القدر

برة المكتب عشان اوصلها وصلنا بالعربية تحت بيت باباها و مكنتش ناوى اطلع معاها
انت قلت لبابا انك هطلقنى 
كانت بصالى و عينيها مليانة دموع .. مكنتش عارف افسر نظراتها بس كان باين عليها انها حزينة .. جدا ابتسمت بمرارة و قلت 
مش ده اللى كنتى عايزاه يا بنت الناس 
فضلت ساكتة .. عينيها بتقول كلام كتير لكن هى ساكتة .. كان باين عليها انها مکسورة .. و انها طول الاسبوع اللى فات مكنتش كويسة .. زيى .. بس بردو متكلمتش

بلعت ريقى و بعدت نظرى عنها .. مش عايز اضعف
اطلعى لباباكى يا يارا زمانه قلقان عليكى
فضلت مكانها لثوانى و بعدين فتحت الباب و نزلت و قفلته بعصبية بصيت عليها پألم .. ليه وصلنا لكدة .. بس رجعت فكرت نفسى إن عمر ما علاقتنا كانت كويسة اصلا .. بس بردو مكنش اتمنى انها تنتهى بالطريقة دى .. 
_______________
بعد يومين روحت بيت يارا و عمى استقبلنى
انا حاولت على أد ما اقدر احافظ على الامانة اللى استأمنتنى عليها يا عمى .. بس صدقنى مش هقدر اكمل اكتر من كدة .. و يشهد ربنا انى عملت اللى عليا و زيادة
انا عارف يبنى .. و عارف كويس اخلاقك العالية اللى خلتنى متمسك بيك و عايزك لبنتى لإنى مكنتش هلاقى احسن منك يحافظ عليها .. و المرة دى انا مش هقف فى صف بنتى زى كل مرة لإنى عارف انها غلطت غلط كبير .. و لو انه صعب عليا بس القرار قرارك .. اعمل اللى يريحك .. انا جيت عليك كتير و المرة دى مش هعمل كدة ..
عمى انت مكنش ينفع تفرض على يارا الجوازة دى من الأول .. انت استغليت كونك ابوها و انها مش هيهون عليها زعلك و هتبقى عايزة ترضيك عشان تضغط عليها و تجبرها توافق .. للأسف كل ده غلط و مش دايما بيجيب نتيجة كويسة .. حتى لو انت شايفنى مناسب ليها و هحافظ عليها بس بردو هى من حقها تختار لانها مش صغيرة ..
انا كنت خاېف عليها لاموت و تبقى لوحدها
يا عمى ربنا يديك الصحة بس معلش مين قال انها هتبقى لوحدها .. ربنا معاها أولا و معاها عيلتها كلهم حواليها بيحبوها و مش هيسيبوها .. ارجوك بلاش تغصبها على حاجة تانى بعد كدة و سيبها براحتها
هز راسه بصمت و بعدين قال 
شكرا يبنى .. القرار قرارك دلوقتى .. هقوم انادى يارا
هزيت راسى و فضلت مستنيها رفعت راسى لما حسيت بها دخلت الأوضة قعدت اودامى بهدوء و ملامحها كانت بهتانة و تعبانة فضلنا ساكتين لدقايق معرفش أد ايه بالظبط
انا اسفة
بصتلها كانت دموعها نازلة على خدها و عينيها بتبصلى بنظرة اول مرة اشوفها .. بندم !!
انا عارفة انى غلطت فى حقك كذا مرة و انت متستاهلش منى ده .. انت عاملتنى كويس جدا و عمرك ما زعلتنى و بالمقابل انا مقدرتش حاجة زى دى و اتماديت .. انت كنت تستحق احسن من كدة بكتير .. اسفة انى فهمت ده متأخر بس انا حقيقى ندمانة .. انا دايما كنت مترددة و خاېفة .. خاېفة من حاجة انا اصلا مديتش نفسى فرصة اجربها عشان احكم .. بس و الله مكنتش اعرف انى بظلمك اوى كدة
فضلت باصصلها بصمت .. للاسف كلامها متأخر اوى
هتسيبنى 
المرة دى كانت بتبصلى بترجى .. قاومت صراع كبير جوايا و انا بقول 
للأسف يا يارا انا مبقتش قادر اكمل اكتر من كدة .. تعبت من كتر المحاولات اللى مبتجبش نتيجة .. انتى استنفذتى طاقتى كلها .. انتى كسرتى حاجة جوايا من نحيتك مش هعرف ارجعها تانى .. كان نفسى بجد تدى نفسك فرصة تقربى منى .. استنيتك كتير لحد ما صبرى نفذ .. يارا انتى اهنتينى .. جيتى على كرامتى اودام صحابك و دى حاجة بالنسبة لى خط احمر .. صدقينى مش هقدر
ابتسمت و كملت بنبرة لينة اكتر 
بس عايز اقولك انى اسف لما كملت معاكى و انا