دمي
المحتويات
لو سمحتي
نعم اتفضلي
انا عاوزه ابيع دمي
الممرضه استغربت من طلبي ووقفت مصډومة شوية وبعدين قالت لي عاوزة تبيعي دمك ليه
رديت عليها وقولت لها .. انا محتاجه فلوس ضروري عشان كده لو سمحتي ياريت بسرعة
الممرضه بصتلي بحزن وقالت لي طيب ما تشتغلي احسن
رديت عليها وقولت لها انا بشتغل بس انا محتاجه الفلوس النهارده ضروري
رديت عليها وقولت لها. ياريت متتأخريش عليا
__قالت لي بكل حب وحزن في ان واحد حاضر يا حبيبتي مش هتأخر هقول لدكتور وهاجي علي طول
الممرضه مشت وكانت حزينه جدآ وشوفت في عنيها نظره شفقه ودي اكتر حاجه بكرها في حياتي ان حد يبصلي علي اني ضعيفه او محتاجه عشان كده مستعده اعمل اي حاجه واشتغل ليل نهار بس محتاجش لحد
دكتور لو سمحت!
_خير ياساره في حاجه
في بنت عاوزه تبيع ډمها وواضح انها محتاجه فلوس ف انا بقترح عليك لو تساعدها بحاجه وانا كمان يعني ونساعدها
___حاضر ثواني
دخل فتح درج مكتبه وطلعلي مبلغ وقال لي اتفضلي اديها دول وخليها تروح ولو احتاجت حاجه اديها رقمي وخليها تكلمني وانا هساعدها
جزاك الله كل خير يادكتور ربنا يجعله في ميزان حسناتك
.٪
خدت الفلوس وكنت فرحانه اووي ان جبتلها فلوس وهساعدها روحت عندها بس اټصدمت من اللي سمعته منها بعد كده
اول ما شافتني قالت لي اتأخرتي اووي ليه مش قولت لك انا مستعجله ممكن يلا بسرعه تسحبي مني الډم عشان امشي
قولت لها خلاص يا حبيبتي مافيش داعي خدي دول وروحي ولو احتاجتي حاجه تعالي وملوش لزوم انك تبيعي دمك
طب خديهم وابقي رجعيهم بعدين
___لا بردو شكرا ليكي جدا
هتسحبي ولا امشي
تعالي معايا
بعد شويه خلصنا وقالت لي لازم ترتاحي وتشربي حاجه عشان ممكن يغمي عليكي دلوقت لان اتسحب منك ډم كتير
قالت لي طيب استنيني برا عشر دقايق هجبلك الفلوس
مشيت وانا بشد في ركبي ومش شايفه قدامي قعدت علي كرسي بس قبل ما اقعد خبطت في واحد طويل عريض وده كان الحوار بينا
الشخص مش تحاسبي يا حماره انت
_تصدق مفيش حمار غيرك بقي انا كنت لسه هعتذرلك بس طالما انت قليل ادب كده مش هعتذر
_والله محصليش الشرف ولا يحصلي اصلا لما اعرف واحد زيك وياريت تغور من قدامي بوشك اللي شبه قطر عبدين ده
الشخص هما ازاي يدخلو واحده زيك هنا مفروض البنأدمين بس اللي بتدخل
__زي انت ما دخلت بظبط
شويه وحسيت ان الرؤيه قدامي بدأت تتلاشي والاصوات حواليا بتبعد وحاسه ان انا تحت الميه
وعاوزه حد يمسك ايدي كل حاجه بتختفي قدامي تدريجيآ حسيت نفسي هقع سندت علي الحيطه اللي قدامي بس قوتي خانتني ومحستش بنفسي.
_فتحت عيني شويه شويه وانا حاسه ان دماغي ھتنفجر ببص حواليا ملاقتش حد ولاقيت الممرضه حاطه الفلوس جنبي خدتها بسرعه ومشيت وانا مش شايفه قدامي مشيت بسرعه وانا مش شايفه بس غير امي اللي بټموت وعاوزه الحقها
طلعت من المستشفي وانا بشد نفسي وقفت تاكسي ووصلت عند ماما طلعت عندها لاقيت بابا قاعد جنبها وبيعيط حطيت ايدي علي ايده وطبطبت عليه وقولت له متخافش يابابا ماما هتبقي كويسه ان شاء الله وانا جبت فلوس عشان نعملها الاشاعات اللي الدكتور طلبها مننا بصلي بلهفه وحزن وقالي جبتي فلوس جبتيهم منين
قولت له انا اتبرعت بدمي في المستشفي وخدت تمنه
بصلي بحزن شديد وبصلي بصه عجز منه وبص في الارض وقالي انا اسف يابنتي اسف ليكم كلكم اسف ان شغلي مش مكفي مصاريفك ولا حتي علاج امك انا اب فاشل يابنتي
قولت له متقولش كده يا بابا انت بتشتغل ليل نهار انت احسن اب في الدنيا وان شاء الله هتتعدل وكل حاجه هتبقي كويسه وماما هتصحي وهترجع معانا البيت فضلت اتكلم معاه واديله امل وتفاؤل
في الحياه
متابعة القراءة
