نوفيلا جعلتني اقوي
المحتويات
رجالة عماد كان معاه بنتين واتفضلت نسمه واقفه وباصه لعماد !!
عماد سالها باستغراب هيا واقفه ليه ونسمه ردت عليه وقالت كل واحد كان ماسك بنتين وفضلت انا لوحدي هسمك في ايد مين!
عماد بصلها باستغراب وقال تمسكي في ايد مين
نسمه هزت راسها وقالت ايوا
عماد بص ليونس وودعه وقرب منها ومسك ايديها وقال امسكي في ايدي انا!!
كل البنات ركبت العربيات ومعاهم رجالة من فريق عماد لحمايتهم واتفضلت عربيه عماد وفضل هو باصص لنسمه بعدما كل العربيات اتحركت فقال انتي شكلك كدا هتركبي معايا يلا !! وبتبص عليه وساكته
خرج عماد وهو مصډوم من صمتها وقال مركبتيش ليه يا انسه
عماد بصلها باستغراب من كلامها وهز راسه ليها وهو مبتسم وقرب من الباب بتاع العربيه وفتحه وقال اقعدي هنا!! قال كلامه وهو بيشاور علي الكرسي وهيا ابتسمت وهزت راسها وركبت!!
عماد قفل الباب عليها وركب هوا جمبها وساق العربيه واتحركوا
عبير كان رايحه جايه في الاوضه بقلق وهيا بتقول انا عايزه اطمن علي البنات يا مراد اتصل باي واحد منهم وطمني!!
مراد هز راسه وفتح تيلفونه واتصل بعماد واستناه يرد وعماد وقتها كان سايق ففتح عليه المكالمه وكان الصوت متوصل بسماعه العربيه فكان الصوت عالي!
عماد ايوا يا مراد انت سامعني
عماد هز راسه وقال قولها البنات بخير وقبضنا علي منصور واللي معاه!
عبير كانت سامعه كلام عماد فمسكت التيلفون من مراد وقالت بجد يا عماد باشا والله فرحت قلبي دول شويه مجرمين ويستحقوا القټل مش الحبس !!
نسمه كانت سامعه كل الكلام اللي بين عماد واللي بيكلموه بس لما سمعت اسم عبير وصوتها اتكلمت وهيا بتقول هي دي عبير اختي اللي كانت في الملجأ صح!!
نسمه قالت بفرحه احنا كلنا بخير يا عبير بس مش انا قولتلك ان قلبي مش مطمني وكنت حاسه ان الجوازه دي هتبوظ!!
عبير ضمت حاجبها بحزن وقالت الحمدلله انكوا بخير دلوقت ودا اصلا مكنش جواز دا ڼصب واحتيال وتجاره بس الاهم دلوقت انكم بخير والحكومه قدرت تنقذكوا قبل ما يحصل فيكم اي حاجه وحشه!!
عماد اټصدم من كلامها عليه لانه هو الظابط اللي قبض علي منصور نسمت كملت كلامها وقالت حلو اوي !!
عماد اټصدم من كلامها تاني واستغرب ازاي بتقول كده بدون اي خجل فلف وشه بعيد عنها لانها كانت بتبصله وعبير اول ماسمعت كلامها ضحكت وهيا بتقول هو انتي جمبه صح!!
نسمه هزت راسها وقالت ايوا انا موجوده معاه في العربيه ورايحين الدار تاني لان هو وفريقه هيحمونا احنا والاطفال!!
عبير ابتسمت وقالت خلاص مدام الظابط عماد وفريقه معاكوا يبق انتو في آمان!!
نسمه بصت لعماد بابتسامه وقالت اسوا مش انا بقولك جامد!!
عبير هيا ومراد فضلوا يضحكوا علي كلامها وكان صوتهم واضح وعماد كان وشه بيحمر من كلامها عليه وفهم انها تلقائيه ومبتعوفش تزوق الكلام فقفل المكالمه وهو بيقول وهو باصص في الطريق!
زمانهم مشغولين وبعدين احنا وصلنا!!
نسمه هزت راسها ليه وبعد وقت صغير وقف عماد قدام الدار ورجالته فتحوله البوابه وبعدها دخل بالعربيه ونزل نسمه الاول وبعدها قفل العربيه ودخلوا كلهم للمبني وفريقه كانوا واقفين في الحوش مستنينه يرجع علشان يعطيهم الاوامر!!
وفي بيت جدة يونس كانت روح صحيت وهيا حزينه لانها مش هتشوف يونس لحدما المهمه دي تخلص فقالت بحزن انا عايزه اسمع صوتك بس يا يونس انتي وحشتني اوي !!
طلعت روح من اوضتها ونزلت تحت ولقت ان ماجده بتحضر الفطار هيا ومامتها فابتسمت ليهم وهيا بتقرب من ماجده وبتقول بخجل هو ممكن تتصلي بيونس عاوزه اقوله حاجه!!
ماجده بصت لروح وغمزت ليها وقالت قوليلي وانا اقولهاله!!
روح رفعت عينيها برفض وقالت لا دي حاجه خاصه ولازم انا اللي اقولها ليونس بنفسي!
ماجده ابتسمت وهيا بطلع تيلفونها وبطلع رقم يونس واتصلت عليه واستنت لما يونس رد عليها فقالت بصوت واضح ايوا يا حبيبي انت مشغول ولا ايه!!
يونس رد عليها بايوا وهيا بصت لروح وقالت طيب هيا روح كانت عايزه تكلمك وتقولك علي حاجه فمش عارفه عندك وقت تكلمها ولا ايه
يونس ابتسم اول ماسمع كلام جدته فهز راسه وقال اديهالي يا نانا!
ماجده ابتسمت وهيا بتمد ايديها بالتلفون وبتقول
اتفضلي يا روح يونس علي التيلفون!!
روح هزت راسها واخدت منها التيلفون وخرجت من المطبخ وطلعت لاوضته وهيا بتخري واول مدخلت قفلت الباب وهيا بتاخد نفسها وبعدها حطت التيلفون علي ودنها وقالت يونس!
يونس كان بيسمع صوت انفاسها واول ماسمعها نطقت اسمه انتبه لصوتها ورد عليها وقال ايوا يا روح!
روح بلعت ريقها وهيا بتقول بخجل هو انت هتيجي امتي !هتتاخر اوي
يونس ابتسم علي كلامها وقال مش عارف يا روح يعني مش اقل من شهرين تلاته كده !
روح قالت پصدمه دا كتير اوي انت قولت كام يوم بس وهترجه !!
يونس ابتسم ورد عليها بجديه! القضيه شكلها صعبه اوي يا روح ومحتاجه وقت وانا زي مقولتلك بحب اكون لوحدي علشان اقدر اركز!!
روح عيونها دمعت وهيا بتقول بس كتير اوي شهرين ثلاثه دول !
يونس هز راسه وهوا بيبص للتيلفون وبيقول طيب هو انتي كنتي عاوزه تقوليلي حاجه خاصه صحيح هيا ايه بق!!
يونس انتبه لصوتها المره دي اوي واستناها تتكلم لحدما روح قالت البيت فاضي وكده بس حبيت اقولك ليك وحشه !
يونس ضم حاجه وهو بيقول ليا وحشه يعني ايه الكلمه دي ياروح مش فاهم!!
روح باستغراب بجد والله يعني مش فاهم يعني ايه ليك وحشه!
يونس رد عليها وقال لا مش فاهم ممكن تشرحيهالي بسرعه بس علشان انا مشغول!!
روح ضمت حاجبها وقالت يعني وحشتيني يا يونس فهمت كدا !!! يلا بق مع السلامه!!
قالت كلامها وقفلت المكالمه وهو كان مبتسم لما سمع كلامها بص اټصدم لما لقاها قفلت المكالمه فبص للتيلفون وقال بابتسامه يا مجنونه !
روح مسكت التيلفون ونزلت وهيا لسا ضامه حاجبها وادته لماجده وهي بتقول انا هخرج اشم شويه هوا برا !
ماجده هزت راسها وقالت ماشي بس متروحيش بعيد!
روح هزت راسها وقربت من مامتها وقالت ابويا رن عليكي وانا كسرت التيلفون وارجوكي متحاوليش تفكري في تاني!
نادره بصت لروح پصدمه وروح قالت علشان خاطري انسيه
نادره بصت لماجده وهيا مش مستوعبه الكلام اللي روح قالته !!
روح سايتهم وخرجت وماجده بصت لنادره وهيا بتقول انا شايفه ان روح عندها حق يعني كفايه اوي اللي عمله فيكوا!
نادره هزت راسها ورجعت تجهز معاها الاكل وهما بيتكلموا وبيتسلوا!!
وعند روح كانت مشيت شويه من قدام بيت ماجده وفضلت تبص علي بقيت الڤيلل الي قدامها وهيا بتدقق في تفاصيلها وعاجبها اوي وفجاه ظهر اشخاص مقنعين راكبين عربيه قربوا من روح واخدوها في عربيتهم وروح كانت لسا هتصرخ ولاكن واحد منهم رش في وشها مخدر اغمي عليها!!!
يتبع بقلمي شيماء صبحي
الفصل السابع عشر
نوڤيلا جعلتني أقوي
بقلم شيماء صبحي
الساعه ١٢ منتصف الليل !!
بداخل بيت جدة يونس كانت واقفه نادرة وجمبها ماجده وهما حاطين إيديهم علي قلبهم من الخۏف لان روح لحد دلوقت لسا مرجعنش نادره بصت للست ماجده بعيون وارمه وقالت بنتي راحت فين يا ست ماجده اتصلي بحضرت الظابط تاني يمكن عرف حاجه عنها
ماجده طلعت تيلفونها بإيد بترتعش واتصلت علي يونس وهيا مستنيه رده بفارغ الصبر!!
اشتغل فيديو لروح وهيا ماشيه وكان واضح انها بټعيط يونس كان بيتفرج عليها وهو ضاغط علي ايديه من الڠضب واول مشاف العربيه السودا اللي قربت عليها واخدوها يونس وقف الفيديو علي رقم العربيه بص لرأفت وقال اكتب النمره دي يا رأفت بسرعه!
رأفت هز راسه وكتب رقم العربيه وبص ليونس وقال خلاص كده يا يونس باشا انا هاخد النمره بتاعت العربيه وهروح اشوفها بتاعة مين وهبلغ حضرتك
يونس هز راسه وخرج هو ورافت من الفيلا اللي كاميراتها صورت اللي حصل!
رأفت اتحرك بعربيته ويونس فضل واقف في نفس المكان اللي روح كانت واقفه فيه وبيفتكر المكالمه اللي جاتله من ثلاث سعات من جدته وكانت بټعيط وتقول ان روح مختفيه ومرجعتش البيت !!
يونس اټجنن اول ماسمع كلامها وقام بسرعه من علي مكتبه ومسك مفاتيح عربيته وخرج بره يدور عليها لحدما وصلوا للفيلا دي بعد لف كثير في الحي دا وكل الاماكن القريبه منه!!
يونس لقي اتصال من جدته رد عليها وهو بيتماسك اعصابه وبيقول خير يا نانا!
ماجده بعياط عملت ايه يا حبيبي طمني !
يونس اخد نفس طويل ورد عليها بهدوء لسا يا نانا موصلناش لمكانها لانها مخطوفه!!
ماجده شهقت پصدمه ويونس اتكلم وقال متعرفيش مامتها حاجه وقوليلها اننا لسا بندور علشان ميحصلهاش حاجه!
ماجده هزت راسها وهمست والله دانا اللي هيحصلي حاجة مش هيا !
يونس قفل المكالمه مع جدته وركب عربيته وقبل ما يتحرك اتبعتله ماسدچ من رأفت بمعلومات عن صاحب العربيه وعنوانه!!
يونس اتحرك بالعربيه بتاعته وفي طريقة لمكان صاحب العربيه!!!
بداخل دار الامل لرعاية الايتام!
وبالتحديد في عنبر البنات الكبيرة كانت نسمه قاعده وهيا زهقانه وبتقول بما اننا متأمنين يبق نخرج نشم هوا بق
اصحابها بصولها باستغراب وقالوا الوقت اتاخر هوا ايه اللي انتي عايزه تشميه دا يانسمه نامي يا اختي احسن
نسمه رفست الغطاء وهيا بتقول برفض لا انا عايزه اشم هوا انا خارجه
البنات تجاهلوها وناموا وهيا فتحت باب العنبر وخرجت منه !!
فضلت تتمشي شويه لحدما وقفت عند شباك كبير بيطل علي الحوش بتاعة الدار !
كان واقف عماد هو وواحد من رجالته وبيشربوا شاي وبيتكلموا!
نسمه فضلت باصه عليهم ولفت نظرها عماد واللي كان ليه عضلات كبيره وعروق دراعه باينة وشكلهم يجنن !!
عماد كان بيضحك هوا والراجل اللي معاه وبيسلموا علي بعض وللحظة عماد لف
بجسمه و عينيه جت في عين نسمه اللي واقفه تبص عليه!
نسمه جريت بعيد عن الشباك بخضه لما عينيها جت في عينه وحست بقلبها بيدق جامد حطت ايديها علي قلبها وهي بتقول باستغراب معقول قلبي دق علشان الظابط دا
قالت كلامها وهيا بتقرب من الشباك تاني تبص عليه والغريب انه مكانش موجود كان الراجل اللي معاه هو اللي واقف بس وعماد مختفي!!
نسمه رفعت حاجبها باستغراب وهيا بتقول بهمس هيكون راح فين الظابط دا!!
نسمه قالت
متابعة القراءة
