سبيه ليه ده جوزي

اسكريبت..
_بس هو جوزي.
_بس بيحبني انا.
_بينام جمبي كل لليله وراسي وراسه على نفس المخده.
_وفكره وروحه معايا.
دموعي بقت تنزل والتليفون كان هيقع مني وقولت_ انتي مين وبتعملي معايا كده لي سيبيه ليا ده جوزى .
_سيبيه الأول انتي اللي دخيله هو كان معايا من قبل ما يتجوزك.
_ولي متجوزكيش.
حسيتها اتوترت وسكتت بس بعدين قالت المهم هو لسه معايا فلو عندك كرامه سيبيه مع حبيبته.

_طب ماتسيبيه انتي مع مرته.
_عمري ما هسيبه وعمري ماهسيبهولك يافلاحه ياللي جايه من تحت الجموسه فكرك اتجوزك ليه دي جوازه مڠصوب عليها وكتيره شهر كمان وهتطلقي..
التليفون وقع من ايدي اعصابي سابت قلبي اتنفض جوزي هيطلقني! اروح اقول لابويا وامي اي بتك اتطلقت بعد اسبوع جواز!
انا ومحمد اتجوزنا جواز قرايب من بعض بنت عمه واتجوزها من غير حب من غير حنيه جواز قرايب ذي مايقولوا جواز صالونات البت لولد عمها وبس خلصت على كده...
كنت وانا صغيره طول عمري بحبه كان هو الحب الاول اللي دخل قلبي كان يركب الفرس ويجي البيت عندنا كنت البس واتجمل عشان بس يلمحني حتى لكن عمره ما بصلي طول عمره كان شايفني طفله...
بعد مااتجوزنا مشوفتش منه حاجه وحشه محترمني بيعاملني معامله حلوه عمره ما زعلني بكلمه بس بس مبيحبنيش ودي اهم حاجه مبيحبنيش! ياترى كلام الست دي حقيقي ولا بتكدب ياترى بيخوني معاها ولا ذي مابتقول بېخونها معايا!!!
_صباح الخير.. 
فوقت من سرحاني ونسيت اللي حصل وقومت _احضرلك الفطار 
بصلي شويه وقال_وانتي بتعرفي تعملي اكل! 
_وه دانا الشيف حسن يقولي ياهانم.
ابتسم وللأمانه ابتسامته خطفت قلبي وقال_ يعني هتعرفي ولا هتجرحي نفسك بضفايرك دي . 
مسكت ضفايري و بصتله وقولت _انت شايفني صغيره ولا اي. 
قال باستخفاف_ايوه انتي لسه صغيره. 
بصتله بصة ثقه وقولت_بس مرتك وبعدين انا مش صغيره.
مالها ضفايري الضفاير بتنعم الشعر بتفرده بتدخله الهوا ماما كانت دايما تقولي الضفيره تنعم الكعكه تكمكم مش عارفه الضفيره مش عجباهم في أي أعداء النجاح دول...
قومت وعملت الاكل مكرونه بشاميل وفراخ ومولوخيه وجلاش باللحمه مليت السفره وناديت بصوتي كله.
_الاكل حضر ياأهل البيت.
متعودتش حد يستخف بيا او مبحبش