بقلم هاجر عمر

 .. بصي عايزاكى تدوخيه عايزاه يدوخ كدا السبع دوخات .. و انتى بتكلميه ارفعى مناخيرك كدا فوق و..
بصتلها باستغراب انتى بتعملى ايه!
.... نزلت ايدها بسرعة برفع مناخيرى فوق
.. رفعت ايدها للسما الصبر من عندك يا رب
.... ايه يا بنتى مش انتى ال قولتى ارفعى مناخيرك لفوق!
.. برقتلها تقومى ترفعيها بصابعك!
.... رجعت بجسمها لورا پخوف امال ارفعها برجلى !
.. قربت عليها و هى مبرقة ووشها احمر
.... انتى مالك مبرقة كدا ليه !
.. فضلت تقرب منها و هى قاعدة ع السرير لحد ما وشهم بقى قصاد بعض
.... مدت ايدها و حطت صباعها على مناخيرها پخوف تبعدها .. ابعدى كدا شوية

.. ضغطت على سنانها نفسى افهم دماغك دى فيها ايييييه!
..... خبطت جبهتها بايدها اااااااه انتى قصدك ارفعها كدا
.. مسكت شنطتها من ع السرير بعصبية تصدقى انا ال متربتش عشان بنصح بنى ادمة بزلومة فيل زيك
سابتها و خرجت من الاوضة
.... رفعت ايدها لطفى استنى يا لطفيييييي شوحت بايدها مشيت 
هرشت ف شعرها و كرمشت مناخيرها هى مالها متعصبة كدا ليه ! 
يلا مش مشكلة اما اقوم اشوف قرة عينى ال واحشنى
قامت فتحت دولابها و وقفت قدام الهدوم و حاطه صابع ف بوقها و ايد ف وسطها 
... امممم البس الدريس البينك و لا الازرق مسكت فستان موڤ هو بيحب اللون الموڤ .. خلصانة هلبس دا
لبست الدريس و عليه طرحة اوف وايت و خرجت على شغلها 
.. ماسكة الورق تقلب فيه باهمال ايه قلة الادب دى بيلبسو الحاجات دى ازاى
.... دخل بهيبته و هو لابس قميص ابيض و بنطلون بيچ و نضارة الشمس صباح الخير
.. الورق وقع من ايدها ووقفت بسرعة صباح النور يا فندم
سابها ودخل على مكتبه 
.... قعدت مكانها و سندت خدها على ايدها و هى بتبص للباب بهيام هيييييح قمر عليا الطلاج انا قرة عينى قمر
الفون رن على المكتب رفعت السماعة و هى على وضعها بنبرة كلها هيام الوو
.. بعد السماعة عن ودنه و بصلها باستغراب .. رجع حطها على ودنه تانى انسة هاجر جيبيلى التصاميم بتاعة الكوليكشن الاخير على مكتبى حالا
.... اتخضت ووقعت من ع الكرسى و رجعت مسكت السماعة بسرعة مستر جاسر ثوانى و تكون على مكتبك يا فندم
قفلت السماعة و اتنهدت براحة يا لهوى كنت هتقفش 
خدت التصاميم و دخلتهاله اتفضل يا مستر
.. بص للورق ال على المكتب تمام اتفضلى انتى
.... وقفت مكانها تبصله بهيام قمر يا اخواتى ف حد حلو كدا و هو بيشتغل ما تيجى يلا اتجوزك و ابروزك جنبى ف البيت يا حلاوة انت يا كيكة كانو بيأكلوك ايه و انت صغير قشطة يا قشطة انت رز بلبن يا ولاه هييييح
.. رفع راسه من ع الورق لما لقاها مش بتتحرك ف حاجة يا انسة
.... بابتسامة من الودن للودن و هى مميلة راسها عايزة رز بلبن
.. رفع حاجبه افندم
.... اتعدلت ف وقفتها بسرعة احم آآآ قصدى حضرتك رز بلبن
رفعت ايدها تنفى الكلام لالالا مش قصدى انا اقصد هأكلك رز بلبن قصدى انا نفسي ف رز بلبن 
اتنهدت براحة
.. بصلها باستغراب اتفضلى يا انسة على مكتبك خلصى باقى التصميم
.... بصت حواليها و رجعت بصتله مكتبى!
فتحت بوقها و رمشت بعنيها شوية التصاميم اه صح مكتبى عن اذنك فين مكتبى 
بصتله و ضحكت ببلاهةمكتبى برة صحيح 
شاورت ناحية الباب انا خارجة 
رجعت بضهرها خطوة انا هخرج 
فضلت ترجع بضهرها و تضحك ضحكة بلهاء هخلص

التصاميم 
وصلت للباب و بتلف عشان تخرج راسها