مهمة صعبة

للدرجة دي بتحبيه ومستعدة تضحي بينا بأهلك علشانه.
مايا قربت منها بهدوء مامي ارجوكي ما تزعليش انتي اكتر حد عارفني وعارف انا تعبت اد ايه علشان اوصل لشهاب. من فضلك خاليكي جنبي للنهاية ساعديني احقق حلمي.
هنا ابتسمت بسخرية اساعدك! هو انتي محتاجة خد يساعدك . انتي خلاص مشيتي في طريق اللي يروح مايرجعش. ربنا يسعدك عن اذنك.

مايا رايحة فين!
هنا رايحة اشوف ابوكي عمل ايه مع شهاب بيه .
خرجت هنا ومايا اتنهدت براحة وابتسمت بشړ وهي بتاخد فونها علشان تكلم تمارا وتكمل جرحها وتبلغها بخبر خطوبتها هي وشهاب.
تمارا كانت قاعدة علي البحر بتبتسم لنسمات الهواء اللي مشبعة بريحة البحر وبتفتكر شهاب وكل لمسة حنينة جمعتها معاه الليلة اللي فاتت. وكمان الصبح لما صحيت وكانت قاعدة تتأمل فيه ضحكت وافتكرت كلامه وهزاره.
بس فونها رن شافت الرقم لقتها مايا اتخنقت وماحبتش ترد لقتها مصممة
وبترن كتيير ولما تمارا صممت ماتردش عليها بعتتلها رسالة علي الواتس أب.
مايا ردي علشان عايزاكي ضروري. في خبر مهم لازم تكوني اول واحدة تعرفيه.
تمارا بتشوف الرسالة ومش بترد. بس بتسأل نفسها خبر ايه وايه اللي لسة عايزة تقولهولها.
مايا مصممة تستفزها ردي علشان هتخصري. ااه صحيح اصل شهاب عندنا هنا . لو عايزة تعرفي هو هنا ليه ردي عليا.
تمارا عقدت حاجبها مش فاهمة شهاب عند مايا في البيت ليه ! هو قالها انه نزل القاهرة علشان جاله فون شغل من حد مهم ولازم ينزل وهيرجع اخر اليوم. ليه راح لمايا.
مايا اتصلت تاني وتمارا الفضول خالاها ترد .
تمارا بحزم ممكن تنجزي وتقولي الكلمتين المحشورين في زورك ونخلص. عايزة ايه وبتزني ليه هو مش انا قولتلك قبل كدة مش عايزة اعرفك ولا تاصلي بيا عايزة ايه مني ! 
مايا ضحكت بإستفزاز ههههههههه. مالك اهدي شوية كدة اعصابك لسة هتحتاجبها كتييير بعد شوية .
تمارا بتأفف وزهق يووووووه . نخلص بقي مش فضيالك انا اللي عنك ارمي واخلصي.
مايا پحقد انا بس ببلغك انك تجهزي نفسك لصدمة عمرك علشان شهاب دلوقتي قاعد مع بابي بيخطبني وهنتجوز في اقرب وقت. علشان لما قولتلك قبل كدة ان شهاب ده ليا انا وبس وبتاعي انا وبس تبقي تصدقيني.
تمارا كانت مش مستوعبة الصدمة دي ولا قادرة تصدقها . شهاب ليه بيعمل فيها كدة ليه في عز مابيقرب منها ويحسسها بالحنية والاحتواء.
بيضربها ضړبة مؤلمة وآلم يفوقها ويصحيها علي واقع يوجع ويجرح.
تمارا بدهشة وحروف بتهرب ومش عارفة تتجمع علشان تكون كلمة ثبات وقوة مزيفة بس هي بتحاول لاقصي درجة تحافظ علي اللي باقي من كرامتها خصوصا مع مايا ووووانتي . ووانتي مممتخيلة اني . اني ههتم ان ده يحصل تنجوزوا او لا ده شئ مايخصنيش. اشبعي بيه . شهاب مايعنليش اي شئ.
مايا ابتسمت بتشفي تؤتؤتؤ. بجد صعبانة عليا لسة بتقاوحي. عموما انا بعتلك صورته وهو قاعد مع بابي دلوقتي علشان تتأكدي لاتفتكري اني بضحك عليكي ولا حاجة . كمان بعتلك صور الدبل بتاعتنا وخاتم الخطوبة . علشان تبقي اول حد يشوفهم . باي عن اذنك مش عايزة اتاخر علي شهاب حبيبي بااااي.
مايا قفلت وتمارا فتحت الصور اللي بعتتها مايا وشهاب قاعد مع عدي وفعلا لابس نفس اللبس اللي خرج بيه الصبح من عندها. وشافت صور الدبل وخاتم مايا . دموعها نزلت بۏجع للدرجة دي هي بقت لعبة في ايده!
للدرجة دي هو خاېن وكداب وبيقدر يتلون !
للدرجة دي عنده قدرة علي التمثيل والزيف انه يكون معاها الصبح بالشكل ده ويجعهم اللي جمعهم وبكل
سهولة يروح يخطب مايا علشان يكمل كسرتها وانتقامه منها! 
معقول كل لمسة وكل كلمة كانت كدب !
فضلت تبكي وتبكي بحړقة وۏجع وچرح واهانة لكرامة انهدرت وضاعت. وبعد دموع وحزن. مسحت دموعها وبدأت تتماسك وتقرر انها لازم تاخد موقف وتحط حد لچرح كرامتها وكبريائها بالشكل ده. ومش هتكون ضعيفة تاني ابدا وياه مهما عمل ومهما حاول يخدعها. ولازم تدفعه تمن كل اللي فات 
كتير عليا اليسا
مش ممكن ابين نفسي ضعيفة وخاېفة مهما ضعف ولا هرضي ابان مهزومة لو حتي سألني وبردوا حلفت .
وبكت بحړقة علي كبرياء عاشته سنييين وقوة كانت من سماتها ووصفها قصاد الكل وعمرها