قصة حقيقية
المحتويات
عايزاك
ياسر بهدوء .. طيب ماانتي كمان حازم مش عايزك بتجري وراه ليه بقا
كاميليا سكتت مكانتش عارفه تقول ايه هو فعلا عندو حق حازم مش شايفها
ياسر .. كاميليا انا عايزك تفوقي من الوهم اللي انتي عايشه فيه . حازم لو شايفك او حاسس بيكي كان اتجوزك من زمان ماانتي طول عمرك قدامه بس انتي اللي مش عايزه تقتنعي انو خلاص مش من نصيبك وعايشة في الاوهام علي امل انو هيجي اليوم وحلمك يتحقق
كاميليا كانت واقفة دموعها نازلة من كلام ياسر لانو فعلا بيتكلم صح بس هي اللي غبيه
ياسر مسح دموعها وقالها .. كاميليا انا بحبك وعايزك
عند حازم كان سايق بچنون وهو مش عارف ايه اللي حصلها فضل طول الطريق قلقان وخاېف عليها لحد ما وصل
حازم قرب منها بسرعة وقالها .. مالك ايه اللي حصل
ريم بۏجع وألم شديد و هي مش قادرة تتكلم .. ال حقني بمو ت. بط ني بتت قطڠ
حازم شالها ونزل بيها بسرعة وحطها في العربيه وطلع علي المستشفى
بعد وقت قياسي كان حازم وصل المستشفى وهو شايل ريم
جم الممرضين وخدوها منو بسرعة والدكتور دخل يكشف عليها
حازم كان رايح جاي قدام غرفة الكشف وهو ھېمۏټ من القلق عليها لحد ما الدكتور خرج
حازم لسه هيسأل الدكتور لقي الدكتور
بيقول للمرضين .. جهزولي غرفة العمليات بسرعة
حازم پقلق ۏخۏڤ .. في ايه مالها يادكتور ايه اللي حصل
الدكتور .. الزايده التهبت عندها ولازم نشيلها قبل ما تنفچر . لازم تعمل العملية دلوقتي حالا لو فضلت اكتر من كده هتنفچر في بطنها
عند امجد كان قاعد في كافيه هو وعمر صاحبه
وبيشربو شېشه
عمر .. ماتكلملنا حازم يجي يقعد معانا من زمان مشفتوش
امجد .. حازم اكيد مشغول دلوقتي
عمر .. ياعم كلمه وشوفه
امجد مسك تليفونه ورن علي حازم
عند حازم كان واقف قدام غرفة العمليات وهو باين عليه القلق لحد ما تليفونه رن
امجد .. بقولك ايه عمر معايا اهو متيجي تسهر معانا
حازم .. مش هينفع
امجد .. ليه
حازم .. انا في المستشفى
امجد .. في حاجة ولا ايه انت تعبان
حازم .. مش انا . دي ريم تعبت
امجد .. تعبت الزاي ايه اللي حصل
حازم .. هتعمل عملية الزايده . هي جوه في العمليات
امجد.. طيب انا هجيلك . مستشفى ايه
امجد .. لأ اناجاي قولي بس اسم المستشفى
امجد قفل لقي عمر بيقولو .. خير في ايه مالو حازم
امجد .. حازم مراتو في المستشفى بتعمل عملية
عمر باستغراب .. مراتو مين هو مش حازم مطلق مراتو
امجد .. ايوا ماهو اتجوز تاني
عمر .. اتجوز امتا
امجد خد مفاتيحه وقام وقالو .. انا رايحله المستشفى
تعالي معايا واستفسر براحتك واحنا في الطريق
عند شيرين كانت بتعمل شوبيج هي وندي خطيبت عمر
وهما في المول بيشترو لبس ندي كانت ماسكه چيب
قصيرة جدا وبتقول لشيرين .. ايه رايك في دي
شيرين بصت عليها وقالتلها .. كويسه
ندي .. هخدها بس ياريت بقا عمر ما يعترضش عليها
شيرين .. لو شايفه انو هايعترض عليها بلاش
ندي .. عمر ده خنيق بيعترض علي لبسي كلو اصلا دا لو عليه
عايزني البس جلابيه
شيرين .. ماهو بصراحه ياندي انتي لبسك مستفز كلو قصير وعر ېان
ندي .. والله هو عرفني وهو عارف ان دا استايلي ووافق يخطبني علي كده مايجيش بقا يعترض دلوقتي
شيرين .. انتي بتحبيه ولا لأ
ندي .. ايه السؤال ده طبعا بحبو
شيرين .. طيب ما ڈم . بتحبيه حاولي تتغيري علشانه مفيهاش حاجه لو عملتي اللي هو عايزه
ندي پضېق .. وهو يعني لو بطل تحكماته دي هيجرا ايه يعني
شيرين .. هو بيحبك وبيغير عليكي ودي المفروض حاجة تبسطك مش تدايقك
ندي .. ياستي يحبني ويغير عليا عادي معنديش مشكلة
بس مايخنقنيش
شيرين لسه هتتكلم تليفونها رن
شيرين .. دا امجد اكيد هايقولي اتأخرنا ليه
ندي .. طيب ردي شوفيه
شيرين .. ايه ياحبيبي احنا خلاص راجعين اهو
امجد .. لا متروحيش تعالي علي مستشفى
شيرين بخضه .. خير في حاجة انت كويس
امجد .. انا كويس بس مرات حازم في المستشفى تعالي عشان تبقي جمبها
شيرين پقلق .. مالها ريم
امجد .. بتعمل عملية الزايدة .يلا تعالي بسرعة
شيرين .. حاضر
وقفلت
ندي .. خير في ايه مين اللي تعبان
شيرين .. تعالي وهقولك في الطريق
في المستشفى كان حازم واقف لحد ما الدكتور خرج
حازم .. طمني يادكتور
الدكتور .. الحمد لله العملية اتعملت وهي هتبقي كويسة بإذن الله
حازم .. طيب هي هتفوق امتا يادكتور
الدكتور .. احنا هننقلها غرفة عادية دلوقتي وساعة وهتفوق ان شاء الله
ريم انتقلت غرفة عادية
وبعدين دخل حازم عندها
حازم قرب
متابعة القراءة
