حكاية توامي بقلم إيمان شلبي
المحتويات
زيك
قال كلامه ومشي من قدامي وانا واقفه ببص لآثره بشرود وذهول!
وسام ا
قاطعتها وانا باخد شنطتي
انا لازم امشي حالا
وسام استني وسااام
ورده وهي بتبص قدامها بشرود
ياتري اللي قاله الشاب ده حقيقه ولا كڈب!
صفاء بعصبيه
ايه الجنان ده انتي مصدقه الواد المچنون ده
وسام صاحبتنا من زمان واحنا عارفين انها مستحيل تعمل حاجه زي كده
ايوه بس المشكله ان كان في دليل
ردت صفاء بضيق
بقولك ايه يلا نمشي
يلا
وصلت البيت في وقت قياسي
كنت بجري طول الطريق
بحاول اهرب من اصحابي ونظراتهم
ومن الشاب ونظره
الحزن والكسره اللي في عيونه
ومن ضعفي وقله حيلتي!
كنت عارفه ومتأكده أن ريماس اختي التوأم هي اللي عملت كل ده
صحيح انا مش اول مره اشوف الشاب
انا كنت بكذب عليه وعلي اصحابي
الحاجه الوحيده اللي كنت صادقه فيها اني متكلمتش معاه
لكن الأكيد أن ريماس هي اللي عملت كده
رنيت الجرس وثواني وماما فتحت الباب
حمد لله علي السلامه ياحبيبتي
رديت بهدوء
الله يسلمك ياماما
ردت بقلق
مالك ياوسام وشك اصفر زي اللمونه كده ليه
م مفيش ياحبيبي تعبانه بس شويه
لا لا مش قادره انا هنام شويه ولما اصحي هاكل
ماشي حبيبتي ادخلي ريحي شويه
هي ريماس جوا
ردت بأبتسامه حزينه
هتروح فين يعني يابنتي هي بتعرف تتحرك حتي!
بصيتلها بحزن واخدت نفس عميق وروحت نحيه الاوضه
دخلت لقيتها قاعده علي السرير كالعاده وبتبص قدامها بشرود
فاقت من شرودها وردت بلهفه غريبه
وسام انتي جيتي
هزيت راسي بابتسامه باهته
اه
مالك ياوسام انتي كويسه
بصيتلها بعتاب
ليه ياريماس عملتي كده
ردت باستغراب
عملت ايه
قربت منها وقعدت علي طرف السرير
ليه كلمتي حسن من الاكونت بتاعي علي اساس انك انا
غمضت عيونها جامد وحطت ايديها علي وشها من غير ما تنطق حرف!
ردت بعياط وحرقه وهي بتبصلي
عشان بحبه
ع عشان كنت بتمناه من ربنا من زمان اوي
تقومي تكذبي عليه وتكلميه علي اساس انك واحده تانيه !
ايوه ع عشان لو عرف حقيقه اني مشلوله هيبعد عني
وعملتيله بلوك ليه
انتي اصلا عرفتي كل ده منين
من حسن
ردت بذهول
ه هو شافك
حكيتلها كل اللي حصل وهي قاعده بتبصلي پصدمه ودموعها كل مره بتزيد
حب شخصيه مزيفه يا ريماس
حسن حب مجرد صور
ردت بلهفه
بس انا ا انا اللي كنت بتكلم ه هو حب شخصيتي و و
متعشميش نفسك هو مقتنع أن اللي كانت بتكلمه هي انا مش انتي
انا وانتي واحد احنا نسخه من بعض!
طب ليه متعرفهوش الحقيقه
ليه عملتي بلوك وبعدتي عنه فجأه
عشان خۏفت
خۏفتي من ايه
خۏفت لما يعرف يسيبني
طب مانتي سيبتيه!
بكرامتي
مكنتش هقدر استحمل اني اسمع منه كلمه تجرحني
انتي عملتي اكبر غلطه في حياتك
انتي عارفه أنه حالف ينتقم مني انا
انتي عارفه كان منظري ايه قدام صحابي النهارده وهو واقف يوريهم صوري اللي بشعري!
بجد حرام عليكي انا مش مسامحاكي
وهو كمان ذنبه في رقبتك
مش مبرر ابدا عشان انتي عاجزه تعملي كده
اللي بيحب حد بيحبه في كل حالاته
كان لازم تعرفيه الحقيقه وتسبيه هو اللي يختار!!
يكمل أو يبعد
مش تفضلي تخدعي فيه لحد ما يحبك وفجأه بدون اي مقدمات تبعدي عنه
ردت بدموع
ا انا اسفه ا انا اسفه سامحيني
رفعت اكتافي بحيره
اسفه علي ايه ولا ايه ولا ايه!!!
انتي بني ادمه انانيه
ازاي تعملي كده في اختك
انا كنت بنام ومأمنه علي نفسي
وانتي رايحه تبعتي صوري بشعري لواحد غريب
اصلا ازاي انا مكنتش بلاحظ ده
كان بيكلمك أمتي وازاي انا ملاحظتش
كنت بخليه يكلمني بليل لما بتنامي و
قطعت كلامها لما الفون بتاعي رن برقم غريب
الو
انا تحت قدام بيتك خمس دقائق وتكوني عندي وإلا وقسما عظما هطلع دلوقتي واڤضحك قدام
اهلك
رديت پخوف وانا ببلع
متابعة القراءة
