مهمة صعبة

هموووت وانام. انا حقيقي اسفة اني عطلتك عن شغلك وجبتك علشان حاجة تافهة بس والله . ااان.
مهاب سكتها وضمھا وباسها بهدوء وهو بيهمسشششش.. قلبي دي مش حاجة تافهة انتي وهي اغلي ماعندي وتعبكم مش سهل ولا تافه ابدااا.
چودي اتنهدت وابتسمت بس انت عندك شغل. بس والله كنت ناسية الدواء .. انا بجد متلخبطة. الامومة دي صعبة اوي. مامي دي علي كدة بطلة ربتنا 3 وتوأم . كانت بتعمل ايه بس!

مهاب اخد راسها ونيمها علي صدره وهو بيلعب في شعرها حبيبتي ماحدش بيتولد يعرف يعمل كل حاجة.. زي ما امي وخالته نغم اتعلموا يربونا انتي كمان هتتعملي كل حاجة مع الوقت. حياتي دي اول طفلة . لسة هتجربي معاها كل حاجة. بس انا جنبك هنتعلم سوا كل شئ. وعمري ماهسيبك لوحدك.
چودي غمضت عنيها بآمان وراحة.
وحضنته بقوةانا بحبك اوي يا هوبا اوي.
مهاب ضمھا وابتسم وهوبا بيموووت فيكي يا قلبي.. طمنيني يا روحي انتي اكلتي حاجة من الصبح!
چودي بعدم اهتمامتؤترتؤ. مش جعانة. انا عايزة اناااااااااام. انام وبس.
مهاب صعبت عليه بس كدة ماينفعش لازم حبيبتي تاكلي كويس انتي كدة هتضعفي ونغم كمان. اورجوكي خدي بالك من صحتك. انا هقوم احضرلك أكل بسرعة.
چودي متمسكة بحضنه ومغمضة تؤتؤ. وحياتي ماعايزة اكل... انا بجد عايزة انام تعباانة اوي يا هوبا. ابقي آكل بعدين.
علي كدة.
مهاب خباها في حضنه اكتر وغطاها وابتسم علي حبيبته اللي مش هتكبر بقت ام ولسة في حضنه طفلة بريئة نامي حبيبتي نامي وارتاحي خالص . ولما تصحي هبقي اكلك .ومالكيش دعوة بنغم. لو صحيت انا هقعد معاها . المهم انتي ارتاحي علشان تقدري تكملي.
چودي من التعب كانت بتنام وتقريبا ما سمعتش كلامه كله. هو لقاها راحت في النوم ونفسها انتظم. باسها من شعرها بحنان. وبص علي سرير نغم بنته.
مهاب بعتاب كدة! كدة يا ست نغم تمرمطي بسكوتي معاكي. دي حمل اللي بتعمليه فيها ده! دي كانت ممكن ټعيط لو ضفرها انكسر . عايزها تتحمل بلاويكي وعياطك وصريخك لا وكمان البيبي اللي قرفانا بيه. بس وحياة ابوكي الغالي اللي هو انا هربيكي ووريني بقي هتعملي معايا ايه انا اللي هقفلك.
نغم كانت بتتقلب وافتكر انها هتصحي كتم صوته خالص وسكت. وبص لقاها كملت نوم. ضحك وهو بيحاول يكتم ضحكته ااااه يا بنت الكلب هتربينا كلنا. بقي وحش زي يقعد خاېف بس يهمس لنملة زيك تصحي. لا وكمان واخد موزتي في حضڼي بمنتهي الادب وساكت.
وده بسبب سيادتك. مطلعة عنيها ومخليتها پتنهار. وتنام متبنجة كدة. لا المصېبة الكبيرة اني شايفها قصادي ومتكتف ولا عارف ادلع
نفسي. ماهي يا قلب امها هتلاحق علي مين فينا انا ولا انتي.
بس هقول ايه انتي محلية حياتنا حتي بغلاستك وتعبك. وابتسم اكتر وضم چودي اكتر وغمض عنيه.
بس كل ده مش مهم . المهم انها جنبي وفي حضڼي وانتي قصاد عيوني.... ربنا يديمكم نعمة في حياتي. ده كان حلم بعيد واتحقق خلاص هحتاج ايه تاني. 
في بيت مؤمن شيري.
مؤمن راجع من شغله ودخل بهدوء كالعادة من وقت ولادة نجمة. لان البيت بقي فيه حظر تجول بصوت عالي زي زمان. تحسبا ان الهانم تكون نايمة. دخل بهدوء لقي شيري في المطبخ بتجهز الاكل اتسحب وراها وحضنها وشالها.
شيري بفزع مؤمن بجد حرااام عليك خضتني والله .
مؤمن هههههههه. حقك عليا يا سمارتي. بس بصراحة شكلك مغري اوي ماقدرتش اقاوم.
شيري لفتله واتعلقت في رقبته وقرصته من ودنهتاني مرة تخضني كدة هتنام انت مع مامتك وانا مع بنتي فاهم.
مؤمن بيمثل البرائة لا لا لا وحياة ابوكي الغالي هبقي مؤدب بس بلاش العقاپ ده .وقربها اكتر من حضنه واتنهد. ثم احنا يعني لسة يادوب بنشم نفسنا من بعد الولادة. ده انا كنت متربي واخيراااا الطريق بقي خالي من غير موانع. تيجي انتي عايزة تنفيني لوحدي. اخس عليكي مش بصعب عليكي خالص.
شيري ابتسمت اعمل ايه في قلبي الحنين ده. مش بقدر اعاقبك. بس اوعدني ما تخضنيش كدة تاني .
مؤمن غمزها اوعدك . كل ما الاقيكي مش واخدة بالك هخضك علشان تتكعبلي والقفك في حضڼي.
شيري ضىبته في صدره بغيظ غلس غلس. طب ابقي كررها