بداية غير سعيدة
المحتويات
يحبيبي تيتة
شاورت علي سهير وقالت ودي أختي بس تقولها يتيتة سهير
زين هز راسه وقال حاضر يتيتة
زينة بإبتسامة يلا يحبيبي تعالي أوريك أوضتك
قرب زين من زينة ومسك إيديها وطلع معاها وعيسي طلع وراهم ونقولو أوضة سوا
عيسي واقف ورا زينة وحاطت إيده فجيبه زينة قالت عيسي هو محتاج هدوم..
عيسي بهدوء عارف و عملت حساب حاجة زي كدة و هننزل نجبلو هدوم بكرة أنا و إنتي
زين مسك إيديها وقال أنا بخاف أنام في الضلمة ممكن متطفيش النور
نزلت لمستواه وقالت من عيوني تصبح علي خير
باسها بوسة سريعة من خدها وقال و إنتي من أهل الخير
طلعت زينة مع عيسي وقفلو الباب
صباح تاني يوم في المول
زين بتذمر مش بحب الألوان الفاتحة يا زينة
زينة بضحكة خفيفة علي منظرو خلاص يقلب زينة هنشوف غيرو
عيسي نزل لمستوي زين وقال بهمس بقولك إيه ما تسيبك منها وأنقيلك أنا الهدوم بما إننا رجالة زي بعض
زين حط صوباعة علي راسه بتفكير وبعدها قال بإبتسامة واسعه موافق
زينة بتريقة هنقيلو أنا الهدوم نينينينيني نقيلو يخويا
عيسي بدأ ينقي كام تيشيرت وبيعجبو زين جدا وزينة بصالهم بإبتسامة وبتقول بهمس حلم ونفسي يتحقق يعيسي
جابو تيشيرتات لزين وطلعو من المحل
عيسي ميل علي ودن زينة وقال محتاجة هدوم
زينة بهدوء مش عاوزه
مسك عيسي إيديها و إتجه لمحل هدوم حريمي وقال و أنا عاوز أجبلك
دخل بيها المحل ونقي كام فستان واسعين ومحترمين وشكلهم رقيق وجابلها هيلزات كتير
زينة بإرهاق وهي في العربية يختااايي كل دا ليه بس
عيسي بإبتسامة علشان محرمكيش من حاجة
كانت بتهوي علي وشها بإيديها ولما سمعتو بيقول كدة وقفت إيديها في الهوا وبصتلو پصدمة لاقت فعيونو نظرة حزن وحب
قالت بتوتر ي..يلا ن..نروح
إتنهد وشغل العربية ومشي
بعد مرور إسبوع
رامي بهدوء هناخد و ندي في الكلام ولا أقوم ألبس وشك في أي حاجة
رامي رجع ضهره بأريحيه وقال عظيم يبقا نتكلم بص بقا اللي هيحصل كالآتي .....
رامي رجع ضهره لورا بإريحيه وقال عظيم يبقا نتكلم بص بقا اللي هيحصل كالآتي إنت هتاخد فلوس مني وتخلع من الجوازة دي
منصور يباشا إزاي بعد ما جبنا الدهب و أنا بحبها
رامي بعصبية متقولش بحبها تقي مش هتكون غير ليا و إنت هتاخد ضعف اللي جبتو في الدهب بتاعك دا وتمشي وتختفي خالص من حياتها بس قبل ما تختفي تروح وتقولهم إنك مش عايز تتجوزها
منصور بحزن ليه طب
رامي ببرود علشان تقي ليا لوحدي هاا هتعمل دا ولا أتصرف تصرف مش هيعجبك!
منصور پخوف حاضر حاضر هعمل دا
في ڤيلا عيسي
زينة بهدوء مرات عمي إتعافت يعيسي
عيسي بإبتسامة أيوا الحمدلله إن ربنا شفاها علي خير و إتعافت تماما
زينة بهدوء يبقا طلقني
عيسي بحزن برضوا مصممة علي الطلاق يزينة
دموعها نزلت ومردتش عليه قرب منها وقعد جمبها وقال قوليلي ليه عاوزه تطلقي و إنتي باين إنك بتحبيني يبقا عايزة تطلقي ليه
زينة بدموع معتش قادرة أتحمل ۏجع تاني كفاية كدة
عيسي مسك إيديها بين إيديه وقال ۏجع إيه طب فهميني أرجوكي متسيبنيش كدة أنا مش عايز أبعد عنك ليه مصممة تعيشيني فۏجع!
زينة بعياط من ساعة ما جتت علي حياتكم و إنت ومرات عمي بتتأذو بسببي وائل إتأذيت بسببي نادر مۏت عمتو وكان ھيموتنا كلنا عماد وكان عايز ېتهجم عليا أرجوك طلقني مش هستحمل فراق حد منكم كفاية أبويا و أمي
شدها لحضنو وقال ينورعيني والله ما حد يقدر يقربلك وخلاص مبقاش فيه مشاكل تاني بلاش تبعدي عني يزينة بعدك عني مۏت
مسحت دموعها في القميص بتاعو وقالت ما إنت مكونتش بتحبني
عيسي باس راسها وقال مكونتش بحبك أه بس دلوقتي مش متخيل حياتي من غيرك! من بدريي أويي من قبل ما تكوني مراتي رسمي و أنا بحبك يزينة
بعدها عنو ومسك إيديها وقال سيبك من فكرة الأذي إنتي كزينة عايزة تطلقي مني
بصت في عيونه وقالت بتلقائية أطلق منك ليه و أنا مش متخيلة حياتي من دونك
عيسي بإبتسامة واسعة بتحبيني
فاقت عن اللي قالتو وبصت لتحت ومردتش عليه رفع راسها بإيديه وقال مفيش هروب تاني وقوليلي بتحبيني
زينة بعيون دامعة أكتر من بحبك يعيسي
حضنها عيسي جامد وقال وعيسي مش هيسيبك لحظة أصلا
بعدها عن حضنو وقال أنا جبت أخري بقا
زينة بعدم فهم علي إيه
قام وقف و زقها من كتفها بهدوء ونيمها علي السرير وقال وهو بيفك أزرار القميص علي إن عايزك
قرب منها و.... أصبحت زينة زوجة عيسي شرعا وقانونا
صباح تاني يوم
صحي عيسي من النوم علي حاجة دافية نازلة علي صدرو بص علي زينة لقا راسها علي صدرو وحاضناه جامد وبتعيط
رفع وشها وقال بقلق مالك يحبيبتي فيكي إيه إنتي كويسة!
زينة عيطت أكتر ومردتش قام إتعدل وقال مالك يزينة فيه حاجة وجعاكي طيب
إتعدلت وشدت الملاية عليها أكتر وهزت راسها ب لأ
أخد نفس عميق وقال قوليلي فيه إيه طب أنا قايم من النوم علي عياطك!
زينة بعياط م..مكونتش عايزاك تقربلي
عيسي بصلها پصدمة وقال نعم يختي! كل العياط والشحتفة دي بسبب إنك مكونتيش عايزاني أقربلك!
زينة هزت راسها وهي بتمسح دموعها
ضړب علي
وشه وقال ليييهه هاا مش معترفين لبعض بحبنا وأنا واحد يستي بيعترف لمراتو بحبو ليها كدة إنتي إيه ضايقك بقا
زينة بدموع كنت عايزه أتعبك شوية وأخليك تلف حوالين نفسك علشان تحرم تزعلني تاني بس اللي حصل العكس زي ما بيقولو إتقلب السحر علي الساحر
عيسي پصدمة كل دا! دا إنتي ولية مفترية حقيقي
ضمت رجليها وقالت أعمل إيه أنا دلوقتي خطتي كلها باظت بسببك
كان مازال مصډوم بس فاجأة ضحك جامد لدرجة إن عينو دمعت
بصتله بغيظ وقالت إنت بتضحك علي إيه
عيسي بضحك علي خطتك اللي باظت
بصتله بغيظ وبصت قدامها وسكتت
شدها لحضنو وقال بما إنها باظت فإحنا نخليها تبوظ أكتر وأكتر
كانت لسه هتتكلم قطع كلامها وباسها و...
في بيت تقي
الأب يعني إيه عايز تفشكل الخطوبة!
منصور ببرود محصلش نصيب بينا عادي
الأب طب أقعد معاها جايز تصلحو اللي مابينكو ولا حاجة
منصور قال بهدوء أنا قولت اللي عندي وبعد إذنك يعمي عايز شبكتي
طلعت تقي من جوا وحطت الحاجة في إيد أبوها وقالت المركب اللي تودي الحياه مبتقفش علي حد وخصوصا اللي عاملين نفسهم رجالة وهما مش رجالة
الأب بزعيق تقيي علي أوضتك جوا ومتطلعيش
تقي بصت لمنصور من فوق لتحت بقرف ودخلت الأوضة
منصور بص علي أثرها بحزن وقام وقف وقال عن إذنك يا حاج
أبو تقي إدالو الحاجة وقال إذنك معاك يبني
منصور أخد الحاجة ونزل ورن علي رامي اللي كان واقف علي أول الشارع وشايفو وقال كل حاجة تمام أديني سيبتها فين بقا الفلوس!
رامي تعالي علي أول الشارع خد الشيك
منصور قفل مع رامي ومشي لحد أول الشارع
متابعة القراءة
