قاعدة كدة ليه
المحتويات
قاعده على السلم كدا ليه
رفعت رأسها وعيونها جات في عيوني لقيتها بټعيط وعيونها حمرا أتخضيت وقعدت جمبها بس بينا مسافة وأتكلمت بلين.
بټعيطي ليه حصل حاجة معاك
_مبعيطش.
قالتها وهي بتمسح دموعها بسرعة أبتسمت على تصرفاتها وحطيت أيدي تحت خدي وسألتها تاني.
أنت مش عارفة أن الكدب حرام
_وأنت مش عارف أنك تقعد جمبي وتتكلم معايا كدا حرام
رجعت بصتلي بتعجب وهي بترفع حاجبها فقت من سرحاني في عيونها وأتكلمت بسرعة وأنا بحاول أغلوش على اللي قلته من غير قصد.
مش المفروض بتذاكري دلوقتي أمتحاناتك فاضلها أقل من شهر.
قلت كدا ولقيتها رجعت حاوطة وشها بأيديها وعيطت تاني للحظة كنت ھلمسها وأطبطب عليها لكني سحبت أيدي بسرعة وسيطرت على حزني وأنا شايف دموعها كدا أتكلمت بصوت كله لين لعلها تهدأ.
_لو سمحت يامراد أمشي.
مش قبل ما أعرف مالك
_مينفعش حد يشوفنا قاعدين كدا وبنتكلم.
ليه قاعد مع بنت عمي وخطيبتي.
_قلت أهو خطيبتك يعني في حدود برضو.
مفيش حدود بيني وبينك وحتى لو بباك شافنا مش هيقول حاجة.
_دا أزاي يعني
_أتخانقت معاهم فوق.
مع مين بالظبط
_البيت كله كلهم مش مقدرين إني مضغوطة ومش مبسوطة ولا مرتاحة كل حاجة بتحصل مش عجباني أنا حاسة قلبي واجعني كلهم متوقعين مني مجموع كبير وأنا والله نفسي أفرحهم بس مش بأيدي أنا بذاكر والله بس حاسة أني بنسى بسرعة وكل ما بحل بغلط كتير أنا مش غبية أنت عارف إني طول عمري شاطرة ودرجاتي كويسة في كل المواد بس دلوقتي الفشل بيظهرلي من كل حته أنا حاسة أن روحي بتتألم وهتطلع قبل ما أبدء أمتحانات والله.
سلامة روحك من الألم متقوليش كدا دي فترة وهتعدي زيها زي غيرها أنت طول عمرك شاطره وأنا فخور بكل محاولاتك فخور بمجرد وجودك هنا مش منتظر منك مجموع كبير ولا كلية معينة أنا منتظرك ترتاحي منتظر كل الهموم دي تنزل من على كتافك أنا لو بأيدي أخرجك من الثانوية
سكت وهي كانت ساكته بتبصلي بعيون تعبانه وبس سمعنا صوت طالع على السلم خلاها فاقت من سرحانها وسحبت أيدها من أيدي بخضة كنت هتكلم بس أتكلم زيد وقطع كلامي.
_قاعدين كدا ليه
فعت
متابعة القراءة
