ايام الحب والعڈاب
زاد بشرتها بياضا وتوهجا
اجلسهم وقال تاليا مفيش رقص فاااهمة
انا اصلا معرفش حد هنا
تمام انا رايح اقف مع الحج اساعده
وصل العروسان علاء شديد الشبه بزين اما فيروز فهي رقيقة وجمالها ملائكي
زين كان واقف مع اخوه ماسابهوش لحظة واخده يرقصهو واصحابه وتاليا اخذت بالها ان
ام علاء زوجة الحاج عاطف واقفة جنب العروسه وبتنهرها وبتكلمها باسلوب وحش وواضح جدا انها بتزعقلها لانها بدات تبكي وتمسح دموعها بدون ماحد يلاحظ
وبسرعة تاليا قامت وقربت منهم وسمعت حماتها بتقولها مش كنتي عزمتي حد بدل ماانتي مقطوعة كدة لا ام ولااب ولا صحاب انا عارفة اتجوزك ليه دة انتي كئيبة بصي صحاب ابني وبنات اختي وصحابهم بيىقصو وهايصين وانتي عاملة زي بتوع الملاجيء
وبسرعة رجعت تاليا شدت خالتها وبنات من الشركة وقالتلهم العروسه يتيمة فين الجدعنة ياللا نرقصها
وراحوا عند الكوشة وزغردوا وتاليا حضنت فيروز المصډومة وقالتلها ياللا ياروزة ياحبيبتي احلى عروسة تعالي انتي لسة هتتصدمي
وحماتها واقفة فاتحة بوقها فتاليا اتجاهلتها
وشدت العروسه هي والبنات ورقصوها وبقت بتضحك وسعيدة واتحولت دموعها لفرح
تالياهمستلها احنا اخواتك دي ليلتك حماتك دي ماري منيب انسيها والبنات ظبطولها الميكب ورقصت مع العريس بسعادة وحماتها جلست بحوار اختها وهي هاتنفجر من الغيظ من تاليا والبنات
ادهم بص لاخته وقرب منها خاڤت منه فابتسم وهمسلها خالتك حكتلي تسلمي ياحبيبتي البنت دي بنت عم علاء يتيمة من صغرها والحج عاطف رباها وحبوا بعض هي وعلاء بس الحجة فاطمة زعلانة ومش بتحبها انتي جبرتي خاطرها
تاليا لاحول ولاقوة الابالله ربنا يرحمنا برحمته دي كانت بتعايرها باليتم تخيل
نظرت العروسة وهي ترقص مع عريسها لتاليا وابتسمت ابتسامة شكر وامتنان
كان زين يراقب الموقف وسمع كل مادار بين ادهم وتالياوابتسم وهو يتأمل تاليا
انتهى الفرح وانصرف الجميع ويوم الاحد اتجهت تاليا للشركة مع ادهم هو راح لمكتبه وهي لسة بتدخل مكتبها لقت.
لقت ام زين قاعدة في مكتبها ومش على كراسي الانتظار لأ على مكتب تاليا نفسه وحاطة رجل على رجل
اول ماشافت تاليا داخلة ابتسمت بتكبر
وتاليا استغربت من المنظر
فبصتلها وسكتت وقعدت قدام المكتب ومسكت الفون تلعب فيه بصمت
مرت 5 دقايق صمت كسرتهم الام وقالت
انتي بقى السكرتيرة الجديدة
ردت تاليا بابتسامة برود آه
اتعصبت ام زين وزعقت وانا بقى صاحبة الشركة دي ومش عاوزاكي هنا ياشاطرة
ورمتلها ظرف على الارض ودة مرتب شهر كامل هدية مني
بصت تاليا للظرف الملقى على الارض وقامت بكل برود وهدوء وبدون ماتنطق كلمة واحدة خرجت من الشركة كلها
زين كان واقف مع ادهم بيتكلمو لمحوتاليا خارجة
ادهم نده عليهاوهو بيجري عليها تاليا رايحة فين
ماردتش عليه زين رايح وراهم جاتله مكالمة ماما خير في حاجه
پبكاء اه انا بمكتبك جاية ازورك سكرتيرتك بهدلتني ومشيت يابني
قفل معاها وجري ورا تاليا لقى ادهم موقفها وبيقولها لا مش معقول بس متعيطيش طب ليه عالعموم انا كدة فهمت السبب ولايهمك كرامتك من كرامتي
زين بص لتاليا لقى وشها احمروبتحاول كبت دموعها فقال في إيه
ادهم بعصبية في ان والدتك الظاهر بترد وقفة لاختي وقفتها مع فيروز فطردتها ورمتلها فلوس عالارض بس احنا مش بنشحت يابشمهندس واعتبرني مستقيل انا لو كنت بخدمكم باخلاص عشان الحج وجمايله بس انا مش متسول ولا اختي بتشحت انا بمجهودي اشتغل قي اي مكان
وسحب اخته بدون انتظار رد وركبها العربيه ومشيوا
وزين واقف مذهول مش عارف يستوعب الي حصل رجع الشركة وحكى لوالده الموقف كله
عاطف هي أمك مش هاتبطل استفزاز في خلق الله وانا باقول هي صاحيه بدري وجايالي ليه عاملة حجة انها رايحة لعلاء وعاوزاك وهي عارفة امك بالنادي وصممت تستناك اتاريها مبيتة النية للبنت
زين بس ادهم دة ساب الشغل هو كمان
حقه اخته اتهانت واتطردت واترمى لها فلوس عالارض يابني الولاد دول معندهمش غير كرامتهم ومعتزين بيها جدا وعالعموم شوف الكاميرات عشان. منظلمش حد وانا هعرف اراضيهم لو تاليا معملتش حاجة
قاطعهم دخول زوجته وهي تبكي كدة يازين جايب واحدة تهزأ امك يرضيك ياحاج
زين لا مايرضنيش بس لو كان دة حصل فعلا
عاطف قوم يابني اعمل الي قولتلك عليه
وبص عاكف لمراته بتوعد فعيطت انت مش بتصدقني طول عمرك كدة
هو انا اتكلمت بس انا عاوزك. تهدي على بنات الناس شوية فيروز خلتيها ټعيط باجمل ايام. عمرها كل ماتنزل تشتري حاجة لجهازها لازم. تنكدي عليها وفي الفرح قاعدة انتي واختك وبناتها تبصولها بقرفةزي ماتكون عدوة اوعي تفتكري اني ماعرفتش انك قومتي بهدلتيها ودلوقتي حطيتي تاليا بدماغك انتي إيه ياشيخة
طول عمرك ظالمني
_اعمليهم عليا دو انا عاجنك
دخل زين وهمس لابوه بكلمات فنزر عاطف لزوجته قومي هاخلي السواق يروحك وتعالى معايا يازين تراضي ولاد الناس الي اتهانوا دول
الام يعني هاتنصر البت دي عليا
زين كفاية ياماما ارجوكي ااتفضلي وسبلينا تشوف شغلنا الي اتعطل
انصرفت الام پغضب وهي تتوعد لتاليا
بقلم مرفت السيد
عند ادهم الي اصطحب اخته لنزهةعشان يراضيها
وهما بياكلوا ايس كريم سألته تاليا انا اسفة ياادهم ضيعتلك شغلك وباظت سفريتك بسببي
ادهم بحدة شوفي بقى اوعي تعتذري بحياتك ليا على اي حاجة تعمليها لو ليكي حق هاجيبهولك لو عندك حق انا اتعامل وكرامتك. دايما محفوظة يغور شغلي واي حاجة مقابل دموعك
احتضنته بحب وقاطعهم رنين التليفون بالحاح
فقال دة الحاج انا هارد بس عشان العشرة بس قراري مش هاغيره
تاليا رد بس عليه شوف عاوز ايه
رد ادهم الو
عاطف انت فين
ادهم ليه
_مش عاوز كتر كلام انت واختك في البيت ولا فين
لا ياحاج بنتفسح
_والله فين يارايق
ياحاج انا.
_كلمتين مفيش غيرهم انتو فين ياولد
ادهم قاله على المكان
_طيب متتحركوش احنا بالطريق
زين مش برضه كنت خليته ييجيلك. مكتبك يعتي انت الحاج. عاطف الي كلمته على اتخن تخين تروح لحتة مهندس تراضيه
اهو دة عيبك يازين حتة المهندس دة ابني زيك كدة واتعلم بحياتك مايقلش منك ابدا تراضي انسان وتحبر بخاطره ربنا كرمنا بلاش طبقية
وصلو عند ادهم. تاليا ونزلو وقعدو معاهم الحج عاطف قال ياست البنات انتي بنتي والي حصل دة انابعتذرلك و هجيبلك حقك من الحاجه
ادهم العفو ياحاج
انت تخرس بدل ماتجيب اختك وتجيلي تقوم تمشي امال قين بقى ابويا ومربيني
_ياحاج انت عارف الا كرامتنا ولو كنت جيتلك ياعالم الحاجة كانت قالت ولاعملت ايه ومكنتش هاتكلم بس كان الموضوع هايكبر
زين انا كمان اسف ياتاليا انتي انسانة محترمه ويكفي انك. ماردتيش عليها
تاليا حصل خير
الحج خد اختك وعلى الشركة
ادهم بس يا
زين إيه هاترجع ابوك بكلمته
ادهم امرك ياحاج بس عاوزك بكلمتين الاول
عاطف تعالى معايا
واخده على جنب ياحاج بعد الي ىشوفته من الحاجة دي تبقى حما صعبةوانا معنديش غير تاليا واخاڤ عليها
_عيب ياادهم لما اموت تبقى تقول كدة
بعد الشړ عنك ياحاج
_ حقك تخاف بس زين راجل مش بيسمح لامه تتحكم فيه والكلام دة سابق لاوانه ولا قولك إيه
هاقول إيه بس الله المستعان
وانطلق اربعتهم للشركة
اليوم. كان كالمعتاد تاليا بدأت تتقن شغلها وادهم. مشغول بالترتيب لسفره مع الحج الي قرر يسافر مع ادهم بعد يومين وزين هايكون مسئول مكان الحاج بفترة سفره
ومر اليومان
