عين بتراقبني
المحتويات
بشوف رسايل الفيس بوك
لقيت واحد باعتلي رسالة غريبة
فتحتها لقيت صور ليا في كل مكان ..وانا في الشغل ..وانا مع جوزي
وانا قدام عمارتنا .. وانا الكافيه مع صحباتي
مابقتش فاهمة أيه ده ؟
قلقت جدا ساعتها ..وقلبي فضل يدق فكرت اعمله بلوك بس المخذى مش هنا
هوا بيعرف يوصلي في كل الاماكن دي ازاي ؟
شوفت الصور وماردتش باي كلام معاه .. وقررت أعرف بدر جوزي بالرسالة الغريبة دي
وانا عيطت بصراحه من القلق مش عايزة افضل عايشة في ړعب ومحپوسه
انا انسانه اجتماعية بحب اخرج واتفسح واشوف صحابي
مبقدرش اقعد في البيت اكتر من ثلاثة أيام .. المهم فعلا قعدت يومين مانزلش الشغل
وبعدها قررت انزل بعد ما بدر جوزي ينزل شغله من غير ما اعرفه
مابقتش مستحملة قعدة البيت بصراحة وعايزة اشوف روان صحبتي
المهم نزلت فعلا وروحت الشغل وقابلت روان وقعدنا في كافيه جنب الشغل
احساس وحش قوي لما تحس انك متراقب ..مهما قولت وقعدت اوصف فيه مش هيحس بيه غير اللي اتحط في موقف زي ده قبل كده
ان في حد بيراقبك وبيصورك في كل مكان وانت مش واخد بالك
رجعت والحمدلله قبل ما بدر يرجع ..انا مش بخبي عنه حاجه بس هوا بيقلق عليا جدا
فضلت قافله الفيس بوك ..وقفلت النت عن الموبايل .. وروان كلمتني تطمن اني وصلت بالسلامة
وبعدها بدر رجع من الشغل واتعشينا سوى
وبعدها قبل ما انام الفضول واكلني ومش قادره ما افتحش النت
فتحت الصور اللي اتبعتتلي لقيت ان الصور كلها ملابسي مختلفه
يعني على اكتر من يوم وهوا بيراقبني ويصورني وبيمشي ورايه
انا زهقت بصراحه وقررت افتح الفيس اشوف حصل ايه ؟
فتحت الفيس ووانا قلقانه .. مافيش رسايل جت ..قلبي اطمن الى حد ما
حطيت الموبايل على الكومدينو جنبي وقبل ما انام سمعت صوت رساله عالفيس
فتحت الرسالة لقيت....!
فتحت الرسالة لقيت صور ليا النهارده ..
انا شفتها لقيت رجلي وجسمي كله بيترعش
مابقتش عارفه اعمل ايه غير اني انهر في البكاء
وصحيت بدر قام مخضوض قالي في ايه
حكيتله اللي حصل كانش عارف يهديني
ولا يزعقلي ويتخانق معايه عشان نزلت من وراه
متابعة القراءة
