفى الصبح بس عماد اما ظهر والنوبه الي جاتلها معرفناش نتحرك بيها لانها باقت في خطړ هيه نورا حاولت تنضف الجر ح كويس وحتى الازاز الي كان معو رها شالته بحذر انت عارفة نورا جراحة شاطرة وخيطت الجرو ح لمدة لحد ما الشوشره تخلص وهناخدها علمستشفى تعمل تحاليل واشعة لان منعرفش هل في
جر وح داخليه ولا لا
ناهدطيب يابني ان شاء الله هتكون كويسه
يامن ان شاء الله
موبايله رن
يامن الو
عيسى انت فين يابني
يتمن مش هقدر اجي النهاردة لان
عيسى دا القسم مقلوب عليك
يامن استغرب مقلوب عليا
عيسى حد مبلغ انك خاطف مراته وانك عشيقها في السر وهربانين انتو الاتنين
يامن قام وقف بذهول انت بتقول اي لا طبعا عشيق مين . مرات ..
فجأة فهم الحكاية وعرف انهم بيلعبوا معاه يا ولاد ال .
عيسى يعني انت عملت كدا فعلا .
يامن بس يا عيسى بطل هبل الموضوع مش كده خالص
عيسى اومال الموضوع اي احكيلي عشان اعرف ادافع عنك هنا دا في حريقة
يامن لا انا جاي سلام ..
ناهد في اي يابني
يامن مشكله في القسم هحلها واجي ادويتها في الشنطة دي لو فاقت ونبي ما تنسي تدهالها يا عمتي
ناهد حاضر.. طب اقعد كلك لقمه انت لسه مفطرتش اكيد
يامن مش هينفع والله اما ارجع تسلمي يا عمتي ربنا يخليكي
باسها من دماغها ونزل من الشقه وهو بيش تم في سره على لعبه عماد
يامن ركب عربيته وتلفونه رن كانت نورا
يامن بعصبيه وهو سايق مش وقتك يا نورا
نورو فضلت ترن كتير لحد ما رد ايوة.. مش فاضي يا نورا
نورا قلقتني عليك انت وفرح وديتها عند عمتو
يامن بزعيق ايوة وديتها . سلام
نورا بتزعق كدا ليه
يامن عشان الحيوان رافع عليا قضية قال اني عشيقها ومهربها معايا
نورا يالهوي طب وهتعمل اي
يامن بزعيق مش عارف انا مش عارف افكر رايح علقسم اشوف اي الحوار ..
نورا طب اهدى ربك موجود وعمره ما
متابعة القراءة
