بسمتي
المحتويات
في حياتي علشان ربنا يرزقني بزوجة زيك أنا هكون معاكي لأخر نفس فيا ..
قربي مني علشان ألبسك السلسلة
بسمة قعدت قدامه وعلي لبسها السلسلة وباس رأسها كانت حلوة وبقت أحلى عليكي ..في الليل البنات كانوا قاعدين مع بعض كل واحدة فيهم بتحكي عن يومها
بسمة جوري مامتك عامله إيه وحشتني أوي ..
جوري كويسه الحمدلله بتسلم عليكي إنتي كمان وحشتيها إنتي بقى يومك كان عامل إيه ..
رن تلفون بسمة كان علي
بسمة علي بيتصل خير إن شاءالله أنا لسه طالعه ..
رؤيا علي أخويا مابقاش يقدر يبعد عنك أبدا ..
البنات ضحكوا بسمة بعدت شوية عنهم وردت عليه
بسمة هههه إيه وحشتك في الوقت القليل دا ..
...... لا ماوحشتهوش لو عايزه تشوفيه عايش تعالي للعنوان دا لوحدك وإلا هتستلمي جثته ..
بسمة ركبت تاكسي راحت للعنوان من غير ماتقول لحد كانت خاېفه عليه ليه عايزين ياخذوه منها هي لسه مالحقتش تفرح برجوعه
وصلت للمكان حاسبت سواق التاكسي واتحركت للعنوان كان المكان مهجور فيه مصانع كثيرة لكن فاضية بدأت تدور فجأة حد ضربها على
رأسها
بسمة بدموع علي قولي عملوا فيك إيه مين اللي خطڤك ..
قلتله على المكالمه وعن اللي حصل لما وصلت للعنوان
علي مين اللي ليه مصلحة إنه يخطفنا بعدها اتكلم بعجز
إنتي جيتي ليه يابسمة إنتي مافكرتيش في نفسك ولا فكرتي في إبننا إنتي عارفه إني مش هقدر أحميكي أنا واحد عاجز لازم تفهمي دا أنا قلتلك قبل كدا مش لازم تفضلي مع واحد زيي مش قادر يحميك ..
أنا هنا علشانك يا ڼموت سوى أو نعيش سوى إنت فاهم حتى لو إنت عاجز أنا بحبك إنت بتقول إنك مش هتقدر تحميني وأنا بقولك أنا مش بحس بالأمان غير معاك ..
علي بسمة أنا خاېف عليكي خاېف يحصلك حاجة أنا مقدرش أعيش من غيرك لو عملولك حاجة أنا ھموت ..
بسمة ماتخفش ياعلي ربنا معانا مش هيحصلنا إلا اللي ربنا كاتبه لينا أنا معاك ياعلي ..
بسمة بثقة هنطلع من هنا مع بعض ..
في قصر سلمان
الوقت إتأخر وهما بيدوروا على علي وبسمه ومش لاقينهم حسوا بالخۏف
مراد بسمة كانت معاكم هي فين وليه مش بترد على تلفونها ..
رؤيا كانت قاعده معانا علي كلمها قامت علشان ترد عليه وماشوفنهاش من وقتها ..
بيجاد ماتقلقش يابابا ممكن يكونوا خرجوا مع بعض ..
كريم لازم ندور عليهم بسمة حامل وعلي مش بيقدر يتحرك هنعمل إيه لو جرالهم حاجة ...
مراد كلامك مضبوط يلا ندور عليهم واللي يعرف عنهم حاجة يبلغ الثاني
وكلم البنات لو رجعوا للبيت ابقوا كلمونا ..
بسمة علي إنت ساكت ليه الدنيا ظلمت وأنا خاېفة اتكلم ياعلي سندت رأسها على رجليه ..
علي ماتخافيش ياحبيبتي أنا جنبك بفكر في حل يطلعنا من هنا ..
بسمة عايزني ماخفش اتكلم معايا خلينا نفكر سوى ..
وقبل ماتكمل كلامها سمعوا صوت حد يفتح الباب وبإيده ضوء حط الأكل قدامهم وقرب من بسمة وهو بيبصلها بخبث
علي ابعد عنها واتكلم معايا أنا إنت عايز إيه ..
الرجل اسكت أنا عايز أفكها فك إيديها ورجليها ..
علي إنت مين خطفتنا ليه إنت عايز مننا إيه ..
الراجل أنا مش عايز منكوا حاجة أنا بنفذ الأوامر وبس كلوا خرج وسابهم ..
علي بتمني إن اللي بفكر فيه ميكونش حقيقية ..
بسمة أنا بفكر بنفس اللي بتفكر فيه عمتك لارا مالناش عدوا غيرها ..
علي كلي حاجة علشان الولد ..
بسمة أنا هبتدي أغير من الولد دا بقيت بتهتم بيه من قبل مايتولد على كدا لما يجي هتنساني ..
علي مافيس أغلى منك هنسى كل العالم ومش هنسى بسمتي
أنا عارف إنك قوية وهتستحملي علشان كدا لازم تاكلي علشان ابنك ..
بسمة أنا كويسه مش هاكل يمكن يكون فيه حاجة ..
في نص الليل رجعوا على القصر كانوا حاسين باليأس
هناء بلهفه مراد لقيتوهم ..
بجاد لا ياماما دورنا عليهم في كل مكان ..
هناء بدموع لازم تبلغوا البوليس علشان يدور عليهم ..
كريم روحنا علشان
نبلغ قالوا لحد مايعدي أربعة وعشرين ساعة ..
مراد هندور لحد الصبح ..
لارا طلعت لأوضتها ومايا طلعت وراها هناء قعدت تبكي كانت خاېفه
متابعة القراءة
