سلسلة الاقدار

أنا إلي أسألك بتعملي إيه هنا 
أبتلعت غصة مؤلمھ و حاولت أن تشحذ بعضا من قوتها التي تبعثرت بحضوره و قالت بجمود
مدام عرفت مكاني يبقي عرفت أنا هنا بعمل إيه 
تشكلت غصه في حلقه حين سمع كلماتها التي لم يكن بها أي ذرة تأنيب ضمير أو هكذا ظن لتخرج الكلمات من فمه محمله بأكبر قدر من الإحتقار
جايه تشاركي في قتل روح بريئه ملهاش ذنب في أي حاجه !
إستقر إتهامه بمنتصف قلبها ليشطره إلي نصفين و قد ظهر ذلك الألم بعيناها التي كانت تخفيها تحت إطار من الزجاج حجب عنه رؤيه عڈابها و لكنه تجلي في نبرتها حين قالت بعتاب خفي
صدقت أو مصدقتش أنا معرفتش أنا هنا ليه غير من خمس دقايق بس و عمري ما كنت هشارك في ذنب زي دا 
قاطعها بقوة و نبرة حادة
و سبتيها تدخل أوضه العمليات ليه 
تهدجت نبرتها و خرج صوتها متحشرجا حين قالت و هي تحارب عبراتها
مكنتش قادرة أستوعب إيه إلي بيحصل الوقت بين لما عرفت أنها حامل و لما عرفت أنها جايه تنزله ميتعادش عشر ثواني 
لأول مرة تكن لهجتها ضعيفه بذلك الشكل ! كان هناك صوت بأعماق قلبه يصدقها و لكن غضبه كان يخرس كل شئ حوله و لا يستوعب سوي حقيقه واحده أنه لو لم يتدخل في الوقت المناسب كان سيخسر الشئ الوحيد المتبقي من أخاه المټوفي
لذا تجاهل هذا الألم الجلي علي ملامحها و قال بخشونه
أحمدي ربنا إني أدخلت في الوقت المناسب و إلا 
إستيقظت روحها الثائرة بداخلها ما أن سمعت كلماته المھددة فإنتزعت الباقي من إرادتها و قالت بقوة
متهددنيش ! 
سالم بلهجة هادئه و لكن قويه توازيها نظرات محذرة
مبهددش ! أنا بعرفك عشان تفكري ألف مرة قبل ما تعملي حركه غبيه زي دي تاني!
فرح بتحدي
لو فاكر إنك كدا بتخوفني تبقي غلطان !
سالم بهدوء ظاهري و نبرة عميقه بينما عيناه تبحر فوق ملامحها بغموض
لا مخوفك ! وبلاش تخليني أخوفك أكتر و أستخدم معاكي أسلوب أنا مابحبوش !
اللعنه عليك ! كان هذا أول ما تفوهت به بداخلها فذلك الرجل بغيض لدرجه جعلتها لا تستطيع التواجد معه في مكان واحد فالټفت تنوي مغادرة الغرفه و ما أن همت بتجاوزه حتي إمتدت يده تقبض علي معصمها بقوة آلمتها فتوقفت علي الفور و قد شعرت بطبول تدق بين ضلوعها إثر ملامسته لذراعها و علي مهل أدارت رأسها تواجهه لتشتعل حربا صامته بين أعينهم دامت لثوان قبل أن تقطعه لهجته المحذرة حين قال من بين أسنانه
لآخر مرة هحذرك ! لما أكون بكلمك أوعي تمشي و تسبيني ! 
حاولت رد الصاع صاعين و لكن بطريقتها فقالت بإستفزاز
إيه دا هو انت مكنتش خلصت !
تحركت تفاحه آدم التي تتوسط عنقه بينما أشتدت قبضته علي ذراعها مما يدل علي محاولته إبتلاع غضبه التي زاد من إشتعاله أستفزازها و قال بصرامه
كلامنا لسه مخلصش هروحك أنتي و الغبيه إلي جوا دي و بعدها نتكلم عشان نحط النقط عالحروف 
كانت هذه أكبر جمله تفوه بها منذ أن عرفته لذا كانت تعلم أن خلف حديثه هذا أشياء لن تعجبها و لكنها آثرت تأجيل كل شئ حتي تطمئن علي شقيقتها فقامت بتوجيه نظراتها إلي قبضته الممسكه بذراعها فخففها تدريجيا إلى أن تركها فقالت بإختصار
هروح أطمن علي جنة 
كانت جنة مستلقيه علي سرير الكشف و الطبيبه تقوم بتمرير جهاز الموجات فوق معدتها و فجأة صدح صوت قوي لنبضات صغيرة جعلت كل خليه في جسدها ترتجف فنظرت إلي الطبيبه التي قالت بوقار
سامعه صوت قلبه !
دون حديث إنهمرت الدموع فوق وجنتيها و شعرت
بأن قلبها علي وشك الخروج من مكانه من فرط التأثر
كانت تشعر و كأن نبضاته تعاتبها علي جريمتها التي كانت علي وشك إرتكابها في حقه فلم تستطع الإجابه علي سؤال طبيبتها التي قالت بتأثر
لما جتيلي و قولتيلي إنك عايزة تنزلي البيبي أول حاجه جت في بالي إني أطردك فورا بعد ما أديكي الدش المتين بس لما عيني جت علي إيدك إلي كنتي فيها بطنك و كأنك بتحمي إلي جواها من نفسك و خدت بالي
من شفايفك إلي بترتعش قولت دي مش منظر واحده عايزة تضحي بضناها أبدا قولتلك أتفضلي عشان أكشف عليكي بس وقتها مكنش لسه في نبض عشان كدا أديتك ميعاد النهاردة بحيث تيجي في الوقت إلي يبقي قلب الطفل بدأ ينبض و كنت واثقه أنك بعد ما تسمعي صوت قلبه عمرك ما هتقدري تضحي بيه أنا معرفش ظروفك إيه بس صدقيني ربنا مأردش أنك تحملي فيه إلا إذا كان له حكمه في دا و زي ما زرعه جواكي أكيد هيلطف بيكي و بيه أحمدي ربنا علي النعمه دي في آلاف الستات بتجيلي هنا عندها استعداد تدفع عمرها كله قصاد انها تبقي أم بتتمني بس ضافر طفل استغفري ربنا علي الچريمه إلي كنتي عايزة تعمليها دي