اسكريبت روحي بقلم روان كامل
حجة!
.. بعد سنة
الحقيني يا حماتي! أنا مش عارف أرقص مع مراتي ولا حتى أقعد جنبها!!
ضحكت عليا وهي بتقول
والله يا بني أنا لو أتدخلت هيلغي الفرح كله
قولت بإستنكار
هو أنا أتجوزتها عشان هو إلل يرقص معاها!!
مدت إيدها جنبها وجابت إزازة بيبسي ومدتلي إيدها بيها وهي بتقول
روق على نفسك يا حبيبي تعالى أقعد تعالى
يعني العرسان كلها بتقعد جنب عروساتهم في الكوشة وأنا أقعد جنب حماتي!
مالها حماتك يا قلبي!
قالتها وهي بتضحك عليا بردو
ولا حاجة يا ست الكل والله مش قصدي والله بس يعني أرقص معاها حتى!
بص يا مصطفى يا حبيبي أنا زي والدتك الله يرحمها وخاېفة عليك يزن أبني غبي ولو روحتله دلوقتي مش بعيد ياخد أخته ويروح أصلا ويقول بلا جواز بلا بتاع وهيقعدها جنبه لغايت ما أسنانها تقع وشعرها يخف فنصيحتي ليك ساريه في غبائه
يا بني هو مش أنت وأنت بتتقدم قولتلك أن يزن بيغير على روح أوي ومعتبرها بنته وصحبته ومراته مش أخته وبس!
اه قولتيلي بس بردو يا حماتي أنا بحب روح وفضلت وأستنيت سنين لغايت ما أجهز نفسي ومنعت نفسي سنين وسنين من إني أكلمها غير
برابط شرعي وأخيرا بقت على أسمي أي نعم مش عارف أرقص معاها أو أقعد جنبها بس لأجلها هي وبس هستنى وهصبر وإلل خلاني أستنى كل السنين إلل فاتت قادر يخليني أصبر كام ساعة كمان
ود السبب إلل خلانا نوافق أننا نديك بنتنا يا مصطفى
قالتها وقامت وقربت من يزن وروح وأخدت إيد يزن بعد ما قالتله حاجة في ودنه ووهي ماشية بصتلي وغمزت قولت بضحك
ما يجبها إلا ستاتها
وقربت بسرعة من روح وأنا بحط إيدها في أيدي ومبتسم جامد
على فكرة القمر غيران
بصتلي من بإستغراب
من جمال حبيبي!
بصت في الأرض بحرج وأنا مكمل كلامي
تعرفي إني كنت بسهر معاه قبل ما نتخطب وبنفضل نتكلم
طب ودلوقتي
تؤ دلوقتي تفرق! أكلمه ليه وأنا البنت إلل كنت بكلمه عنها معايا!
إبتسمت وبعدها بصتلي وهي بتقول بتقطع
على فكرة.. أنا.. إحم... أنا يعني
وبصت للأرض من تاني وهي بتلعب في صوابعها رفعت راسها وبصيت في عنيها بإبتسامة
قالت بإبتسامة وشجاعة بعد ما أخدت نفس عميق
أنا كنت معجبة بيك
كنت!
هزت راسها بأيوا فقولت من تاني
طب ودلوقتي!
قالت وهي بتقلدني من شوية
تؤ دلوقتي تفرق! دلوقتي أنا بحبك!
بصلها بفرحة ورفعها لفوق ولف بيها في المكان ونزلها وهو حاضنها وقال وهو حاطت راسه على كتفها
وأنا بمۏت فيكي..
إسكريبت روحي
.. البارت الثاني والأخير
أولا أنا آسفة على التأخير وآسفة لو البارت مش قد كدا بس والله كتبته بالعافية أصلا
ثانيا البارت الأول كان فيه جملة ليزن حابة أوضحها بس مصطفى! إيه الإسم المقرف د! ملقتيش غير د! في كام شخص قالي إني مينفعش
أقول كدا على إسم مصطفى لأنه إسم حبيبنا المصطفى فحبيت بس أوضح أنه أكيد أنا مكانش قصدي كدا نهائي وأنا كتبت الجملة على أساس الغيرة والشخص لما بيكون غيران بيقول كلام لا يحتسب عليه زي لما نتعصب ونشتم حد إسمه محمد مثلا هي هي!
المهم يعني أنا مكنش قصدي كدا نهائي وبعتذر عن الخطأ د
